#طيف_العيون
-اووع يكوون ..حرامي 😨سجمي سجمي
-هنا تلفوني دق وكان رقم غريب غايتو رديت وانا لسه واقفه وبراقب في الزول التحت
-الف مبروك
-اا انت منو
-اجيييي ما عرفتيني من الصوت انا راجلك
-كماال ..جبته الرقم ده من وين
-من خالتو افراح قبيل ادتني رقمك ما لي الحق اشيل رقم مرتي ولا شنو
-هههه لالا ابدا بس اتخلعته كدي برجع ليك لانو في زول تحت شاكه في انو حرامي
- اخر الزمن اطلع حرامي بطلي شمارات بالشباك لانو ده انا 😂💔
-يخررب بيتك يا كمال ده انت 😂خوفتني يااخ انت جنيت والله شنو الجابك زي الوقت ده ومقعدك في الشارع
-والله ما عارف ما صدقته ولقيت نفسي فجاه قدام بيتكم
-هههه الله يهدينا ويهديك ارجع بيتكم الوقت اتاخر
-طيب ..بكره الصباح حستناك وحسوقك عشان نختار الدبل للخطوبه
-حااضر
-يلا تصبحي على خير 😍
-وانت من اهل الخير ☺
قفلته الشباك ودخلته رقدته ولقيتو رسل لي رساله
"قومي صلي ركعتين واقري قران وادعي لي اهم شي 😍"
يا الله 💔ذكرني بكريم كان طوالي بقول لي كده فبديت ابكي لحدي نمته ..
في جانب تاني
-احمد انت مسافر ياااخ لسه رجلك دي بقت ما كويسه
-يا امي لي ثلاثه سنوات راحه بعد ده ارجع الخرطوم لشغلي وحياتي زهجته من قعاد البيت
-خلاص يا ولدي بس ما بتسافر بعربيه تاني حادث وبتاع
-يا امي ما تخافي عليك الله بعدين القدر ده بجيك حتى لو ركبته طياره ولا بص سياحي انا مسافر بالعربيه وتوكلته على الله
-درب السلامه يا ولدي 😭💔لمن تصل طمني عليك
-ان شاء الله يا امي اعفي مني
-عافيه وراضيه عليك 😭
-مشروع الجامع لكريم ما يقيف انا برسل القروش من هناك تتموه يبقى ليه صدقه
-سمح يا ولدي
-مع السلامه يا امي خلي بالك من نفسك
-الله يسلمك😭😭
احمد سافر بالعربيه وجاء بنفس شارع الحادث ووقف مسافه يبكي ويتذكر في كريم لقى ليه راجل عجوز و راكب الحمار ونزل عبر الخلاء بقى يعاين فيه مسافه وجرى عليه
-سلام عليك اسف على التطفل بس عندكم مويه لانو مويتي انتهت وماف بقاله ولا مكان قريب
-وعليكم السلام ولدي ظاهر عليك التعب ارح معاي بيتي قريب من هنا
-لالا يا عم ما مشكله انا بمشي قدام البقالات بلقى شكرا ليك
-ماف داعي تخجلني يا ولدي ارح معاي
-طيب مدام مصر ☺
مشى مع الراجل العجوز وطلع اسمو محمد وركب معاه الحمار لانو العربيه خاف عليها توحل قال يفطر ويشرب مويتو ويواصل السفر ..
طبعآ من موت كريم ..احمد وكمال علاقتهم ما زي اول يعني بتكلمو بس ما زي زمان كمال كان خاتي الشك انو احمد هو السبب في موت اخوه
احمد وعم محمد الشارع كلو يتونسو
-انت يا عم محمد ما عندك عيال والسكنكم هنا شنو
-انا ومرتي امنه عندنا ولد واحد وناس على قدر حالنا سكنا هنا لظروفنا واتعودنا شغال بحماري عندنا بقره نشيل منها وببيع اللبن للقرى المجاورة مننا وبكسب قروشي من الشغلانا دي ولدي عيان شويه وبخاف عليه يشتغل يتعب عشان كده بخليه في البيت مع امو
-اها ربنا يشفيه يا عم محمد
وصلنا بيتهم وكان عباره عن بيت صغير مبني من القش ااي والله طلعو ناس بسيطين شديد دخلته معاهم البيت دخلني في برنده كده فيها سريرين قال لي
-ارتاح لحدي ما الفطور يجهز
وجابب لي المويه راجل طيب خلاص واحمد عينو على السرير التاني الفيه ولد العم محمد نايم ما قدر يشوفو كويس بسبب شعرو الطويل مربي شعرو ودقنو ومغطي جزو من يدو بيدو احمد رقد ومنتظر عم محمد يجي
انا طلعته مع كمال واخترنا الدبل وخطوبتنا بكره وافنان مشت معانا ؛كمال نزلنا في السوق عشان نختار فستان الخطوبه ومشى لشغلو (طبعا حول شغلو كلو من الامارات للسودان ومرطب ريحة القروش طاقه منو وعايشين في فله تقول يا انا وعربيه اخر موديل وامو دي من الراحه تحلف تقول اختو😅)
نزلنا اشترينا حاجاتنا ورجعنا البيت ونزلنا المستشفي عشان الشغل مليان وما بخلص كالعاده ومنها عزمنا الناس كلها وكمال كل دقيقتين يضرب يطمن علي لمن شاكلتو ولا اشتغل بي مصر يضرب يطمن علي 🙈
عم محمد جاب صينيه الغطور وصحى ولدو منذر
-يا منذر قوم الفطور ذاتو معانا ضيف قوم
منذر صحى وعاين لاحمد وهز ليه راسو كانو بسلم عليه واحمد هز ليه راسو
بانو رد السلام ومشى يغسل وشو ويدينو
-عم محمد انا اسف بس منذر ما بتكلم
-كان بتكلم لحدي عمل حادث وبقى ما يتكلم
-اها ربنا يشفيه
-اللهم اميين .. اكل يا ولدي ما تخجل
-ااي باكل والله يا عم محمد ماف خجل
منذر جاء وقعد قدامي ..شعرو ده كتير ونازل على وشو زي المصارعين (تعرفو رومين رينز المصارع بس زيو 😅) ودقنو ده طويل ملامح وشو سمحه ما بطاله وهو بياكل وساكت اصلو ما عاين لاحمد ..بعد اكلو احمد دخل يسلم على حجه آمنه وشكرهم واداهم قروش يمشو حالهم رفضت تمسكها بس بعد اجبار من احمد مسكتها وودع عم محمد ولمن جاء يودع منذر لقى..
