الفصل الثالث....
لعب القدر لعبته معي ، لأقع فريسة بين يديك ، لم يخطر لي يوما أن ألقاك ، و لكنك حطمت حصوني ، و خيبت آمالي ، و وقعت بين بيديك أناجي بين الحياة والموت.....
حمزة و هو يضيق حاجبيه بضيق :
هى هتفوق أمتى!!
الدكتور بتوتر :
المفروض تفوق فى خلال الساعات اللي جاية ، و أنا عينيت ممرضة تشرف على حالتها معايا زي ما الباشا صاحب حضرتك أمر .........وبلع ريقه قائلا :
ممكن أعرف اللى حصلها ده أزاى ؟؟؟
حمزة بحدة :
أنت هنا عشان تشوف شغلك و بس ، مالكش دعوة بحاجة تانية فاهم ، ولو حد عرف عنها حاجة ...قطع حديثه
الدكتور بسرعة :
متقلقش محدش هيعرف حاجة ا ا ا ا بعد إذنك عندى شغل
..................................................
يمن :
عارف كل ده و لا حاجة ، انا عايز أعرف علاقتها بالموضوع ، وخصوصا لحظة وقوعها السفير أختفى ، أكيد ليها علاقة ، وكمان بعد اللى شوفته ساكتة ليه ، أتكلمى!!
غرام ببكاء :
علاقة إيه ؟؟؟ هى عمرها ما أذت حد ، و هى عشان وقعت نفس التوقيت تبقى ليها علاقة باللى حصل ، هى علشان أشتركت فى العرض علشان مراد عارف أنها كويسة لو شاف فيها حاجة مكنش وافق....
يمن بسخرية :
مراد .....اممممممم!!!!!! إزاى واحد يشغل واحدة ميعرفش مؤهلاتها يخليها تشارك فى عرض زى ده ومفيش علاقة.......
غرام بغضب وصراخ :
متكملش يا باشا ، حور طول عمرها محترمة، و عمرها ما عملت حاجة غلط ، و لا هى سمعة الناس عندكوا بالساهل كده ، و عشان لوحدها تتظلم
يمن بنرفزة :
ليه أشتغلت معاه يا بت انطقي بدل ما أحبسك و شيلك الليلة كلها ؟؟؟؟
غرام ببكاء :
بعد وفاة أهلها ، قررت تشتغل وخصوصا كانت لسه بتدرس ، وتكفى مصاريفها ، و إنها لوحدها هى ليها عم واحد مسافر بره مصر ، و يعتبر مفيش علاقة بينهم ، حتى مسألش عليها غير يوم وفاة أبوها ، و سابها و سافر تانى ، فضلت تدور على شغل محدش رضى عشان لسه متخرجتش ، و ملقتش غير الشغلانة دى لما شافت الإعلان، و اتقبلت فيها ، و بعد تخرجها قدمت فى وظائف كتير بس محدش قبل ، كملت فى السيرك ، و حبت الشغل فيه ، و طلبت من مراد يخليها تشارك فى عروضات كبيرة..
يمن بهدوء:
ليه....
غرام:عشان تثبت للناس أنها تقدر تعتمد على نفسها ، و أنها قوية ، و تستحمل أى حاجة ، و أخذت تترجاه أبوس إيدك خلينى أشوفها حتى لو مرة واحدة بس
..................................................
صاااح بأعلى صوت ورمقهم بنظرة غاضبة :
أغبية !!!!!! .أغبية!!!!!!! إزاى شافتكم؟؟؟ و كمان فلتت من ايديكوا !!! مشغل بهايم معايا؟؟؟ و أنتفض من مكانه
عارفين لو نطقت؟؟؟ ليليتكوا سودة الموضوع ده ينتهى النهاردة !!!! فاهمين ؟؟؟ مش عايز ليها وجود.... خالص
