#طيف_العيون
ولمن جاء يودع منذر لقى الدموع في عيونو
-منذر مالك يا ولد في حاجه
بقى يهز في راسو بمعنى لا ..رد لي عم محمد
-هههه هو دايمآ كده لمن زول يجينا حتى من الجيران ببكي
-هههه حيطلع حنين
-ااي حمد لله في احلى من الحنيه
-اكيد لا شكرا ليكم
عم محمد طلع يوصلني بس منذر اصر انو هو اليوصلني وركبنا الحمار 🐴 احمد قال يخفف على منذر وبقى يحكي ليه نكت الشارع كلو ومنذر يتبسم لمن وصلو شارع الظلط وهنا منذر واحمد نزلو وهو بودع فيه في الناحيه التانيه من الشارع وجات كم عربيه ماره ومنذر وقع في الارض واحمد جاء جاري عليه يصحي فيه وشالو رجع بيه لبيت عم محمد
وقرر يقضي الليل معاهم لحدي يطمن على منذر نسبة لانهم ما قصرو معاه بعد مرور يوم كانت خطوبتي انا وكمال وجهزنا والزغاريد وخطبنا كان في فرح اول مره اضوق طعمو ورقصنا وهيصنا وعبودي ده شغال يرقص ويقع يقوم وتاني يقع وانا بضحك فيه بالجد يادوب حسيت طعم الفرحه وافنان دي رقصت لمن فترت والزغاريد دي ماليه البيت(عملنا الخطوبه في بيتنا) وكمال ده بس يعاين لي لمن خجلني ووترني ليك
-يا كمال شنو يااخ ما ممكن تعاين لي كده
-يا زوله مالك مش خطيبتي
-هههه ااي ما غالطتك بس الناس بتعاين لينا
-ما يهمني
-ياااخ الكلمه دي ما تقولها لي كرهتني بيها
-هههه ما يهمني
-قول والله بس
-والله العظيم ..كدي خليني اقرصك اشوف انا بحلم ولا لا
-هههه تقصرني لشنو مفروض تقرص نفسك والله تمد يدك دي علي ما اختاك
-من هسه عايزه تهرشيني ما مشكله ذاتو ماشي ارقص شويه
-امشي طير 🙊
مشى يرقص هو وافنان والله ضحكوني ضحك ده ما معروف رقيص ولا ناس طاقاهم كهرباء بقيت بعاين ليهم لحدي كمال دخلني نص الدايره وهاك يا الرقيص معاي وانا واقفه اصفق بس وهو يحمر لي نظام ده اخرك ده رقيصك لحدي حمرته ليه وبقيت بجبجب 😂
-ايوووه ووري اها اها ابشررر 👨🏻👋🏻
رقصنا لمن فترنا والحفله انتهت وبقيت خطيبتو وفرحته بيه ..
هو الا امو لزتو لز على البيت حلف ما يمشي ..الليل ده كلو قضيناه حكاوي ونقه وشكل وايييك😍
احمد طلع الصباح ووصلو عم محمد ..
-انا اسف منذر تعب وتعبناك احنا معانا
-ولو يا عم محمد بس هو فجاة كده يقوم يقع مالو
-اصلو لمن عمل الحادث راسو بوجعو وما مشينا فحصنا ليه نسبة لانو ما عندنا قروش
-بس لازم تفحصو ليه ده حيضرو ..انا دكتور عيون بس عندي اصحاب دكاتره تخصصات تانيه بكره دي برسل ليكم دكتور يجي يفحصو اصلو جمايلي عليهم كتيره وما حيرفضو
-الحمد لله الحمد لله شكرا يا ولدي😭
-يعطيك العافيه عم محمد شكرا ليك انت
احمد دور عربتو ورجع على الخرطوم
انا ماشه على الشغل لقيت كمال منتظرني وافنان معاي
-احم حبيب القلب جاء يسوقك ريحتيني ذاتو الليله حركب براي واخد راحتي
-ايووواااه تاخدي راحتك يا جزمه مخبيه مني شنو
-لالا ولا شي بس في وقتو بكلمك🙈
-قبضتك تعالي احكي لي 😏
-بحكي ليك لمن نصل المستشفى هسه امشي شوفي كمال ده بحمر لي كيف ..هههه تصدقي ذكرني كريم 😂كان بحمر لي كده وقت المشاكل
-ههههه بالجد للدرجه دي
-ااي والله يشبهو
-الله يرحمو 😔
-اللهم اميين . يلا نتقابل في المستشفى
-طيب
مشيت طلعته عربيه كمال ويتبسم
-اها يا كمال شكلك عامل عمله من تتبسم لي كده في شنو
-ماف شي بس 😁
-بس شنو قول 🤨
-عندي صحبي لمن عرف اني خطبته زعل كيف ما اعزمو وقال الليله عازمنا فطور وهسه مواعيد الفطور جات فالشغل بوديك بعدين عشان ما احرجو والله ما قدرته اقول لا
-احييي انا منك ناس الشغل ديل برفدوني بسببك 😒
-ما بقدرو والله 😍اها قلتي شنو ..عليك الله ما تحرجيني مع صحبي ده
-خلاص طيب ارح 😐
-ياااخ انتي تسلمي لي 😍
-بطل كسير تلج وارح سرعه عشان ارجع الشغل
-😆
وصلنا المطعم وكان مطعم راقي شديد الظاهر صحبو ده ترطيبه ..من دخلنا سلمنا عليه وعرفني عليه
-ده صحبي محمود يا طيف
سلم علي
-كيفك طيف اتشرفنا
انا من سمعته صوتو رجعته لوراء وبقيت برجف وهو لمن ركز فيني قلع عيونو وبقى مخلوع وانا دي بس ببكي وبصرخ المطعم كلو اتلمى وهو شال حاجاتو وجرى وكمال جرى وراه و...
