#طيف_العيون
-امي انا فكرته وقررته اني ما حسيبها حتزوجها ولسه متمسك بقراري ما ذنبها انو اغتصبوها بعدين هي كانت عميانه ..اخر قرار انا بحبها وحتزوجها (احييي راجل الهناء والسرور يا يمه الله يدي امي صهر زي ده عااد 😂)
-انت شايف كده يا ولدي
-ااي يا امي منتهي الكلام
-انا ذاتي من شفتها حبيتها جمال على اخلاق وشكلها موجوعة بالجد فانا متاكده انك حتخفف عنها وحتسعدها خليني اتصل واكلم الجماعه طلعت افراح خالة افنان وطيف صحبتهم
-طيب وين اهلها؟؟
-اهلها ماتو كلهم وحاليآ اهل افنان هم اهلها ليها 3 سنوات قاعده معاهم بقت منهم وفيهم
مدام ومضه اتكلمت مع افراح وافراح بقت تزغرد وجاتنا فوق
-طيف ..الناس ديل مصرين عليك اها قلتي شنو ؟؟
-انا اسفه يا خالتو افراح انا رافضه
-لييه يا طيف ..ابدي حياتك بعد ده وانسي الماضي بعدين كمال ده برفضو ما بساالك يا طيف افنان ما تشوفي صحبتك دي
هنا افنان مسكت يدي وبقت تعاين لي
-طيف مهما كان المريتي بيه ده تنسيه خلاص الحياة دي ماشه فاااشنوو قبل ما اديك كف على وشك حتوافقي
هنا انا بقيت ابكي واقول في نفسي انتو ما عارفين شي انا قلبي مات مع كريم انا لسه بحبو ده انقذني من الحرام ده الفتح لي عيوني ده بقى كل شي لي بالرغم من موتو 💔
هم كانو بعاينو لي لحدي ما لقيت يد صغيره بتمسح لي دموعي وده كان عبودي ..ياااخ الاطفال ديل عالم تاني يحسسوك كانو فاهمنك كانو حاسين بيك انا هنا حضنتو علي شديد وبوستو وهو طوالي زح مني ونزل من السرير مشى
-الظاهر يا طيف خجلتي ولدي 😂💔
هنا كلنا بقينا نضحك وانا قمته من سريري وجريت عليه ومسكتو وتاني بوستو وهو بس يعاين لي ويكشر
نظام انا راجل وبتاع الفصعوون ده 😂
بعد كده خالتو افراح اتصلت على مدام ومضه وقال ليها رفضت وزعلت شديد انها كيف حتكلم كمال انها رفضتو خاصة انو كان مصر عليها حتى بعد عرفو حقيقتها
-احم كمال
-اها يا امي بشري 😍
-انت هسه جاي تعبان قوم ارتاح واتعشى بعدين نتفاهم
-هههه رفضت صح
-اممم ااي ..بس هي كمان بظروفها يا كمال
-ااي يا امي ..بس انا ما حخليها الا توافق
-اجييي يا ولدي بالغصب خليها
-😂مستحيل دي طيف عيوني
-الظاهر جنيت 🤦🏻♀
-بحبهااا😍
كمال شال مفتاح عربيتو وجاء بيتنا والبوري ده ما يديك الدرب الجيران كلهم بالازعاج يشاكلو فيه وانا بي فوق اعاين ليه بالشباك
-مجنون ده ولا شنو 😒
لحدي جاتني افنان جاريه وبتضحك
-هههه طيف ..كمال قال ما متحرك ولا حيوقف بوري الا تنزلي ليه
-خلي المجنون ده لبكره يكون كده
-بس الصوت مزعج وعبودي ببكي
ما هان علي عبودي الببكي شلته تلفوني ولفحته توبي ونزلته عليه وانا بشتمو 🤬
من شافني بقى يتبسم لحدي وصلتو نزل قزاز العربيه
-هيييي انت يا مزعج يا اناني في ناس ساكنين معاك وفي اطفال
رد لي بكل برود
-ما يهمني.. اركبي
-اركب وين انت جنيت ..سوق عربتك دي واتخارج من هنا وانا رااافضاك ما تحاول
اتبسم وبكل برود تاني
-اخر كلام
-ااي اخر كلام
-طيب
البوري تاني اشتغل والازعاج وقفل قزاز العربيه ولا هاميه لحدي مشيت بالباب التاني وركبته
-خلاص يا مزعج انت قول كلامك سرعه
فجاة دور ليك العربيه وانا اصرخ ليك فيه
-ده شنو يا حيوان وقف الشي دي ونزلني خطف عينك عينك
هو اكتفى بانو يتبسم وفجاة وقف العربيه جنب محل فول 😂 اي والله زي ما بقول ليكم محل فول وجاب ليك طلب بووش واتنين ببسي وجاء ركب
-ارح ناكل عشان انا جعان
انا هنا غلبني الرد وبقيت اعاين ليه وهو ولا شغال بي
-اممم شكلك ما بتحبي الفول اطلب ليك شنو
انا هنا خلاص وصل معاي الحد
-هيييي انت ده يااااخ عامل فيها ما هاميك والبرود العليك ده الناس بتتوجع وانت ما هاميك رجعني البيت سرعة ما فاضيه لي جنونك ده
في اللحظه دي قرب علي وعيونو ديل مليانه دموع صراحه انا اول مره اشوفو كده طوالي بشوفو بتبسم بس بقيت بعاين ليه وعيوني مقلعه ومستغربه 😳
-طيب يلا حرجعك البيت بس ولا كلمه 🤫
-في شنو ؟؟
-مش قلتي عايزه ترجعي البيت حرجعك
-لا طيب ليه بتبكي
هنا عاين لي وبقى يتبسم
-عشان تعرفي انك ما براك موجوعه 😏
انا هنا زاد استغرابي واول ما دور العربيه كوركت فيه
-وقف العربيه دي وفهمني مالك في شنو ؟؟
-اممم شايفه ..ده نفس البتعملي ..موجوعه انتي ومخبيئه كتير بس ما انتي براك الفي الدنيا العندها مشاكل البعملو هسه ده نفس البتعمليه بتظهري للناس انك موجوعه وما عايزه تحكي وانا كمان كده موجوع وما ححكي لي
-😭💔
-اهااااا حنبكي
وقف العربيه وبقى يبكي معاي وفي لحظه قال لي
-انا بحبها بس هي بتحب تعذبني (كلامي القلتو ليه لمن وصلني البيت مع عبودي)
هنا لا اراديآ بقيت بضحك و ..
