#طيف_العيون
نزلنا انا وكمال ومسكتنا الصدمه من شفنا يافطه مكتوب عليها "مستشفى الامراض العقليه والنفسيه"
-يعني منى بقت مجنونه😨
-ارح ندخل يا طيف ونسال -ارح
دخلنا وسالنا فعلا طلعت في المستشفى دي وودونا في نهاية الممر غرفه برااها معزوله ومطبله بطبله انا هنا انهرته وبكيت لمن دموعي كملت اليوم ده
-ك كمال ده شنو ده😭
-ده عقابها يا طيف الله ما بخلي حق زول 😔
-بس دي يا كمال ...
كان عليها منظر بالرغم من العملتو فيني الا حنيت عليها منظر انو عاملين ليها سلاسل في السرير ورابطين بيها رجولها على يدينا وهي بس بتعاين فوق للسقف وبتضحك براها انا مشيت عليها وكمال طلع بره راجيني
-اخدي راحتك انا حنتظرك بره
مشيت على منى ..كانت منكوشه وبتضحك براها مسكتها من كتفها
-منى ليه عملتي فيني كده ليه يا منى ليه انا عملته ليك شنو عشان تعملي كده انا عملته ليك شنو 😭
اتفأجاته بانها ردت علي
-طيف دي انتي
انا بقيت ببكي وااااي يا منى كلو بسببك يا منى ليه عملتي كده شوفي انتي وين عايني لي هنا
-طيف ..ههههه طيف ههههه انا انا الله انتقم مني انا ما بعاين ليك
-عايني لي هنا يا منى قلته ليه وردي علي عملتي كده ليه
-انا ما بقدر اعاين ليك انا عميانه ههههه انا بقيت عميانه يا طيف ما بقدر اعاين ليك ..اا انتي حيه حيه يا طيف بس كيف كيف
-انا اتصدمته زياده والله العبره مسكتني بقيت بعاين في منظرها ااي منى بقت عميانه منى ما بتشوف شتائمها رجعت ليها انا حصلت على انتقامي بس انا لي زعلانه انا بعد العملو فيني لازم اكون مبسوطه انا ليه زعلانه يااا الله💔
-طيف هههه حتسامحيني انا اانا الله انتقم مني يا طيف انا بعالجوني من الادمان انا عميانه انا ما كويسه انا هههههههههاي هههههههااااي واااااي ههااااي
انا شفته قدامي زوله مجنونه عديل دي ما منى معقوله يا ناس دي منى بقت تكورك وتهز في السرير والسلاسل المربوطه بيها لحدي الدكاتره جو طلعوني بره نزلته مع كمال ما فتحته خشمي ركبته العربيه وبعاين في كمال هو سايق وببكي دموعو نازله وانا بس بعاين فيه ليه كمال ببكي الساعه كانت 6 مساء لمن وصلنا البيت افنان جاتنا
-مالكم اتاخرتو كده ...هييي طيف يا بت مالك طيييف ردي ..كمال انت بتبكي مالك لمن عيونك حمراء كده اتشاكلتو ولا في شنو 😱
بس مافي زول رد فينا انا نزلته وافنان مسكتني
-افنان وصليها البيت ورقديها واقري ليها قران بس ما تساليها ارجوك
-ح حاا حااضر ..ارح يا طيف تعالي انا بمسكك
انا هنا دخلته في صدمه . صدمه كانت قويه من الشفتو والسمعتو حتى ما اتلفته على كمال ولا ودعتو دخلته طوالي وافنان بقت تقرا لي قران لحدي نمته وما وعيت بشي الا الصباح عبودي كان بخبط في وشي
اتبسمت ليه ودموعي جات جاريه رفعته عيوني لقيت افنان بتعاين لي وشكلها مخلوع واشك في انها نامت الليل قمت على حيلي واشرت ليها تعالي جنبي جات قعدت جنبي وفي عيونها الف سوال
-انتي كويسه ؟؟😯
-اممم حمد لله انا باحسن حال الحمد لله
-طيب ممكن توريني الحصل شنو ؟؟
-اممم الحصل انو كل شي انتهى خلاص كل شي الكل حصل على عقابو
-قصدك شنو ..فهميني منو حصل على عقابو
-كلهم ..محمود وزينب ومنى
-ايوووووي يووووي يحيى العدل الله اكبر الله اكبر
هنا افنان بقت تنطط من الفرح وكلمت امها وخالتها وبقيت احكي ليهم الحصل معاي وهم ما عرفو يبكو ولا يضحكو
" شكرآ يا الله لان العوض ياتي منك جميلآ يجعلنا ننسى ما قد ذهب ؛شكرآ يا الله بابك لا يغلق ووجودك غير منقطع ورحمتك سقاء لكل من ظمآ؛شكرآ يا الله )
هنا لقيت كمال متصل علي رديت عليه و..
