#طيف_العيون
-انا احمد يا طيف احمد دكتورك ..انتي بقيتي تشوفي كويس الحمد لله😃
-احمد جااااادي حمد لله على السلامه الحمد لله بقيت اشوف كويس وكلو بفضلك 😊
-الحمد لله يااااخ ..اها انتي شكلك مديرة قسمك بعد دكتور عصام اصلو هو دفعه وكده
-ااي الحمد لله بقيت دكتوره واشتغلته هنا
-تمام والله ..انا كنت جاي في موضوع خطير في واحد في الخلاء ساعتين من هنا تقريبآ لازم نفحص ليه لانو شكيت في راسو في حاجه ما تمام ومطلوب جراحه ده ممكن يموت
-لا حول ولا قوة الا بالله ..خلاص انا هسه بمشي معاك ارح
-بس من هنا ساعتين
-ما مشكله ده شغلنا انت امشي قدامي انا بسوق وراك
-طيب
احمد عاين لي وكان في خشمو حكي كتير عن كريم وكيف مات واسفو بس ما اتكلم وانا برضو دمعته وكنت حبكي بس مسكته نفسي ومسحته دموعي وطلع وطلعته وراه ..اتصلته على افنان وكمال بعد تعب وافق لي وقال لي ترجعي طوالي
اتحركنا ساعتين في الشارع واحمد عرفني عليهم ورجع لانو كان عندو عمليه المساء وخلاني معاهم دخلته قعدته لحدي جابو لي منذر كان كبير في نهاية العشرينات يعني ما ولد صغير بس تصرفاتو زي الشفع
-اهلييين انت منذر صح
من شافني مسك راسو وبقى يبكي
رد علي عم محمد
-اسف يا بتي بس هو ليه كم يوم تعبان وبمسك راسو كتير
شلته حاجاتي وفحصته ليه ولقيت في عصب ضاغط على المخ وعامل ليه مشاكل كتيره ومنها مشكلة عدم الكلام وقلته ليهم
-لازم نعمل العمليه هسه ونرخي العصب عشان كده حتمشو معاي المستشفى في الخرطوم
-بس يا بتي ما نقدر نخلي بيتنا انتي سوقيه وكلمي احمد بكره يجي يسوقنا نكون لمينا البيت وجهزنا حالنا
-خلاص تمام يا عم محمد ما تشيلو هم عمليه بسيطه بتاخد ثلاثه ساعات
-ان شاء الله رربنا يشفيه ويرده لينا بالسلامه
انا ومنذر ركبنا العربيه ومنذر بس نائم وانا سايقه وشعرو مغطي وشو ومضايقو في النوم وقفته العربيه ورفعته ليه شعرو شلته البانده من شعري ولبسته طرحتي وربطو ليه
-يعني على الاقل شعرو ده يقصو ما ممكن قدر ده😒
اتحركنا والشارع كلو اعاين ليه ..ما عارفه بس زول ملامحو سمحه شديد ومن وشو كانو في نور طالع حنني قطع قلبي
-يااا رب تسهل لي في العمليه واقدر اعالجو 😟
هو صحى وبقى يعاين لي ومسك راسو كان بتألم بطريقه تبكي وبحاول يصرخ بس ما قادر 😖
وصلنا المستشفى ونقلو الشغالين معاي غرفة العمليات وجهزوها وجاء وقت العمليه قبل ادخل تلفوني دق
-اها وصلتي؟
-ااي وصلته وداخله عمليه دعواتك
-عملية شنو في شنو يا طيف
-عملية الزول السافرته ليه الخلاء اصلو طلع تعبان شديد وفي عصب في المخ لازم ارخييه ومحتاج عمليه ضروري
-اها طيب انا بقيت كويس ممكن اجي احضرها -ااي تعال تكون جنبي بتشجع بيك
-احياااا مسافة السكة بكون عندك 😍
-انا حدخل عشان جهزو الغرفه يلا توكلت على الله -ان شااء الله عمليه ناجحه
-ان شاء الله ..كلم افنان امشي ليها البيت لانو تلفونها مقفول
-حاااضر
قفلته من كمال ودخلته العمليه لقيت الدموع في طرف عينه كانو خايف ..جيت مسكته يدو وقلته ليه
-ما تخاف ان شاء الله العمليه ناجحه
ااتبسم لي وغمض عينو ..انا مسكته يدو بس ياريتني ما مسكته كاني حسيت بيه خايف بالجد
وده خوفني اكتر مع انو اشتغلته عمليات كتيره وكلها ناجحه بس خفته
بديت العمليه وجيت طالعه كل ملابسي دم لاقاني كمال
-ده شنو ده يا طيف اها حصل شنو
احمد بعد عمليتو طلع يتعشى مع حبيبتو
-شنو ياااخ مشتاقين عديل -امشي يا كريه مالك اتاخرته لحدي جيت الخرطوم انا استنيتك كتير
-اسف والله بس امي لحدي اقنعته ونسيتي اني كنت عامل حادث
-ااي عارفه يااخ بس كنت طوالي بتدخل الفيس والواتس واختفيت ولا حتى ما طمنتني عليك
-انا كويس يا بت ..على العموم كلمي اهلك جاي اتقدم خلاص 😍
-جااادي متين متين 🙈
-بكره ان شاء الله حتى كلمته اهلي ووافقو الباقي عليك وعلى اهلك يا افنان
-انا مووافقه واهلي كمان حيوافقو 🙈
-يبقى على بركة الله 💞
افنان واحمد حبو بعض من الفيس تتذكرو لمن طيف ركبت مع كمال وافنان قالت ليها احسن اخد راحتي منك الوقت داك كانت بتحب احمد وبتتكلم معاه ولسه ما اتكلمت مع طيف في الموضوع ده قالت لحدي تتاكد انو جادي وحيعرسها هنا افنان رجعت البيت لاقتها خالتو افراح
-انتي يا بت كمال جاء هنا وقال انو..
