ပုံပြင်တွေကို ဘယ်လိုသဘောရလဲ?
ဒီ ဖြစ်ရပ်တွေကို ခေါင်းစဉ်တပ်ရမယ်ဆို ဟိုးရှေ့ရှေ့တုန်းကနဲ့ စတင်ပါတယ်။
-Memories Of A Cigarette And Pill-
"နင်ဒါဘယ်ကရတာလဲ Jay"
"နင့်ကျောပိုးအိတ်ထဲကပေါ့"
"ပြန်ပေး ဒါနင်နဲ့မဆိုင်ဘူး"
"နင်သောက်တဲ့ဆေးလိပ်က ဘာအရသာများရှိတာမို့ ဒီလိုဖြစ်နေရတာလဲ Taeyeon"
ကျောင်းခေါင်မိုးပေါ်။ ကောင်မလေးနှစ်ယောက်။ တစ်ယောက်က စီးကရက်ဘူးကိုကိုင်မြှောက်ရင်းမေးတယ်။ တစ်ယောက်က မျက်မှောင်ကိုကြုံ့ပြီး ကြည့်နေတယ်။ မေးခွန်းအတွက် အဖြေမရမချင်း စီးကရက်ဘူး ပြန်ပေးမည့်ပုံမပေါ်။
"ဘာအရသာမှမရှိဘူး ပြန်ပေးတော့"
ဆတ်ခနဲ ဆွဲယူတော့ အငိုက်မိသွားတဲ့ Jay က အားရပါးရ ရယ်တယ်၊၊
"နင်ဘာလိုက်လုပ်တာလဲ ဒီခေါင်မိုးပေါ်"
"ဆရာမကပြောတယ် နင့်သူငယ်ချင်းကိုနင်အသေခံမလို့လားတဲ့ အဲ့ဒါနဲ့ နင်ခုန်ချမသေခင် ငါလိုက်လာတာ"
Taeyeon က မျက်မှောင်ကိုကျုံ့ထားတုန်း။ သူ့မျက်ခုံးတွေက အမြဲလိုလို တွန့်ချိုးနေတတ်တော့ ဒီဖြစ်ရပ်က အရမ်းတော့ မထူးဆန်းဘူး။ Jay အသားကျနေပြီ။ ဗြုန်းခနဲ Taeyeon က ကျောင်းခေါင်မိုးရဲ့ ဘောင်ပေါ်ကိုခုန်တက်တယ်၊၊ ပြီးတော့ ထိုင်ချတယ်။
"အရင်တစ်ခါက ခုန်ချတာ မသေလို့ ဒီခေါင်မိုးကနေ ထပ်ခုန်ချဖို့ကို ပယ်လိုက်ပြီ"
Jay က Taeyeon ရဲ့ကျောပိုးအိတ်ကို လွယ်လာတာမို့ သူ့ကျောကချွတ်ပြီး လှမ်းပစ်ပေးလိုက်တယ်။
"အလုပ်သွားရမှာမလား Taeyeon ဒီမှာက နင်ထင်တာထပ် ငွေရှာရလွယ်ပါတယ်။ သေဖို့နည်းလမ်းကိုပဲ တွေးမနေပဲ အလုပ်ပဲလုပ်
ဟုတ်ပြီလား...ငါတော့ ငွေသွားဖမ်းဦးမယ်"
ကျောပိုးအိတ်ကို လှမ်းဖမ်းပြီး လက်ထဲက စီးကရက်ဘူးကို အိတ်ထဲ ဖြစ်သလို ထိုးထည့်ကာ Taeyeon ခေါင်းငြိမ့်ပြလိုက်တယ်။ သူအတူအိပ်စရာယောက်ျားသွားရှာတာကို Taeyeon အား အရေးတယူပြောပြနေတဲ့ Jay ကိုအံ့သြတယ်။
ESTÁS LEYENDO
-Memories Of A Cigarette And Pill-
Fanficဆန့်ကျင်ဘက်တွေ ပေါင်းရင် သိပ်ကိုကြည့်လို့လှတာ ဥပမာ - နင်နဲ့ငါ့လို.....အင်း... ဆန့်ကျင်ဘက်တိုင်းက အမြဲဝေးရတယ်ဆိုတဲ့ အမှန်တရားခပ်ရေးရေးက လွဲရင်..အကုန် သိပ်လှတယ်
