#طيف_العيون
بعد كريم حكى لاحمد الحصل ..
-مسكينه يااخ ربنا يسهل عليها اهم شي يا كريم ما تلوم نفسك قدرها ما بي يدك وكلو لخير بس انت خفف عنها ..
-ان شاء الله ..انا حمشي استلم عربتي نزلني نهاية الشارع
-طيب
-بكره حجيك لموضوع كده فاضي متين ؟؟
-تعال لي من الصباح ما عندي شي
-تمام اوك
احمد مشى وكريم استلم عربتو ومشى ..
انا الليل كلو افكر في الحصل لي وقررته قرار حنفذو من بدري وبديت ارسم الخطه في راسي ..
كريم ما قدر ينوم ويفكر في طيف وكيف شعورها وهل حتسامحو وهو اصلا ما ليه ذنب بس عشان اهانه بانها عميانه وما بتشوف استمر تفكيرو لحدي ما الفجر اذن وقام يصلي ويدعي ليها عسى ولعل يخفف منها بدعوة
-"ياااا رب ..يااارب خفف عنها بقدر تألمها بقدر الحصل ليها يارب ارنا عجائب قدرتك "
انا صليت الفجر ودعيت ربنا يسامحني وبقيت امشي وافتش على افنان لحدي وصلته ليها وهي نايمه على الكرسي ومسكته يدها
-افنان ما حقدر اجازيك بس انا ما قادرة استحمل وماف حل غير كده "حتى الصداقة احيانآ نصيب واااه يا محلى نصيبي بيك" وطلعته بره الغرفه..
كريم بعد خلص من صلاته ودعواتو قال احسن يطلع على المستشفى وصل على المستشفى ولقى بقالة دخل خمى اكياس الشيكولاتات والشبس الخم الما خمج وشال الاكياس وهو داخل على المستشفى لمح زول واقف في اخر طابق وجرري على غرفة طيف لمن فتح الباب لقاها راقده ومتغطيه وهنا هم وانزاح منو ولعن الشيطان على الافكار الجاتو وخلى كيس الشيوكلاتات والشبس ولقى افنان دي يا حليلها راقده لا هو رقاد لا هو قعاد جرى الكرسي وجاب ليها مخده وختاها ليها
-يا بختكم ببعض ..تقولي انتي اختها مش منى الزفته ديك والله بس القاها حقتلها طوالي ومشى على سرير طيف وهي متغطيه وزح الغطاء من وشها ولقاها مخدات
-😳😳😳😳 مخدات ..لالالالا يعني الشفتها فوق دي طيف لااا يا ربي لاااا😣🏃🏽♂
ايوه انا قررت انتحر بعد ده اعيش لشنو كنته عارفه فكرة الانتحار حرام كنت زولة مؤمنه بس ما قدرته ولا حقدر اعيش انسب حل لي الموت ..
بعد ودعته افنان مشيت بره الغرفه واتكيت في الحيطه وبقيت امشي لحدي وصلته سلم وطلعته تاني خمسه سلالم لحدي لقيت باب زفيتو وعرفته اني كده وصلته سطوح عمارة المستشفى وهنا مشيت على الهوايه وطلعته ولنص ساعه بفكر انا ده شنو البعمل فيه ده بس كل ما اتذكر الحصل لي اقول ماف داعي اعيش بعد الحصل لحدي ما قاطعني صوت والصوت ده انا بعرفو
-طيف طيف استهدي بالله يا طيف البتعملي فيه ده غلط
-انت شنو الجابك هنا انت كريم صح الصوت ده ما غريب علي رد
-ااي انا كريم ..طيف انزلي يا طيف الانتحار حرام
-ما حرام الاتعمل فيني ده ..هه يااخ حتى انتو بتعاملوني كشفقه
-شفقه ..يعني لمن صحبتك افنان تعمل ده كلو شفقه يعني لمن امك العيانه راقده كانت بتحبك وتحميك كان شفقه انتي بالنسبه ليك شفقه الحب عمرو ما كان شفقه جيبي يدك وانزلي يا طيف
-كريم زح مني بس انا قررته وخلاص انا ما حقدر اعيش لمنو وريني بس انا شرفي ضااع حياتي انتهت انا موجوعه كل يوم بتألم انتو ما حاسين بي وزي ما بقولو الالم بس لسيدو
-غلطاانه وستين غلطانه كلنا حاسين بيك وبنتألم معاك طيف جيبي يدك وانزلي
-زح مني قلته ليك انا انا خلاص حنتحر لو سمعته خطوتك قربت علي والله حرمي نفسي
-طيب ارمي نفسك ..خلي امك لمن تصحى من الغيبوبه ما تلقى زول جنبها ويقولو ليها وحده من بناتها مدمنه ومجرمه والتانيه انتحرت اتخيلتي لمن تسمع ده حتموت من القهر ولا صحبتك افنان لمن تعرف يمكن تجن لانها فاكره نفسها هي السبب لانها خلتك اليوم داك وما حتسامح نفسها ولا انا ..ايوه انا لمن تموتي وانا لسه ما طلبت منك العفو انك تسامحيني على اني اهنتك بس والله لو اعرف ما كنته قلته كده ولسه كمان ما اعترفته اني ..بحبك
انا هنا لمن سمعته الكلمه دي ما عارفه حصل لي شنو قلبي ده دقاتو زادت وجاني هبوط اضطراري
بس فكرته هو بقول كده عشان..
