#طيف_العيون
مع دخولهم لقو طيف فاقدة الوعي وكلها مليانه دم ..
-وااااي طيف طيف اصحي طييف واااي لالا ياااا رب
كريم ده بس بالصدمه لمن بقى يبكي بطريقه هستيريه والشرطه جات وفتشو المكان بس ما كان في زول وبقو يفتشو العربيه على اقرب دليل يوصلو ليهم بيه
كريم بعد الصدمه جرى على افنان يوعي فيها وشالو طيف على اقرب مستشفى..
احيانآ حتى الاقارب بكونو عقارب ؛ناس ما تتوقع انهم يأذوك وبتكون ما مصدق البحصل ليك بس دي الدنيا كده بي عجائبها في ثانيه عكس توقعاتك في ثانية تخطف كل شي
"فقدت الحياة قدرتها على مفاجأتي ،بات كل شي تقليدي ،ببساطه اصبحت اتوقع ااي شي من اي شخص 💔"
اخدته في المستشفى تقريبآ اسبوع في غيبوبه ولمن صحيت
-واااااااااااااي ا ه ه ه واااااااي انا
كانت جنبي افنان نايمه من الكواريك الكوركتها جات جاريه وبره كان كريم مع الدكتور بسالو من حالتي لمن سمعو الكواريك جو علي وانا اصرخ وازحهم مني
-طيف اهدي انا افنان 😭
-واااااااااي واااااااااي زحو مني زحو مني لااااااا زحو
-طييف طييف اهدي انا افنان صحبتك ..يا دكتوووور الحقنا
ما هديت الا حسيت بالدكتور اداني حقنه وتاني ما حسيت بشي لانو دخلته في نوم عميق
-كريم 😭 انا ما قادرة وااي يا كريم طيف بتموت طيف بتتعذب يا كريم انا السبب انا ما كان لازم اسيبها الغلطه غلطتي
-انتي العملتي معاها ماف زول عملو يا افنان انتي انقذتيها وخليتيها تتمسك بالحياة لولاك ما ظنيت كانت عاشت اهدي كدي اهدي 😭💔
-خلاص طيب استغفر الله العظيم ..لسه ما لقو منى والمعاهم ؟
-لسه والله ما لقوهم الشرطه بتفتش عليهم مصيرهم يتلقو الله ينتقم منهم
-طب يوم الحادثه عربيتهم كانت موجوده كيف حيكونو مشو بعيد وما لقوهم
-ما ده المحيرني ذاتو انا اشك في انهم حسو بينا ملاحقنهم وفي طرف ثالث مفقود
-ااي والله ..المشكله هي ما بتشوف او كان اتعرفت عليهم لو قبضوهم
-ااي والله المهم هسه حتستمر كده لمتين
-والله يا كريم ما عارفه هي في غيبوبه وامها كمان كنت امس معاها بس في عالم تاني
-يا رب تقومهم بالسلامه ..امشي ارتاحي انا حنوم بره لو في اي شي دقي لي
-لالا انت كمان يدك واجعاك امشي ارتاح في بيتكم وتعال الصباح
-تمام بينا التلفون
كريم طلع على احمد في عيادتو بعد رجع شال العربيه من جنب الجامعه
-احمد كيفك
-اهلين كريم مستنيك من قبيل وين انت
-انا تحت انزل لي
-طيب
احمد نزل وركب العربيه
-وين يا ماسورة اتاخرته كده وما اتصلته على كمال كرهني سوال منك
-انا واحد حيوان يا احمد حكمته عليها واهنتها ليه يا احمد 😭💔
-كريم بسم الله حصل شنو
-طيب بحكي ليك الحصل انو (..)
افنان الليل كلو تبكي
-الله ينتقم منك يا منى وما يريحك لا دنيا ولا اخره 😣
بعد افنان نامت انا صحيت وموجوعه من الالم ومن العملتو اختي فيني وبعدها اتذكرته الموقف وبقيت اصرخ باعلى صوتي الا افنان جات مسكتني وبقت تقرا لي قران لحدي ما نمته يا حليلها ماسكه يدي للصباح وراسها في السرير وقاعده عل الكرسي ونايمه
》فلاش باك للحادث《
-الليله يا طيف اخر يوم ليك في الدنيا دي بس حعذبك وحكرهك في نفسك زي ما كرهتيني في حياتي
-امممم ...😭😭💔(ما قادره ارد عشان قافله لي خشمي)
-زينب اعملي حسابك في عربيه ورانا اظن دي الزفته افنان
-اخخخ كده الخطه حتتخرب مدام ورانا حيكونو كلمو الشرطه لازم نضيعهم ونهرب بعربيه تانيه
-ايوه فكره خلي محمود(الود الاتفقو معاه)يجيب عربيه احتياط..اظنو ضيعناهم لانهم ما ورانا
-حتى لو ما ورانا بكون الشرطه بتراقبنا ..ده محمود رسل رساله انو وصل واحنا قربنا ذاتو
بعد دقائق كان وصلنا والدنيا ليل وسمعته منى وصحبتها والاسمو محمود بتهامسو حاولت اهرب بس حهرب وين وانا ما بشوف كانت بالنسبه لي فكره محبطه فوقفت في مكاني وبسمع فيهم
-جبت المسدس
-ده كلامك يا منى
-محمود ده فااهم الرصه يلا قوم بشغلك سريع
حسيت بيد جرتني وحاولته اقاومو بس هو كان اقوى مني وقفتو منى
-دقيقه يا محمود
انا هنا فرحته حمد لله اختي حست بي حمد لله
-فك خشمها والحبل المربوطه بيه عشان اسمع صراخها وآلمها
انا انهرته من كلام منى وبمجرد ما فك لي خشمي بقيت بصرخ في منى
-منى والله حتندمي منى اتراجعي منى انقذيني انتي اختي الوحيده منى 😭😭
بس تقريبآ بلا فائده ..محمود عمل عملتو وانا بصرخ وسامعه اصواتهم بضحكو وفجاة سمعته صوت المسدس ما حسيت بشي الا وانا في المستشفى 💔
بعد كريم حكى لاحمد الحصل ...
