#طيف_العيون
بس فكرته هو بقول كده عشان حنتحر وعايز يمسكني ..
-كريم انت بتقول كده عشان ما انتحر ابعد مني منو ده البحب عميانه ووحده شرفها ضااع ابعد مني بس
-انا ..انا يا طيف الحب ما بجي بستأذن بخش فجأة ..كل البنات كانو بحبوني عشان يمكن وجيه ولا عندي قروش بس انتي لو حبيتيني حتحبي بقلبك بس وعشان كده الليل كلو ما نمته بفكر بغلطتي وصليت ودعيت ليك وقلته اجي من الصباح اعترف ليك انا بحبك يا طيف يلا انزلي
-بس انا يا كريم ما البت التحبني انا الحصل لي ده😭
-ما يهمني الحصل ليك حنبدا بدايه جديد يلا ايدك في يدي كده
"لمن تحلف الدنيا انها لازم تنسف باقي الحيل الفضل ليك ؛وعليك كافة مراحل التعذيب النفسي ؛اللي بتتحول لجسدي لا اراديآ؛ وتحاول الهروب من العالم ومع نفسك ؛وتلقى نفسك محاصر من كل الجهات لا منجي ولا مهرب ليك ويبقى وجه ربك ذو الجلا والاكرام ويمسح على قلبك ويرسل ليك ناس يحسو بألمك كانو من جواك "
حسيت بانو كريم بالجد بحبني ومديت يدي ومسكني نزلني وبقيت اسمع صوت بكاهو وبقيت ابكي معاه لينا زي 10 دقائق بس بنبكي وبعدها وصلني للغرفه وبدون ما يقول اي شي طلع ..انا لقيت شي يمسكني بالحياة وطردته كل الافكار الشيطانيه كنته في لحظه حضيع اخرتي ومشيت اتوضيت وجريت مصلايتي وصليت ركعتين لجبار الكسور ثم همس في جوف الارض يصل الى اعالي السماء ثم منتهى الراحه
رجعته رقدته في مكاني وما عارفه كريم مشى وين وبعد نص ساعه نمته وصحيت باصوات ضحك كانو كريم وافنان
-يا كريم انت خليت في البقاله شنو دي كلها شوكلاتات والله حاكل نصهم
-اوعك يا افنان تلمسيهم ديل لطيف انتي حقك في الكيس التاني
-ده ظلم وحااات اسم الله ما لاعبه معاكم ذاتو شوف حقي حبه كيف
-ده كلوو وحبه حرام عليك بطنك حتشتكي
هنا انا بقيت اضحك لا اراديا وهم من ضحكي لمن بقو يكوركو من الفرحه
-الله اكبر الله اكبر ده انا بتخيل ولا شنو اقرصني يا كريم وااي حمد لله
-هههه ان شاء الله نشوف الضحكه دي كتير يا طيف
انا رديت بسري وقلته
-ان شاء الله يجي اليوم الاقدر اشوفك فيه بس
ما عارفه حصل لي شنو بس احساس جاط جواي من اسمع صوتو بحس قلبي ده بره مع اني لا بعرفو لا شفتو يااا الله حصل لي شنو
-يا طيف حمد لله على السلامه
-الله يسلمك كريم
-طيب انا استاءذن منك يا افنان اني حسوق طيف معاي
-هييي تسوقها وين معليش اقيف بعيد انا سايقاها معاي
-اوعدك بس نص ساعه وارجعها
-امم تمام انا حستناكم في غرفه امها
-كريم ما حقدر امشي معاك لازم امشي اشوف امي
-طيف امشي معاه وتعالي انا حكون مع امك
-يلا جهزي نفسك راجيك تحت
كريم نزل وافنان جرت علي
-حاصل شنو يا طيف
-ش شنو يعني
-انتي وكريم فجاة كده نظراتو ليك وبتاع 😏
-بت انتي هبله نظرات شنو يااخ عليك الله كريم ده بس طالب السماح مني عشان كده بعمل في ده كلو
-اهااا وانا اقول ..وانتي سامحتيه
-ايوه هو ما غلط ولو كان عارف من البدايه ما كان اتمادى
-اممم تمام وده الصح ..يلا ارح جبته ليك العبايه
افنان نزلتني تحت وركبتني عربية كريم وودعتني ومشت
-نورتي العربيه 😍
-احم مم بوجودك
-اها جاهزه لمشوارنا
-على فين
-مفاجأة يلا اتوكلنا
طول الشارع انا ساكته وهي يحكي عن اهلو وانو عايشين بره وانو كان بكره السودان بس من شافني حباه وفي البدايه غرورو منعو بس اتاكد من انو بحبني لمن بكى وبقى يدعي لي ..وانا الخجل طاقي حناني وللان ماسكه نفسي من اني اعترف ليه اني بحبو لحدي ما وقف العربيه وجاء نزلني
-احنا وين يا كريم
-احييي من كريم الطالعه منك دي
-ياااخ بطل سخافه وين احنا 🙈
-يا طيف العيون حتعرفي جوة
-طيف العيون ده شنو انا طيف بس
-هههه بس بالنسبه لي طيف العيون 😍انتي ما شايفه جمالك وجمال عيونك اااه ولا العجب البسمه
انا هنا اتبسمته للضرس الاخير تحلف تقول دعاية سجنل للاسنان
-بس خليك كده دائمآ 😊
ودخلنا على كده وسمعته صوت زول ما غريب علي
-كريم يا هلا بيك ..لالا الليله نورتو العياده طيف معاك
-اهلين بنورك شكرا
-ما عرفتيني انا لاقيتكم لمن جيت اسوق كريم من المستشفى واتشاكلتو وكنته بحجز فيكم
-يااا احمد دي اياام مرت ما تهدي النفوس
-هههه ما قصدي والله
انا بقيت اتبسم وبفكر طيب كريم جاي يعرفني على صحبو ولا الفهم شنو
وقاطع تفكيري كريم
-انا جبتك عشان اعرفك على احمد وهو ...
