#طيف_العيون
افنان جرت على منى وطاخ كف لمن وقعت
-لحدي هنا يا منى والله تاني تقربي على طيف ما اختاك واظن قبل كده حذرتك واخدتي نفس الكف ده
《فلاش باك لحظة تعارفنا انا وافنان 》
-يا منى بس وصليني القاعه عشان اول يوم وما بعرف شي
-طلعي عصايتك وامشي بيها وساعدي نفسك انا كلمتك لا اختك ولا بعرفك في الجامعه دي
-بس يا منى وصليني القاعه وتاني ما دايره منك شي عشان كده ممكن اضيع
-مشكلتك يا طيف اذا انتي عميانه انا اعمل ليك شنو زحي مني بعيد بالله يلا
جات يد من هناك وطااخ كف لمن منى وقعت ودي كانت افنان
-انتي يا بت هووي انا مراقباك من قبيل وسامعه كلامك يااخ دي اختك بدل تساعديها زحي من قدام وشي قبل ادفنك هنا ده وكدي تاني القاك بتتعاملي معاها كده
-وانتي منو كمان عشان تتدخلي يا حيوانه يا معفنه ياا...
-وفري شتائمك دي لانو ما حرد على وحده تافهه زيك الزيك ديل بتعامل معاهم بيدي بس
-قايلاني بخاف منك يعني والله ما اخليك
-اعلى مافي خيلك اركبيه يلا بلا لمة ..انتي اسمك طيف صح
-ااا اايوة
-ما تخافي انا اسمي افنان وحبقى ليك صديقه بقرا طب السنه الاولى
-انا برضو بقرا طب السنه الاولى
-يلا طيب معاي اوديك القاعه ونحجز لينا محل قبل تتملي
-بس م ..منى
-ما عليك بيها بلسانها الطويل ده كيف دي اختك بالله
-طيب شكرا ليك
-من هنا ولقدام ماف شكرا بين الاصحاب ولا ما عايزه تصاحبيني
-لالا وانا لاقياك تسلمي لي 😍
-يلا طيب
منى من شافت افنان حمرت ليها وقامت
-انتي يا طيف اتحاومي لي كده وامك قاعده تموت وده كلو بسببك ولو ماتت انا ما حرحمك
-ا اامي حصل ليها شنو ردي حصل ليها شنو
-طلعنا نفتش في حضرة سيادتك ووقعت فجاة وهسه في العنايه قالو غيبوبه بسبب السكري
-واااي امي وديني ليها 😭💔
-اهدي يا طيف
-اظن افنان معاك ممكن تقدر توديك
-انتي يا بت عايزه القتل..لالا عايزه شنق من لغاليغك من جووة لالا ولا شنق ضبح عديل ضبح
-يا افنان وديني لامي 😭😭
-امك راقده وين يا منى قبل الليله ارتكب فيك جريمه
-اخر الممر واقطعو وشكم ده مني بالله
-طييب حسابك بعدين
ساقت طيف ومشت على غرفة امها ومنى طلعت بره وعملت مكالمه
-الو
-اهلين اخيرا اتذكرتينا يا عفنه ووينك ليك كم يوم فقدناك
-قاعده والله بس مصدعه محتاجه لي كيس
-عندك كاش نديك ما عندك ما اوعدك
-عندي بس ضروري لانو راسي حينفجر
-طيب تعالي بيت ال(..)
-لالا ما عندي طريقه اجي رسلي اي زول من الشباب يجيب لي كيس بس
-طيب يا منى سلميه الكاش بس بقيف ليك جنب بقالتكم المعروفه (بقالة السعادة) لمن يصل بدق ليك تستلمي البضاعه
-طيب بس يعمل حسابو ويلفو كويس
-طيب يا منى شغلنا ده اصلو كويس وبحذر
-تمام يا زينب ما بتقصري قفلت ودخلت جوه
-يا زفته انا ماشه البيت اجيب باقي قروش مفروض ادفعها كح كح وانتي امشي مع الزفته صحبتك لانو وجودك ما حيفيد قالو غيبوبه لشهر
-😭😭😭😭
-والله يا منى لو ما صلحتي اسلوبك ده ما تلومي الا نفسك
-يلا بااي 😏👋🏻
-بااي في دهيه ما ترجعي تاني 😒
طيف دي بس تبكي وافنان بعد تحانيس اقنعتها ترجع البيت معاها وتجي الصباح ..
منى وصلت البيت واستلمت البضاعه ودخلت جوة وجري فتحت الكيس
-اححححح شمممممم اححححح هههههاااي ده احلى مزاج عااد ههههاااي
(يب منى ليها سنه مدمنه بعد اتعرفت على شلة ما تمام في الجامعه وضاعو بيها تشرب سجايير وشيشه وادمان مخدرات تقيله وبتقابلو في بيت ما كويس وهاك يا الضحك والاولاد وحاجاات استغفر الله )
افنان وطيف وصلو البيت وبعد سلمت على اهل افنان طلعو الغرفه ورقدو
-طيف ممكن اقول شي
-ااي قولي ما تخجلي
-اممم منى اختك دي ما طبيعيه يعني قبيل شفتها ..
