طيف العيون

-٢-

#طيف_العيون

بقلم : سحر عبد الرحمن 

انا هنا اتحمقت وطاااخ ضربتها والضربه جات في التلفون بسبب اني ما بشوف وما عارفه ضربته وين المهم سمعته صوت التلفون وقع وتاني ما حسيت الا بكفين وراء بعض وفي ظلامي داك شفته النجوم لمن وقعته وهي بتضرب فيني الا امي جات علينا حجزتنا وسمعته صوت طااخ ادتها كف على وشها وبقو يتناقشو ويكوركو وانا ما عملته شي غير اني ببكي وشلته تلفوني من السرير وتوب وجرري على باب بيتنا وصلته كيف ما عارفه فتحته الباب وجريت ما عارفه ماسه وين ما عارفه ااي شي غير اني جاريه بس واتصلته على صحبتي افنان (تلفوني حديث فيه خاصية النطق دي ميزة ف التلفون لذوي الاعاقة لمن تضغطي على التلفون بنطق ويوريك انتي وين)

-الو وين يا طيف خبرك شنو 

-افنان😭الحقيني يا افنان انا ما تمام انا هربته من البيت زهجته من المشاكل نفس الروتين 

-تاني منى صح ياااخ البت دي عفنه والله بس الم فيها بوري ليها دي بدل تقيف معاك وانتي اختها الوحيده مزفتاها عليك والله ما اخليها ..كدي هسه خليك في محلك ما تتحركي تعملي لينا مصيبه اقيفي في محل كويس ما تقومي تضيعي اسالي اي زول انتي وين انا جايه عليك 

-طيب دقيقه ...لو سمحتو لو سمحتو ..في زول هنا 

جاني ولد صغير 🧒🏻

-انتي عميانه ولا شنو ؟؟

-ااي انت منو 

-انا حمودي انتي منو 

-انا طيف ..حمودي انا وين ممكن تقولي لي 

-انتي يا خالتو طيف جنب بقالة اسمها "السعاده "

-معناتو انا على بعد شارعين من بيتنا لانو كنت بجي البفالة دي مع امي وقالت انها على بعد شارعين اممم طيب يا حمودي شكرا 

-انتي يا خالتو مدام ما بتشوفي مالك طالعه يمكن تقعي يعني اعملي حسابك..في شجره وتحتها مظلة تعالي اقعدي 

-حمودي تسلم لي يااخ اريتو كل الاطفال زيك فهمك اكبر من عمرك 

-الواجب يا خاله (كبرني عديل الشافع ده😂💔)

-شكرا ليك يا حمودي 

-العفو تاني دايره شي 

-لالا تسلم 

قعدته في المظلة ودقيت على افنان تاني 

-فنون انا في مظلة جنب بقالة السعاده 

-تمام خليك قبلك اوعك تتحركي قدام البقالة دي في شارع ظلط ما تتحركي انا عرفتها بصلك هسه 

-طيب 

مرت نص ساعة وافنان ما وصلت نسبة لانو بيتهم بعيد شديد من بيتنا يعني مشوار 40 دقيقه في الوقت ده قاعده وجعته قلته اشيل لي حاجه من البقاله اكلها في جراب التلفون بي وراء لقيت القروش وقمته مشيت ووقفته 

-ااااخ نسيت العصاية(عصاية عميانين بتساعدهم على التحرك) كانت حتساعدني كتير يا الله 

بعد داك ما حسست بشي الا بصوت عربيه وصوت ولد بكورك 

-زحي من الشارع يا بت زحي ..🚘😱

انا بقيت بس اتلفت وختيت يدي في عيوني ومن الخوف بس وقعته في محلي 😵🙅🏻‍♀

في الجانب التاني 

-وااااا سوادك يا عشه واااا رمادك بتك ضاعت طيف ضااعت كلو بسببك يا منى البت ما يكون حصل ليها شي جيبي التوب ده وانقلعي قدامي نفتشها 

-لازم يكون ااي شي بسببي انا 🤨

-ااي انتي السبب وبطلي نقه معاي عسان ما ارزعك كف تاني وارح نفتش اختك -طيب وان شاء الله تضيع ونرتاح 😏

-حسابك بس نلقاها والله لو حصل ليها شي ما حريحك يا منى فاهمه😠

طلعو يفتشو عليها عند الجيران شارع شارع 

في الوقت داك افنان وصلت محل البقالة ولقت الناس ملمومه وفي عربيه مكسرة وضاربة الشجرة والمظلة.. بقت تكورك

-واااااي واااااي طيف ماتت حتكون واااااي طيف ماااتت يااارب لااااا لااااا وااااي 🏃🏻‍♀💔

جارية وهي بتكورك لحدي ما وصلت وزفت الناس ودخلت لقت.....