الفصل التاسع.....
أحبال الهوي.
إياد :الجميل قاعد لوحده ليه؟
غرام بإستغراب:نعم!!!!
إياد :نعم أيه بقولك قاعدة لوحدك ليه؟! طبعا هتقولي محدش فاضي يقعد وكده ،وأنا تنازلت وقررت ، أسلي وقتك وطبعا الشكر لله
غرام :أيه ده كله ههههههههه متأكد إنك ظابط بجد!
إياد :طبعا معاكي ...المقدم إياد الزهري أقدر أعرف طلباتك.
غرام:لا مش قادرة أمسك نفسي من الضحك ، كده جرسون في مطعم ،طلباتي ههههههههه
.....لم تشعر بمن يقف خلفهم في هذه اللحظة والنيران تشتعل فيه من شدة غضبه
حمزة بحدة :هو ده الشغل يا حضرة المقدم ، إنك تقف تضحك ، وبعدين يا آنسة غرام لازم تحافظي على منظرك ، وخصوصا وسط الحرس اللي حواليكي.
إياد :أنا. ..
حمزة:بلا أنا بلا بتاع ، روح شوف شغلك هناك
إياد :تمام يا فندم
حمزة بصوت عالي:ممكن أعرف حضرتك تحت ليه؟وأى الضحك ده!!وصوتك العالي إحنا في كباريه ،أي المياعة والمياصةدي.
غرام بغضب:أولا حضرتك لازم تحترم نفسك معايا ، مش معنى إن ضحكت معاه أن أبقي مايصة ، وكمان أنا محترمة جدا وبعرف أحافظ على نفسي كويس ، وقاعدة في مكان وناس حوالينا برضوا مش كباريه ،ثانيا أنت ملكش دعوة بتصرفاتي أيا كانت ، عشان تتحكم أكلم مين ولا أقف مع مين ...ماشي سلام يا سيادة الرائد.
حمزة:شدها من إيديها.... تعالي هنا راحة فين.. لما أكون بكلمك لازم تقفي لحد ما أخلص مفهوم ، وكمان أنتي مسئولة مني لحد ما المهمة دى تخلص.
غرام بصوت عالي:مهمة مهمة ، هو معني إنكوا مسئولين عنها ده يديكوا الحق تتحكموا فينا بالشكل ده... إذا كان صاحبك أتجوز حور وبيتحكم فيها بالشكل ده ، في الآخر هو جوزها ، لكن أنا مفيش بينا علاقة عشان أتحمل تحكماتك دي
حمزة بهدوء:غرام أنا خايف عليكي ، أهدي شوية وتعالي نتكلم بهدوء
غرام :هدو ..... قطع حديثهم سماع صوت حور وهي تصرخ....مالها حور
حمزة:تعالي نشوف في أي
.........................................
كانت جالسة علي الأرض التي أصبحت حمراء بلون دمه..حين كان يقف معها دون ملاحظة من كان يتسلل من خلفه للقضاء عليه وفجأة تحول من صراخه عليها لوقوفها بدون حراسة إلي صراخها عليه بعدما فعل الخائن جريمته وهرب
حور:يمن رد عليا .... يمن لازم تفضل صاحي أوعي تغمض عينيك فاهم
حمزة بصدمة :مين عمل فيه كده؟
حور بصياح:مش وقته أتصل على الإسعاف بسرعة ، ده بيموت بسرعة
حمزة: فاق من صدمته وبالفعل قام بالإتصال عليهم... وبعد مهاتفته لهم شعر أن الوقت لن يسمح لصديقه بالبقاء هكذا حتي وصولهم .....أوعي خليني أخده بعربيتي ، لسه هستني لما يوصلوا قدامهم حوالي نص ساعة ...وذهب ليحمله
