My Boyfriend is a Freak (Published under Pop Fiction)

9: Mira

"Ano? Ginawa mo 'yon kay Samantha Love?" Two octaves yata na mas mataas ang boses ko ngayon, dala ng gulat matapos ikwento sa amin ni Vren ang pagbubunyag niya ng mga lihim ng ex-fiancée ng kuya niya. (Yes, I think the Vince-Samantha engagement was already off. Kung ako rin naman kay Vince, 'yan ang gagawin ko matapos kong malaman kung gaano ka-wild ang fiancée ko.)

"She deserves it for misleading my brother," sagot naman sa akin ng boyfriend ko.

Tanging si Vren lang ang kilala ko na walang sinasanto. Ang kuya niya, isang sikat na artista, mga estranghero — baka kahit si Shaider: Ang Pulis Pangkalawakan, kapag may ginawang hindi kanais-nais sa paningin ni Vren, malamang ay samain.

"OMG!" pakli naman ni Alexia. "Ibig sabihin, isang mapagpanggap na wild child pala si Samantha Love Banerjee? I'm so gonna tweet this!"

Akmang magta-type na si Alexia sa phone niya nang hablutin ito ni Vren mula sa kanya.

"Don't you dare, you idiot," pagbabanta ni Vren. "I didn't mean to destroy her career when I did a background check on her. I only intended to convince my brother that he doesn't know the woman he was about to marry."

"Oo nga naman. Atribidang bakla 'to! Tatanggalan mo pa ng kabuhayan si Samantha Love. E sa itsura niyang 'yon, mukhang pagpapa-cute lang sa camera ang alam niyang gawin," conceited na linya ni Hannah.

"But this is huge news! Pahingi nga ng kopya ng mga na-uncover mong pics, Papa Vren. Malaki ang kikitain ko kapag ibinenta ko ang mga 'yan sa tabloid — aray!"

"Hihirit ka pa talaga, e!" saway ni Mavi sabay batok kay Baklita. "Sabing walang siraan ng career na magaganap!"

"Oo na! Wala na! Hindi ko naman ipagpapalit ang buhay ko sa isang tweet lang!" Alexia glared at us. "Ikaw Maria Eva ha, namumuro ka na sa akin. Kung makabatok ka lagi, wagas! At ikaw naman Papa Vren, anong tinatawa-tawa mo riyan? Ipagtanggol mo ako! 'Di ba, knight in shining armor kita?"

"As far as I'm concerned, I am Mira's knight in shining armor," mapang-alaskang sagot ni Vren sa pag-e-emote ni Alexia.

"Che! May sugat na nga ang puso ko, lalo niyo pang binibiyak! Ano ba ang meron sa'yo, ha Mirathea Custodio? Inangkin mo na ang lahat ng sa akin! Wala kang puso!"

"Walang sa'yo, Alexia!" sagot ko sa pagdadrama ng bruha. Tumawa naman ang mga kasama namin.

"Hmp! Diyan na nga kayo! Hahanap na lang ako ng ibang lalandiin." Umirap si Alexia bago kami iwan para maghanap ng bagong bubwisitin.

"Maharot ka!" pahabol na sigaw ni Hannah na sinagot naman ni Alexia ng isa pang pamatay na irap.

"I can't believe how insane your gay friend is," iiling-iling na sabi ni Vren pagkaalis ni Baklita. The rest of us chuckled.

After a few minutes of silence, I decided to voice out the question that was nagging me. "Ah, Vren... Paano na ngayon ang kuya mo? E 'di hindi na tuloy ang kasal?" Siyempre ay worried din ako para kay Vince, dahil kaibigan ko rin 'yong tao.

"After what he learned about that woman? I doubt it," my boyfriend answered with a smirk.

Hannah giggled, which she quickly covered with a fake cough. Mavi and I exchanged meaningful glances before we both turned to Hannah with brows raised.

"What?" painosenteng tanong ni Chinita na noon ay biglang namula. Bago pa man kami makapagsalita ni Mavi ay bumaling na ang kaibigan namin kay Vren. Halatang-halata ang kagustuhan nitong ibahin ang usapan. "Hey, I just remembered... Bukas na ang CSR event natin, 'di ba Sir Vren?"

"Yeah," sagot ng aming boss sabay tango.

"Sa Angels' Cradle ulit tayo, 'no?" pakli naman ni Mavi.