طيف العيون

-٨-

#طيف_العيون

ومن طلعنا لقينا في وشنا منى واخر ظرافه معانا 

-كيف اصبحتو 🤗

-دي مالها دي 😒

-منى اهلين حمد لله انتي كيف 

-تمام حمد لله بس تعبانه مووت ..بعدين الجامعه مش شغاله لازم تمشو الجامعه انا ذاتي ماشه ارح يا افنان ما توصلينا 

-مشششم شنو الاستظراف من الصباح ده كلو عشان اوصلك عاااد جنس مصلحة 

-مصلحة شنو يا افنان خلاص حمشي براي 🚶🏻‍♀

-تعالي خلاص مدام في شارعنا اررح يا افنان 

-ارح طيب 

واتحركنا على الجامعه ومنى اخر ظرافه معانا وانا وافنان نعاين لبعض سااي 

-انت يا كريم مالك مع البنات ديل 

-يااااخ ديل بسببهم عملته الحادث يا احمد 

-يا كريم الحادث ده قدر ما ذنبهم 

-يااخ زول بكون قاطع وانت ماشي بعربتك قاطع وفجاة تجي تقيف كنت حضربها الا اتفاديتها وهسه شوف يدي كيف بالجبص لثلاثه شهور حكون كده حمد لله في الشمال بس 

-هههه معليش اجر وعافيه 

-لا وكمان يقلوو في ادبهم بالذات الاسمها افنان دي😡 

-هههه انت كمان يا كريم مستفز بشكل 

-انا الا زول يغلط معاي ..كدي هسه انساك منهم انت مش ماشي العياده 

-اييي الليله عندي عمليه تمشي معاي 

-هههه شكرا كفاني جوو مستشفيات نزلني في الجامعه اخد لي اذن واول ما تصل المستشفى رسل لي عربتك عشان ارجع بيها والمساء ارجعها ليك عشان عربتي في الصيانه 

-طيب..طبعا نسيت اكلمك اتصل عليك كمال وسالني منك ..كيف ما تكلم اهلك انك عملته حادث يعني لو ما كان خرجوك ما كنته اتصلته علي من المستشفى 

-اااخ نسيت تلفوني اخدو من الزفاتين ديلك الدكتور قال اديتو ليهم كدي اتصل فيه 

-اتصلته عليه من امس ومقفول ..ارجع اتصل لاخوك ده عشان ما يقلق انت عارف قلقو كيف ممكن يقطع تذكره ويجي 

-ااي والله ..لو ما انت يا احمد ما كنت عارف اعمل شنو 

-يا ود الحاله وحده بعدين اخوك ده فردتي من احنا صغار ودفعه لو ما رحلتو الامارات كنا مع بعض للان اشتقته ليه ذاتو 

-تشتاق ليك العافيه خلاص بتصل عليه بعدين من الجامعه

-طيب 

-بس اوعك تجيب سيره ليه انو انا عملته حادث 

-خلاص طيب 

كريم وصل الجامعه ولاقى في وشو افنان ومنى وطيف 

-الله يعدي اليوم ده على خير 

-قصدك شنو يا انت 

-اجيييي ده مش كريم 

-بتعرفيه يا منى 

-ده دفعتي يا بت بس قسم هندسه ..كيمووو ده شنو العمل فيك كده بعدين انا اتصلته عليك و..

-انتي يا منى مالك مزفتاها معاي لمن اتصلته عليك مالك ما اتكلمتي معاي وفي بت شغاله ردت علي وتاني الصوت بقى يقطع 

-ههههه ااي البت الشغاله 

هنا منى عاينت لطيف وبقت تضحك الا افنان جرت ليها نور احمر

-الحقي يا طيف ديل طلعو بعرفو بعض بعدين ليه عاينت ليك ما كلمتيني عندكم بت شغاله 

-دي انا البت الشغاله ما يفوتك كدي بحكي ليك جوة 

كريم ومنى لسه بتكلمو وطيف وافنان يتصنتو 

-ما علينا يا منى انا كنت دايرك في موضوع 

-طيب ارح جوة الجامعه وبعدين ده شنو العمل فيك كده 

-الظاهر ما كلموك 

كريم بقى يعاين لطيف وافنان تشيل تلوي في خشمها وتجر ليه نور بس لمن ركز مع طيف لقاها بتعاين لبعيد كانها ما معاهم وكانت دي اول مره يركز فيها ويدقق فيها وبقى يشك انو في حاجه غريبه لحدي ما قاطعتو منى 

-يا كيمو سرحته وين كدي اررح 

-طيب يلا 

كريم ومنى قعدو جنب الكافتريا وافنان وطيف في القاعه 

-فنون ممكن مويه عشان عطشته 

-طيب بالمره نجيب اكل نفطر 

-خلاص طيب انا بستناك هنا 

افنان مشت تجيب الاكل والمويه ولقت الكافتريا مقلوبه والناس متلميه دخلت تشمشر لقت منى وكريم بتشاكلو و....