طيف العيون

-٣-

#طيف_العيون

جارية وهي بتكورك لحدي ما وصلت وزفت الناس لقت طيف واقعه على الارض والعربية ضاربة الشجرة وفيها شاب كلو مليان دم والناس بتطلع فيه وراجين الاسعاف 

-طيف طيف انتي كويسه حمد لله طيف ردي علي 

-افنااان وااي يا افنان حصل شنو واااي حصل شنو احكي 

-سمعته من الناس انو انتي وقفتي في الشارع فجاة وفي شاب كان سايق العربية وولقاك في وشو وكان حيضربك بس الله ستر وقدر يتصرف وما ضربك بس هو..

-هو شنو يا افنان هو شنوو حصلت ليه حاجه انا السبب انا السبب افنان حصل ليه شنو 

-هو اتفاداك ودخل بالعربيه في الشجرة وضرب راسو وجزو من القزاز رش في جسمو الله يكون ف العون هسه راجين الاسعاف 

-وااااي ده كلو بسببي 😭💔..افنان الاسعاف اتأخرت ..احتمال يموت ..انتي مش سايقه عربتك ارح يا افنان نشيلو اقرب مستشفى يلا 

-ارح طيب يلا ..

الرجال رفعو الشاب في العربية وافنان وطيف اتحركو على المستشفى وبعد جرجره واورنيك 8 دخلوه عملية طوالي وتلفونو وحاجاتو ادوها لطيف 

-يا منى تكون مشت وين البت دي 

-في ستين دهيه 

-منى ده ما وقتك عليك الله فتشيها معاي وااي يا منى وااي قلبي 

-خلاص يا امي دراماتك دي ما تعمليها لي خلاص 

-منى قلبي يا ....

-امي امي ردي علي يا امي 😳😳

-...

-ركشه ركشه اقيف ركشه منى ساقت امها وعلى اقرب مستشفى والزبد جاء طالع من خشم امها 

-وااااي يا امي ما تموتي امي ياااخ انت ما تسوق سريع كمان امي بتموت واااي 😫

افنان وطيف في المستشفى راجين الدكتور يطلع من العملية 

-طيف خليك هنا بالله ما تتحركي اجيب شي ناكلو ما تتحركي يا طيف 

-طيب يا افنان 

افنان مشت وبقيت قاعده براي منتظره الدكتور يطمني بس يقول الزول ده عايش اثناء ما انا متوترة تلفون الشاب اتصل بعد مكالمتين رديت 

-الوو كيمو وااي يا كيموو الحقني امي بتموت انا ماشه على المستشفى الليله ما حقدر اقابلك كريم انت سامعني 

-الو انا اسفه بس كريم ده عندو ظروف انتي منو 

-ظروف خاصه معاك ولا شنو يا تافه يا شلابه يا عفنه كريم ده حقي بس فاهمه ولا لا بلا ظروف معاك يا بت ال...

-لو سمحتي احترمي نفسك انا لا بعرفو لا شي كل الحصل انو...

قفلت في وشي شوف البت دي بالله غايتو الناس دي 

جاء علي الدكتور 

-انتي اهل الشاب ده يا بتي 

-اا انا ..ممكن تقول كده الحاصل شنو يا دكتور ؟؟

-اممم الحاصل يا بتي انو الشاب ده ...