#طيف_العيون
*ياخواانا بنية الشهر الكريم خلونا ندعي لكل مريض سواء معاق او مريض سرطان او اي مرض والتحيةرحاب أرحبرحب بالجد انتي الهمتيني ربنا يسعدك ويحفظك قولو آميين 💕
مرت ثلاثه سنوات على موت كريم وامي
شفتو حياتي كلها آلم كيف ..
ويلاااااه كيف اعيش انا كل البحبهم بموتو بعد موت امي مشيت عشته مع افنان وبقت لي اخت وصديقه واهلها ما قصرو قدرته اشووف الشجر والبحر والعصافير بس اهم حاجتين ما شفتهم امي وكريم 💔
الدنيا مسخت لي تاني ورجعته اصرخ واكورك اكتر من الاول الا ودوني لشيخ بقى يرقي لي ببقى كويسه لفتره وارجع تاني اسولء من الاول حياتي ادمرت اتمنيت ارجع ما اشوف واعيش في ظلامي مع انو مرت ثلاثه سنه على وفاتهم بس كانو حصل امس لحظه وصلني الخبر من احمد ..ايوه احمد ما اتوفى بس حصل ليه كسر وشوية جروح بس كريم 😭💔
حاسه نفسي وحيده بالرغم من الناس المعاي ما قصرو افنان واهلها لمن بقيت جزو منهم ؛وافنان ذاتها حبها الاول ضاع بس ضاع قبل ما تعيشو انا عشتو وضاع عشان كده اتألمته اكتر منها
-يا طيف حتفضلي كده لمتين صح امك اتوفت بس طلعت ما امك اصلا ما تحزني قدر ده انا اقول شنو كريم قبل اعترف ليه مات 😭💔
بقيت ابكي معاها ورديت ليها
-صح طلعت ما امي وبعد ورتني حقيقتها انو هي الخدامه واحنا كنا مسافرين وعملنا حادث وده كان سبب اني عميت؛ ما امي بس ربتني مع بتها زيها واكتر حتى فضلتني عليها بعد موت اهلي
-فعلا خالتو عشه ما قصرت ربنا يرحمها بعد صحت من الغيبوبه كلمتك كانت حاسه نفسها حتموت ولمن عرفت الحصل ليك من بتها ماتت 💔ربنا يرحمها ما تستاهل
-ربنا يرحمهم جميعا حتى كريم بسببو انا شفته بعد ارادة الله حمد لله بس كان نفسي اشوفو واشكرو 😭💔انا موجوعه يا افنان موجوعه
-معليش يا طيف ده قدرك واذا احب الله عبدآ ابتلاه اشكريه بالدعوات بس وربنا يرحمو ويغفر ليه
-ربنا يرحمو 😣💔
"كاني بستنشق هواك ؛ لحظة قعادك في حداي ؛ زي حوجة الروح للنفس ؛ انا هسي محتاجاك معاي 💔"
يا جماعه والله احساس مؤلم تنحرم من زول كان اي حاجه في حياتك زول كان روحك فيه زول يومك ما بيعدي من غير ما تطمن عليه ويطمن عليك بالجد احساس وجعو حار شديد 😔
قعدنا نستغفر انا وافنان ورقدنا لحدي جرس الباب خبط قمنا
-افنان انتي منتظره زول ؟؟
-برري حتى امي وابوي في الشغل منو حيكون جاء
-اوع يكون حرامي 😨
-وااي يا طيف 😱..يااخ حرامي شنو يرن الجرس
-خلاص امشي افتحي الباب
-اررح معاي والله ما بمشي برااي
-اررح خلاص
اول ما فتحنا الباب افنان بقت تكوريك ...
