جيت المغرب داخله من الشارع وهدومي كلها ملطخه بالطين امي من شافتني قالت لي وووب علي ده شنو يا بتي 😱 قلت ليها ده تين تين تونا داعدين نبني بيت تبييير تدر ده وفرقت يدي من بعض بوصف ليها في حجم البيت وتمان احلي من بيتنا ده وفيهو ثلم (سلم ) زي حق ناث ودن 😍 امي قعدت تضحك قالت لي ان شاء الله تكبري وتسكني في بيت زيو 😘 دخلتني الحمام حممتني وعمرها ما كان بتدعيي علي بالعكس كانت بتدعي لي بكل حاجه سمحه حتي لم اعمل حاجه غلط وتزعل مني كانت بتقول لي امشي من قدامي ربنا يسعدك وينور طريقك 😘 طبعا نحن اسره بسيطه شديييد من حيث العدد والوضع المادي 😔 بنتكون من امي اسمها ساميه وابوي اسمو صلاح وانا اسمي شجن دي كل افراد الإسره ✋ وابوي بيطلع الصباح ويجي راجع المساء عشان يوفر لينا قوت اليوم 😢 يعني عايشين رزق اليوم باليوم بس حامدين الله وشاكرنو وعايشين حياتنا مبسوطين ومستقرين 😍 في يوم امي تعبت وابوي كان في الشغل 😔 جات مرت جيرانا اسمها عفاف مشت معاها الدكتور لم فحصت طلعت النتائج انها حامل 😍 بالرغم من انو الدكتور كان منبهه عليها انها تعمل حسابها وما تحمل لأنو الحمل بشكل خطوره علي حياتها عشان حالتها الصحيه ما بتستحمل وخاصه انو عندها مشكله في القلب 😭 لم دخلت النتائج للدكتور قال ليها ما عارف اقول ليك افرحي عشان طلعتي حامل ولأ تحزني عشان ح ننزلو ليك 😢 قالت ليهو بخلعه كيف يعني تنزلو لي 😱 قال ليها انا حزرتك قبل كده بس هسي ما عندنا حل غير ننزلو بس أمي أصَرت أنها تنجبُو 😓 قال ليها خلاص عندك خيار واحد إني اكتب ليك تقرير وتسافري توضعي في السعوديه هناك في دكتور متخصص في الحالات دي وبرضو فيهو خطوره عليك 😓 بس لو نزلتي أحسن قالت ليهو كيف انزل روح ربنا كتب ليها انها تنبض 😓 قال ليها بس ربنا ما امر بالهلاك ومسموح لينا لو حياة الام فيها خطر ممكن نتخلص من الجنين وبعدين حملك ده يا دوووب عباره عن دم لسه الطفل ما اكتمل ح ينزل عادي من غير تعب ✋ قالت ليهو في الآخر ده قطعه مني بس اكتب لي تقرير للسعوديه 😊 الدكتور كتب ليها التقرير واداها حبوب للإجهاض قال ليها فكري علي راحتك واتخزي قرارك وديل الخيارين بين يدك ✋ امي بعد طلعت من الدكتور " عفاف قالت ليها ح تعملي شنو يا ساميه 😢 امي قالت ليها ولا شي كلو بيد ربنا بس الكلام ده يفضل بينا صلاح ما يعرفو 😔 عفاف قالت ليها بس انتي كده بتخاطري بحياتك يا ساميه نزليهو واحمدي ربك انو عندك شجن وربنا يحفظها ليك 😘 امي قالت ليها لم ربنا كاتب لي اجيب ليها ونيس انا منو عشان امنعو يجي 😔 عفاف قالت ليها خلاص اضربي لـ سماح اختك كلميها ترسل ليك توضعي معاها ✋ ردت ليها هناك ربنا وهنا ربنا وبعدين سماح ما قصرت معاي في ولادة شجن مافي داعي اتلتلها معاي للمره التانيه 😓 طبعا انا ولدوني في السعوديه في مستشفى الملك فهد وعشان حالة امي اشرفو عليها اكبر الدكاتره " حقيقه وبدون شك إنو هناك ربنا وهنا ربنا بس امي نست انو هناك في احسن الدكاتره 😔 المهم امي رجعت البيت واتخزت قرارها وبعد 5 شهور رجعت المستشفى وحتي الدكتور اتفاجأ لم شافها لسه حامل 😱 قال ليها يعني إنتي مُصّره قالت ليهو اي ✋ كتب ليها حبوب وقال ليها ترتاحي راحه تامه ولازم تجي شهري للفحص وبعد رجعت البيت كلمت ابوي والفرحه ما كانت سايعاهم الإتنين وخاصه لم عرفو نوع الطفل ولد 😍 وفرحة امي اكبر عشان حققت امنية ابوي