#طيف_العيون
هنا لا اراديآ بقيت بضحك وجريت صحن البوش ونزلته ضرب فيه تقريبآ كان احلى بوش اكلتو في حياتي لمن نسيت اني معاه واكل بمزاج
-هههه الظاهر عجبك ولا كنتي جعانه
هنا يادوب حسيت ليك بنفسي لمن خجلته
-هههه لالا بس عجبني شديد
-اخدي راحتك عاادي
-الاكل كمان بهظرو فيه 😂
-هههه واضح ما بهظرو فيه
اكلت لمن كملته الصحن وهو بس يعاين فيني ويضحك وشلته ليك الببسي ده وشربتو لمن قلته احححح😅
-شبعتي ولا ازودك 😂💔
-هههه لالا حمد لله جنس عشاء لكن
-خلاص تاني ده محلنا 🌚
-اها بدينا صحوبيه
-يا زوله مش اكلتي بقروشي تسمعي الكلام 🤫
-هههه شوف بالله جابت ليها اهانه
اتبسم ونزل دفع الحساب وانا منتظراه في العربيه لقيت في سلسله معلقه ونازله من مراية العربيه الفضول قتلني وانا من ركبته بعاين ليها شلتها لقيتها على شكل قلب وكانت فضه فتحتها شفت جواها صورتين صورة لشاب في العشرينات ما شاء الله جمال كده مبالغه وصورة لبت في نهاية العشرينات برضو ما شاء الله على جمالها بقيت مركزه في الصور لحدي ما باب العربيه فتح
-اممم شفتي الصور
انا هنا الاحراج قتلني 😁
-اا انا اسفه ما قصدي بس عجبتني السلسله
رد علي والدموع في طرف عيونو
-ده اخوي وخطيبتي
-بالجد ما شاء الله عليهم وين هم حاليآ
-الله يرحمهم
-الاثنين ماتو 😨
-ايوه ..اخوي مات قبل ثلاثه سنوات وبعد سنه خطبته لي وحده وللاسف برضو ماتت ..الحمد لله 💔
-😭😭💔
-مش قلته ليك ما براك موجوعه بس ده ما بيدنا
-انا هنا بالجد زعلته عليه وفعلا ما براي موجوعه
-يلا نرجع البيت عشان الوقت اتأخر
انا هنا بدون ما احس بديت اتكلم
-انا حبيتو ااي حبيتو من جوة ..هو السبب في اني بقيت اشوف هو السبب في اني لقيت سبب اتمسك واعيش هو السبب لمن انقذني من اني انتحر بعد اغتصبوني وبعد اتعلقته بيه هو مات ..وامي كمان ماتت وطلعت الخدامه واهلي ماتو في حادث وانا بقيت عميانه بسبب الحادث قالو القزاز طار في عيوني واختي هه اختي الكانت واقفه وهو بغتصب فيني 😭 اختي البدل تحميني هي اذتني انا اسفه بس انا موجوعه انا ما رفضتك عشان انت ما كويس بالعكس انت تستاهل احسن مني انا وحده شرفي ضاع عايز بي شنو ربنا يديك الاحسن مني ..بالرغم من هو مات انا بحبو والله لسه بحبو 😭انا اسفه
-اممم ما يهمني الماضي بتاعك ما يهمني انك بتحبيه اليهمني اني متمسك بيك ولسه عايزك اليهمني انك طيف 😉
انا هنا احترته في الزول ده يااخ بعد القلتو ليه ده كلو لسه مصر علي
رد علي وكالعاده بابتسامه
-حقول ليك ده واسمعني كويس حياتنا دي كلها قرارات مؤجله لازم ناخدها وقرارات مصيريه بنهرب منها يمكن عشان خايفين نجرب 😉
انا هنا عرفته هو قاصد شنو واتبسمته وفضلنا ساكتين لحدي وصلني البيت ونزلته والله كنته مبسوطه يعني الزول ده بالرغم من تصرفاتو الجنونيه فيه جانب عاقل وفيه حكمه ولمن حكيت ليه ارتحته بصورة ما عاديه
وهو عاين لي ودور عربتو ومشى من دخلته البيت لقيت افنان دي في وشي
-اها الشمار شنو 🤩
-بسم الله الرحمن الرحيم هههه انتي لسه صاحيه
-راجياااك يا الصايعه
-هههه طيب ارح احكي ليك
بعد حكيت ليها بقت تضحك
-يا الله مجنون ياااخ انا ارتحته ليه وهو زول مناسب والله ممكن ترجعي تفكري وواصلي حياتك خلاص انتي محتاجه وتستاهلي الفرح كمان
-انا فرحانه بيك يا افنان وفرحانه بانك صحبتي واختي كمان انا كيف اجازيك
-جازيني ووافقي بكمال بس 😉
-هههه طيب على بركة الله
-شنو 😱 انتي جاده
-ايوة جاده 🤗
افنان دي بالفرحه زغردت لمن لمت ناس البيت والحله وان شاء الله الزغاريد لمن وصلت بيت ناس كمال وهو وامو مخلوعين وتلفون مدام ومضه طوالي دق
-الو
-ايوووي يوووي ومضه الف مبروووك الف مبرووك
-اجييي يا افرااح في شنو يختي ودي شنو الزغاريد والصوت الجنبك ده
-دي طيف وافقت طيف وافقت بكمال
-طيف 😳 ايوووووي يوووووي👌🏻 😍
هنا كمال مخلوع
-امي في شنو يا امي طيف مالها
-طيف وافقت بيك يا كمال 😉
-كضااابه يا امي ايوووي يوووي 👌🏻😂
-انت يا ود يا قليل الادب في زول يقول لامو كضابه
-هههه معليش يا امي الفرحه وكده واخيييرآ
انا كنته فرحانه لفرحهم بس جواي ما متاكده من قراري ده صح ولا غلط خاصة انو قلبي لسه مع كريم بس المتاكده منو انو كمال حيسعدني ومستحيل في يوم يزعلني طبعا الناس والمباركات والزغاريد الليل كلو قربو يقلبوها حفله عديل ولا العجب عبودي جاني بزغرد بحاكي في امو 😂😂ياخ ما شفتو منظرو خاتي يدو في خشمو وبكورك نظام بزغرت 👌🏻👶🏻 ياااخ الكائن ده😍حعرس ليه بتي بس 😅
بعد الناس اتلمت على بيوتها انا كنته صاحيه ومشيت اقفل شباك الغرفه عشان الجو بارد ولمحته ليك زول تحت بقيت اراقبو ده منو وحايم في الظلام كده مالو 😱اوع يكوون ...
