طيف العيون

-٩-

#طيف_العيون

افنان مشت تجيب الاكل والمويه ولقت الكافتريا مقلوبه والناس متلميه دخلت تشمشر لقت منى وكريم بتشاكلو ومنى دي تبكي وتمسك في كريم 

-منى فكيني قلته ليك 

-كيمو انت حقي بس فاهم حقي بس والله يا كيمو لو وحده اخدتك مني والله اقتلها حقتلها سبتني بسبب البت الردت علي صح قوول بسبب البت دي 

-يا منى بت شنو وكلام فاضي شنو انا جاي هنا اكمل قرايتي واخد شهادتي وما عندي شي لزول بالذات انتي المكلمه الجامعه كلها انك حبيبتي ..يا بت الناس ابعدي مني وتاني ما تتصلي علي كنت قايلك حتكوني اخت لي وصحبه بس انتي ما شاء الله طموحك عالي لا وكمان مكلمه الناس اني حبيبك ..زحي من وشي يا منى بالله 

-كيمو ..كريم انا اسفه ديل ناس الجامعه ديل هم السبب عايزين يخربو بيناتنا كريم استنى 

افنان دي الضحك شارطها

-واااي هههه منى الكريهه تستاهلي جاريه وراء الولد زي النعجه لكن عاد ولد يدردقو ليه عديل لو ما افترآه ده وقلة ادبو احيييي عجبني ليك يا منى تستاهلي 

منى جرت وراء كريم بس هو اتجاهلها وطلع على المكتب ياخد اذن غياب 

منى خلتو وبقت قاعده تبكي الوقت داك افنان بتشتري في الحاجات لسه لانو الصف طويل ومنتظره الزحمه تخف ..

جات واحده من شلة منى المانافعين 

-منى وااااي منى الحقي الحقي 

-في شنو يا لمياء 

-واااي شمااار نار كريم عمل حادث 

-ياااخ عارفه ده شمارك زحي من وشي 

-عمل حادث بسبب بت والبت دي هي البت العميانه الكانت كوركت ليك وبعدين لقيتها شايله تلفون كريم والله شفتها ده تلفون كريم نفس الجراب الفيه صورتو البت دي هي الشلبتك 

-طيف😳..والله ما اخليها انا الليله ما بخليها 

هنا تلفون منى دق 

-ااي يا زينب 

-منى احنا جاهزين واقفين بره يلا 

-اقسم بالله التلفون ده في وقتو واقفين وين؟؟

-قدام الباب عربيه تكسي صفراء سرعه يلا 

-طيب جايه 

منى مشت على قاعة طب ولقت طيف قاعده 

-طيف يلا ارح 

-منو انتي ..منى اختي 

-ااي نسيتي صوتي ولا شنو 

-هههه ف زول ينسى صوت اختو مالك عايزه شنو 

-ارح انا بطني واجعاني حاسه نفسي حدوخ