بس للأسف كان علي حساب صحتها 😢✋ وكل ما الجنين يكبر هي كانت بتتعب أكتر 😭 ورفضت تضرب لـ خالتي في السعوديه تكلمها بالحمل عشان ما ترسل ليها الزياره وكانت بتشتغل في البيت عادي ولم تتعب ترقد وتقوم تاني تواصل شغلها ما كانت بترأف على نفسها 😰 ومن الشهر التامن كانت راقده مستشفي 😭 وفي بداية الشهر التاسع تعبت الدكتور قرر ليها عمليه ولاده مستعجله وكتبها تعهد لو حصلت ليها اي مضاعفات هي المسؤوله ✋ وفعلا كتبت التعهد ودخلوها العمليه والحمدلله جابت ولد 😍 بس للأسف مع صرخة الطفل كانت الفاجعه لم الدكتور جا طالع وقال ساميه ربنا يرحمها اتوفت ما قدرنا نسعفها 😔✋ والخبر كان صدمه لكل زول ومافي واحد مصدق الخبر 😭 "" والبیت بدل یتفتح للفرحه ومباركة المولود اتفتح للعزاء واصوات البكا وانا كنت ببكي مع الناس 😭 ولم اتوفت امي عمري كان 12 سنه يعني كنت واعيه وعارفه إنو الميت ما بيرجع وانو تاني ما ح أشوف امي بس لمة الناس حولي خففو علي وجعتي 😢 وابوي اتصل علي سماح خالتي في السعوديه كلمها بالفاجعه 😔 واليوم التاني وصلت في اول طياره للسودان ولحدي ما وصلت البيت ما مصدقه الخبر 😰 وكانت متوقعه انو گـ العاده ح تلقي اختها وتستقبلها بالأحضان ويساهرو كل الليل في الونسه والضحك ✋ بس للأسف بعد وصلت اتأكدت انو الخبر حقيقه 😭 وفضلت حاضناني عليها شدييييد تبكي وتقول ليييه يا ساميه ما كلمتيني عشان ارسل ليك ليييه يا ساميه تعملي كده 😭 نطت عفاف جارتنا قالت ليها وهي بتبكي لو عارفه بحصل ليها كده كان اتصلت عليك انا وكلمتك " والاتنين طول اليوم دموعهم ما وقفت 😭 وعماتي يعاينو ليهم من فوق لـ تحت 😒 التقول الـ ماتت دي ما مرت اخوهم مع انو امي كانت بتعاملهم أحسن معامله 😏 طبعا عندي عمتين وحده اسمها نفسيه ساكنه في شندي شغاله استاذه و التانيه اسمها ناهد ساكنه في امدرمان وربة منزل بس عكس خالتي من حيث العطف 😔 وشويه شويه الناس بدأت تخف من البيت ورجع زي الأول وفضلو معاي خالتي وعماتي ما عدا أمي المفقوده طبعا الطفل من إتولد في الحضانه عشان بنيتو ضعيفه 😔 وابوي وخالتي يومي بيمشو يتطمنو عليهو في المستشفي وابوي سماهو محمد ودي كانت امنية امي الاخيره 😢✋ وبعد اسبوع خالتي جبرتني أنزل المدرسه وكانت بتحاول تعمل كل ما يطلع بيدها عشان ما تحسسني بغياب امي 😭 لدرجة لم ما يكون عندي مزاج للأكل وأكون شبعانه اول ما يجيبو الصينيه واقول ما عايزه من غير ما تجبرني علي الأكل أو تستشيرني كانت بتطلب لي دليفري ولأ بتلبسني وتطلب ترحال وتسوقني مطعم نتغدا برا ونجي راجعين 😍 وطبعا عماتي الوضع ده ما عاجبهم كأنو هم البدفعو القروش 😏 في يوم بعد طلعنا اتغدينا وجينا راجعين مبسوطين 😍 نطت نفيسه عمتي قالت لـ سماح خالتي ما تخربي طبع البنت وانتي مصيرك تسافري وتخليها وابوها ما عندو استطاعه يعمل ليها البتعملي ده عشان كده خليها تعيش واقعها من هسي 😒 خالتي قاطعتها قالت ليها والقال ليك منو اني ح افترق منهم 😏 عمتي قالت ليها قصدك شنو يعني ح تلغي سفرك وتقعدي معاهم 😒 قالت ليها لسه ما حددت اعمل شنو بس اولاد أختي بقو أمانه في رقبتي 😏 عمتي غلبها ترد ليها ✋ ومر شهر علي الحال ده ولسه محمد اخوي في الحضانه وكل البيت كان متوتر انو تحصل ليهو حاجه ويكون كدا حلم امي اتحطم 😔 لحدي ما يوم الصباح حوالي الساعه 7 صباحا اتصلو ناس المستشفي علي ابوي 😓✋ "
يتبــــع ⏪⏪⏪⏪
