#طيف_العيون
-انا جبتك هنا عشان اعرفك على احمد وهو حيعمل ليك فحص على عيونك ويشوف اذا ممكن ترجعي تشوفي
-ايوه يا طيف يلا ارح افحص ليك وان شاء الله حترجعي تشوفي تاني
انا بقيت ساكته من الفرحه ما قادرة اعبر ولا اتكلم انا حرجع اشوف في احتمال اني اشوف يااا الله من الفرحه الجواي
-طيف يلا اتفضلي معاي افحص ليك
(احمد صاحب كمال اخو كريم من الطفوله فارقتهم ظروف السفر بس لسه متواصلين وعندهم حب صداقه ما عادي ولمن جاء كريم السودان اتعرف عليه عن طريق اخوه وبقى اقرب زول ليه ؛هو دكتور عيون وعندو عيادتو خاصه بيه )
كريم مسافه الفحص شال تلفونو واتصل على اخوه كمال
-كريم انت كويس يا كريم
-كمال بسم الله مالك
-انت وين مختفي وتلفونك ده مقفول الحاصل شنو ؟؟
-تلفوني بطارتو كعبه بس ما تخاف
-كريم قول في شنو سريع
-يا كمال بدون خوف بالله انا كنت عامل حادث وما حصل شي غير كسر في اليد وحفكها قريب
-حااادث😳..ما تكلمنا.. بكره دي انا وامي حننزل السودان
-تنزل شنو يا كمال عليك الله مافي شي يااخ انت مالك تهول الامور قلته ليك انا كويس
-لالا والله بكره دي نازل السودان وخلي احمد ده يصبر لي ليه ما يكلمني
-شفته عشان حركاتك دي ما كنته عايز اكلمك
-كيف ما تكلمني خليني اصلك بس بكره دي بتلقاني 😠💔
-خلاص طيب بس ما تخلع امي انا كويس
-طيب
قفل الخط وبقى مستني طيف
كمال طوالي حار حار كلم امو وامو دي هااك يا البكى والجرسه وبقو يستفو الشنط وحجزو لبكره ينزلو السودان
-يا كريم الحمد لله طيف ما مصابه بالعمى من هي صغيره فاحتمال تشوف كبير
-الحمد لله الحمد لله😍
انا من الفرحه لمن بقيت ابكي 😭 واحمد وكريم يحنسو فيني
بعد هديت احمد بقى يتكلم مع كريم
-كريم بكره الصباح تجيبها لي العياده عشان العمليه نعملها والمساء انا مسافر
-مسافر وين يا احمد وكمال جايي
-جايي كلمتو بالحادث ولا شنو😂💔
-انت ما عارفو بخاف علي كيف
