طيف العيون

-٢٦-

#طيف_العيون

هنا لقيت كمال متصل علي رديت عليه 

-الو كيف بقيتي 

-حمد لله ..مالو صوتك ده كده 

-محموم شويه كده ..طمنيني عليك 

-انا حمد لله كويسه ..بعد شويه بجيكم في البيت اطمن عليك 

-ما تتعبي نفسك انا كويس 

-لا ماف تعب انت كمان ما بتقصر 

-طيب اعملي حسابك في الشارع خلي افنان توصلك ما تجي براك 

-طيب 

بعد قفلته منو استغفرته واتوضيت صليت ركعتين ولبسته طلعته على بيت ناس كمال فتحت لي الباب بت فلبينيه الظاهر دي الشغاله 

-احم كمال وماما ومضه في 

-ياانادمتاامتة اللهعا ااعاببى 

-😳😳ماف داعي للشتائم دي كلها ..ركزي معاي وحده وحده .كمال في كمال ولد 

قدر ما وصفته ليها جلطتني وشغاله ترطن بلغتهم الكلها شتائم دي 

-تتبعتتت تمهاااهنتاهخ تللعتت عاغاغعغخ 

-يا الله ..يا بت طيب خالتو ومضه ماما في ماما كبير في 

-ماما تااهابلغالغا 

انا هنا خلاص وصلت لي اخلاقي في نخرتي ومسكتها بقيت اتشاكل معاها لحدي مدام ومضه جات جاريه 

-طيف هههه طيف دقيقه اهدي دي البت الشغاله ما بتفهم عربي ..سوو يوون ..اشرت ليها بانها تمشي

-كمان اسمها سوو يوون ..اسفه معليش يا بت بس زهجتيني ساعه واقفه ترطني معاي الشمس هرتني ومعاي كمان عبودي عايني مخلوع كيف بعاين 

-ههههه يا هلا نورتونا عبودي كمان نوور البيت ما شاء الله اتفضلو 

انا دخلته البيت ياااخ البنات الشغالات ديل كميه وحده ماسكه طبخ ووحده ماسكه النظافه ووحده الغسيل وغايتو عجائب يا ناس ولا البيت والنجف والديكوور ووب علي ده كلو بيت ..شكيت في كمال ده يكون حرامي 😅

-عبودي ده انا حسوقو معاي عندنا غرفه لعب العبو شويه 

نادت لي بت كده شغاله حلاته ..برري انا الشغاله يا يمه جنبها 😂💔ورطنت معاها بالانجليزي قالت ليه وديها غرفة كمال البت جابتني جنب سلم كبير كده انا شلته هم صراحه حطلع ده كلو كيف بس همي انزاح مجرد ما فتحت لي باب جنب السلم وده كان الاصنصير (كيفتمام😂💔) ركبته معاها ورطنته معاها بالانجليزي طلعت ظريفه خلاص لحدي وصلتني غرفة كمال 

-وووب علي دي كلها غرفه 😱

غرفتو كانت اكبر من بيتنا يااااخواانا وبااارده مكيفين شغالين (عاااد كبيره تستاهل مكيفين) دخلته لحدي ما وصلته لسريرو لقيتو نائم ومركبين ليه الدرب ..طاااخ ضربتو لمن قاام مخلووع 😠🖐🏻

-يااا زفت انت تقول لي كويس وانت عيان لمن ركبو ليك الدرب 

-هههه جيتي نووورتي😍في وقتك يا دكتوره عشان تفكي الدرب وتركبي التاني 

-كمان في واحد تاني 😨

طاااخ ضربتو تاني😠🖐🏻

بقى يضحك ويكورك 

-اااي هههه ياااخ انا عيان -تكضب مالك طيب 😤انا كويس وبتاع

-خلاص اسف 😍

فكيت منو الدرب وركبته ليه الدرب التاني وهو بس يعاين لي 

-انتي كويسه ؟؟

-باحسن حال حمد لله ..وانت بعد الحصل والشفتو امس ده لسه مصر تعرسني 

-هههه وليه ما اعرسك الفات مات ما يهمني 🤗

-تاني ما يهمني 😅

-ايييي🙊

-طيب عييت كده فجاة مالك 

لقيت فجاة امو معانا 

-اصلو لمن يزعل بيكون عيان شديد انا ما عارفه الزعلو شنو قدر ده لحدي يصل للمرحله دي 

هنا انا بقيت خجلانه وبعاين لي كمال وهو يتبسم ويغمز لي 😉

-هييي عبودي جاء معاك😍

-ااي اصلو افنان مشغوله وتعبانه قلته اخليها ترتاح شلته عبودي 

-يا سلاااام ياااخ كدي يا امي جيبي لي بي جااي ؛عبودي من شاف كمال بقى ينطط ويضحك (اجيي يا الحب الشديد😅)

-شووف الود فرحان كيف 

-عبودينا ياااخ الظاهر في ناس بدت تغيير 😏💞

-ااا انا احم لالا بس يعني هو متعلق بيك شديد وكده عاينته لخالتو ومضه لقيتها تتبسم لمن خجلته🙈

-عبوودي يلا نحنا لازم نمشي 

طبعا بقى يبكي وما داير يمشي (بتاع درامات )دائما فاضحني شلتو غصب اخد بكيتو وخالتو ومضه رسلت البت وجات شايله كيس شوكلاتات ادتو لعبودي حتى سكت (مادي حقير 😄)

طلعنا على البيت وعبودي نام طوالي ولقيت افنان برضو نايمه لبسته طلعته على الشغل سقته عربيتي ووصلته لاقتني مزن (زميلتي في الشغل في نفس المجال)

-يااا طيف رميتي لي الشغل كلو واختفيتي وين 

-هههه مزنتي ياااخ اسفه والله بس مريت بظروف كده 

-المهم اشتقته ليك يا عفنه😊

-والله اكتر ياااخ اها الخبر شنو والفاتني شنو تعالي احكي لي 

-يختي ماف شي فاتك غير الشغل الكتير الليله سجمك ناسك كتاار 

-بالجد هههه تمام انا جاهزه 

-بالمناسبه في واحد في مكتبك جوه كان راجي استاذ عصام بس هو مسافر وقال الا يقابل المسؤول بعد عصام ضروري 

-اها طيب حمشي اشوفو ..تسلمي لي يا مزن ما قصرتي 😍

-واااجبنا 😊

دخلته على المكتب وسلمته على الزول ده وصوتو ما غريب علي 

-طيف 😦دي انتي طيف

-ايوه انت منو ..انا بعرفك ..صوتك ده ما غريب علي 

-معقوله ما تعرفيني يااخ انا ...