#طيف_العيون
وكمال جرى وراه وقبضو
-في شنو يا محمود في شنو سرعه رد علي طيف مالها بتكورك كده من شافتك رد علي
-فكني يا كمال فكني ..ما بعرف انا ما بعرف شي
-والله يا محمود ما تقول لي الحاصل شنو الليله ما بخليك
-يا كمال قلته ليك ما بعرف
هنا كمال ضربو وانا جيت جاريه مسكته كمال
-اتصل بالشرطه 😭
كمال مسك محمود تاني وضربو وحلف ما يفكو ..انا طوالي استجمعته شجاعتي ودقيت للشرطه ..
الناس دي متلميه وما فاهمه شي وكمال ده دقاهو لحدي كببو الدم الا الشرطه جات مسكتو وانا مشيت عليه وكفتو وتفيت ليه في وشو
-تفوو عليك يا عديم الشرف يا حيوان تفووو عليك🤬
الا كمال مسكني عليه وبقى يادوب يسال فيني
-مالو عمل ليك شنو ردي علي 😡
انا هنا اول مره اشوف كمال بالعصبيه دي وبكورك لمن خفته منو
-ده ده . الاغتصبني يا كمال ده الحيوان عرفتو من صوتو اصلو ما بنسى صوتو😭
-يااااا كلب
وطاااخ كمال بقى يضرب فيه تاني الا مسكتو الشرطه ورفعونا كلنا في البوكس.. ووين للقسم
نزلنا وبقيت احكي للشرطه القصه وطوالي حكمو عليه بالمؤبد
جزو مني ارتاح طيب اختي منى وين وزينب وين مشيت عليه اول شي اديتو كف بقى يشتم فيني ويسب لي
-الله ياخدك دمرتي حياتي انا بقيت انسان كويس يا بت ال....
كمال جاء من هناك وضربو وقلبو القسم الا تاني قبضوهم حجزوهم ورمو محمود في السجن وانا وكمال قالو لينا خلاص امشو وانا ابيت اتحرك الا اعرف منى وزينب وين لازم اعرف
مشو جابوه لي من السجن وبقيت اسالو
-منى وزينب وين رد علي
رفض يعترف او يرد الا الشرطه دقتو بعد عذبوه
اعترف بانو هو اغتصبني باتفاق منو ومن منى وزينب وبدا يرجع يحكي ليلة الحادثه المشؤمه وانا منهاره بكى وكمال ماسكني
-الحصل انو منى وزينب دقو لي وانا كنت شغال معاهم في المخدرات ووكنا بنكسب كتير وكانت رئيستنا زينب اما منى كانت زوله ضحيه مننا بعد ضميناها لينا بقت يد زينب اليمين تشرب معانا مخدرات وتجمعاتنا مع بعض وسهراتنا بقت مننا وفينا.. وفي يوم قالت عندها اخت بتكرها وسرقت منها كل شي بداية بامها وكانت عارفه انتي ما بتها وما اختها انتي بت الناس الشغاله معاهم امها وانتي جيتي بعد موت اهلك استوليتي على امها وهنا هي كرهتك وقالت تنتقم منك كانت عايزه تشربك مخدرات بس بعد عرفت كمان انو عندك معرفه بحبيبها الحبتو قررت تنهييك وتقتلك وقبل كده تعذبك بانو انا اغتصبك احنا يا طيف كنا تحت تاثير المخدرات انا ما عارف عملته كده كيف
-يا حيوان يا تافه الله ينتقم منك 😭😭
-انا اسف يا طيف انا سبته الادمان وبديت حياتي من اول وجديد انا عايش بتانيب الضميير سامحيني
-ضمير بعد العملتو ده اسكت اسكككككت 😫😭💔
هو لسه مصر يتكلم وكمال ده منهار من البسمع فيه
-انا كيف صاحبته واحد حيوان زيك يا محمود
-كمال انا كنته كده قبل اتعرف عليك لمن اتعرفته عليك بقيت كويس واتعالجته
-اسكت يا محمود بقيت كويس بدون ما تصلح غلطتك 😤
-انا بعد اغتصبتها قتلتها بالمسدس كنت قايلها ماتت ومن يومها وانا عايش بتانيب ضميير حتى بقيت اصلي اتغيرته كتير والله وعملته صدقه باسمها عسى ولعل تسامحني وانا قايلها ماتت انا اسف كان ما مصدقاني ده عنوان الجامع البنيتو باسمك في الورقة دي العنوان
-محمود انت دمرتني انت عيشتني في آلم انا بكيت الدم اتعذبته بموت كل يوم
تقدر ترجع لي شرفي جاوبني تقدر 😭
-سامحيني يا طيف سامحيني
شالو محمود دخلوه في السجن قبل يدخلوه سالتو اخر سؤال
-منى وزينب وين يا محمود 😠
-زينب اتوفت بعد سنتين من الحصل كانو هي ومنى شاربين وطلعو بالعربيه وعملو حادث اما منى ...بتلقيها في العنوان الجنب الجامع الباسمك ده ..طيف سامحيني سامحيني ..
انا طلعته من القسم ومعاي كمال ركبته العربيه وبقيت ببكي وكمال ده يحنس فيني
-خلاص يا طيف اهدي
-ارح يا كمال ما بهدا الا اقابل منى
اتحركنا على العنوان وفعلا لقينا جامع باسمي جامع كبيييير جدآ وسمح شديد يعني فعلا محمود اتغير بس بعد شنو بعد فوات الاوآن ..لقينا العنوان منى جنب الجامع ونزلنا وانا وكمال مسكتنا الصدمه من شفنا ....
