#طيف_العيون
بعد ساعات سمعته صوت الجرس جريت لقيتو نفس الزول
-ما قلتي لي اسمك منو ؟؟
-😂😂😂انا طيف
-طيف اممم طيف العيون
انا هنا لمن بقيت ارجف ..انت منو 😳
-هههه مالك يا بت في شنو اهدي
-لالا انت منو اتكلم منو انت
وفجاة قفلته الباب في وشو وقعدته في الارض
-ده كريم ..بس مستحيل كريم مات كيف يكون هو ..ده منو
تاني الجرس ضرب
فتحته الباب وانا ببكي لقيت افنان وامها وخالتها
-طيف ..في شنو يا بت ..عبودي حصلت ليه حاجه
-لالا عبودي نائم جوه ..مصدعه بس راسي عايز يتفجر
-تعالي انا عندي بندول
طلعت معاي على الغرفه
-طيف في شنو احكي انا ما صدقتك ده ما بكى صداع شوفي عيونك حمر كيف
-افنان 😭😭💔 انا حاسه انو كريم حي كريم قابلتو الليله انا
-شنو انتي جنيتي يا طيف كيف كريم حي ..كريم ليه ثلاثه سنه من مات
-لالا ده هو يا بت قال لي طيف العيون ده كريم كان بقول لي كده
-يا بت يمكن صدفه
-لالا م ظنيت ..ده هو ياااخ ..انتي بتعرفيه صح انتي شوفتيه كان شوفتي تاني حتتعرفي عليه
-ااي بتعرف عليه انا شفتو ومستحيل انساه
-طيب يلا نفتش فيه واذا هو قولي لي
-وااااي ان شاء الله يكون هو اررح
طلعنا انا وافنان نفتش عليه بس ما لقيناه
-يا طيف انتي جنيتي
-يااخ جنيت شنو انا متاكده ده هو عندي احساس قوي
-طيب يا ست الاحاسيس ارح البيت عشان انا جعانه
-طيب يلا
-كدي احكي لي لقيتي وين وقال ليك طيف العيون
-بحكي ليك جنك شمارات يلا
في جانب تاني
-اااخ يا امي لو شفتيها بس 😍
-دي منو دي يا ود ...انت بتحب 😳
-شكلو كده يا امي
-ايوووووي يوووي
-ههههه يا امي ما تستعجلي لسه ما بعرف عنها شي بس كاني بعرفها من زمان
-بالجد يا ولدي فرحتني ياااخ ربنا يجعلها من نصيبك ونفرح شويه
-اللهم امييين ❣
انا وافنان اتخرجنا وشغالين في عيادة قريبه للبيت انا دكتورة جراحه وهي دكتورة اسنان ..طبعا يومنا كلو بضيع واحنا في المستشفى من الصباح للمساء بنكون شغالين تعب كده مبالغه المهم دخلته العياده ودخل لي اول مريض
-سلام عليكم
-وعليكم السلام..اا انت😳💔
-انتي 😂..يا محلى الصدف ..معليش بس بالكورة اتجرحته في رجلي وقالو لي في دكتوره شاطره هنا بتعالج فلو سمحتي خيطي لي الجرح
-اممم طيب اصلا ده شغلنا
-بس ما قالو لي ان الدكتورة شاطرة وسمحه 😍
-احم منو انت ؟؟
-قبل تعرفي انا منو ..امس مالك قفلتي الباب في وشي يا طيف العيون 😍
انا هنا الرجفه تاني جاتني وشلته تلفوني وقلته ليه عن اذنك وجرري طلعته على بره ومشيت قسم الاسنان لافنان وكانت شغاله قلع ضرس لواحد من المريضين جريتها من يدها وقلته للمريض
-ثواني وحتجيك ما تتحرك
وهي مخلوعة وما فاهمه شي فتحنا غرفتي ولقيناه ماف
-طيف ممكن تفهميني الحاصل؟؟
-كان هنا يا افنان ..ده كريم يا افنان جريتك عشان تتعرفي عليه ده هو يا افنان
-يا الله منك يا طيف ..كريم مات يا بت مات
-ياااخي ده هو انا متاكده حتى الصوت ما غريب علي 😭💔
-انتي بقيتي تهلوسي ارجعي البيت الظاهر انك عيانه ارتاحي انا باخد ليك اذن
-ااي جاني صداع انا حرجع البيت حشيل العربيه
-طيب شيليها انا بتصرف بعدين
شلته مفاتيح العربيه وكان في صداع عامل حفله في راسي ركبته العربيه قزاز الشباك خبط لقيتو نفس الزول وانا خايفه برجف ده منو ؟؟ده شخص حقيقه ولا انا بتخيل ؟؟ده كريم وهل هو حي ؟ بس قالو مات في حادث كيف يكون حي ؟؟كان في الف سؤال ونظرة الخوف منو في عيوني ..قفلته الابواب ونزلته القزاز براحه
-منو انت وليه بتقول لي طيف العيون وبتختفي فجاة قول منو انت 😟
-انا .....
