وانا في الغرفه جاتني ساره قالت لي شجن في ديف تهت منتزرك ✋ قلت ليها قصدك انا ولأ لـ سامر قالت لي ليك انت طبعا استغربت 😳 لأنو ما عندي زول بجيني غير محاسن وعماتي واستحاله يكون ديل هم 😓 نزلت تحت واتفاجأت بخالتي جات من السعوديه حضنتها وببكي من الفرحه ما مصدقه شوفتها بعد المده دي كلها 😍 بعد شويه جا سامر سلم عليها وعرفتهم علي بعض لأنو دي اول مره يتلاقو قعد اتونس معانا ولميس واقفه بعيييد خالتي ناولتها كيس هدايا قالت ليها لميس تعالي ده حقك 😊 وطبعا لميس شغاله تعاين ليها وساكته دايما حارجاني بعدم فهمها للكلام 😒 لحدي ما ترجمت ليها وبعد ده كلو قالت لي ما عايزه 😓 بس سامر جبرها تشيلو لميس شالت الكيس وقالت ليها Thank's ماما سهير قالت لي ياشجن تاني اتكلمو معاها عربي كتير عشان تفهم 😊 نط سامر قال ليها اصلا فضل شهرين ونرجع يعني ح تحفظ كلمتين بالعربي ح نرجع ح تنساهم يبقي مافي فايده 😓 قالت ليهو لا حتي في امريكا اتكلمو معاها عربي عشان تتعلم اللغتين قلت ليها ان شاء الله 😊 وحمودي بيلعب مع اولاد خالتي ولميس واقفه بعيييد وشغاله تحمر لـ حمودي نظام ما يلعب معاهم 😠 قلت ليها امشي ألعبي بس رفضت خالتي قالت لي بنتك لسه منكمشه من الناس عشان مقفوله في البيت حاولي اطلعي بيها كل فتره 😊 قلت ليها أكيييد واتفقنا يوم الجمعه يكون يوم ترفيهي بعد خالتي طلعت سامر قال لي خالتك اصلا ظريفه كده 😍 ولأ زي محاسن بتمثل الظرافه قلت ليهو بالعكس خالتي دي عسل زي امي ورجعت بالزكريات ودموعي نزلت حضني عليهو وفضل يطبطب علي قال لي ربنا يرحمها 😘 شجن ح تكلمي محاسن بالرحله صح قلت ليهو اكيييد قال لي براڤو عليك 😘 عشان خاطر مصعب وأحمد ما عندهم ذنب ويتعرفو كلهم علي بعض وفعلا يوم الجمعه اتلاقينا كلنا في الحدائق والونسه كانت ظريفه 😍 لحدي ما جات لميس قالت لي
Mam I Want to play this game
وأشرت لي علي اللعبه قلت ليها : No
Why No : قالت لي
قلت لیها :
Because she dangerous
قالت لي :
Not dangerous Not dangerous
بتقول كده زعلانه وبتضرب برجلها في الأرض
قلت ليها :
I sayed No " this the last my words
قالت لي : I hate you Mam
قالت كده بأعلي صوتها فضحتني في تربيتي ليها الحيوانه 😅
قلت ليها بصوت حااااد
lamees you are very bad and you are not my daughter
جات حضنتني وقالت لي
I' m Sorry - I'm very Sorry Mam
قلت لازم احسسها بتأنيب الضمير بعد ما فضحتني جنب محاسن 😅 عشان تاني ما تكررها قلت ليها
But I dont not forgive you for your actions and go away from me
وفعلا اتسحبت مني براحه وتاني ما شفتها ومرت ابوي منططه عيونها وفاتحه خشمها وبتسمع في نقاشنا 😳 بقلبي قلت يا شماتت محاسن فيني بس سألتني قالت لي لميس مالها زعلانه وبتبكي عايزه شنو قلت الحمدلله إذا ما فهمت حاجه من كلام لميس 😅 قلت ليها عايزه ابوها قالت لي اجييي وده سبب يخليها تبكي وترطن قدر ده ابوها هسي بجي 😏 وبعدها واصلنا في الونسه مع خالتي ونسيت الموضوع وكل الشفع كانو بلعبو حولينا الأ لميس 😓 قلت اكيييد مع ابوها فجأه لمحت سامر جايي من بعيد بعد وصل وعايز يقعد قلت ليهو سامر وين لميس 😳 قال لي ما معاي انا خليتها معاكم هنا 😓 قلت ليهو لا لحقتك وبدينا نبحث عنها والحديقه كبيره وانا من عرفت انها مفقوده شغاله ابكي بس جيبو لي بتي انا عايزه بنتي 😭 نطت محاسن قالت لي من لحظه اتكلمتي معاها ومشت انا تاني ما شوفتها تكون زهجت وطفشت من كلامك 😏 خالتي قالت ليها ما تقعدي تنظري كده احسن تقومي تفتشي معاهم بدل كلامك ده 😒 وانا اتفقعت بالبكا قلت لـ خالتي كلامها صاح انا السبب بتي خلاص ضاعت مني 😭 خالتي قالت لي يا بتي اهدي وانتي ما عارفه طبع مرت ابوك بس تحب تشعلل النيران 😒 وبتك هسي بلقوها اها شوفتي ما قلت ليك هدا لقوها رفعت راسي لقيت سامر جايي شايلها جريت عليهم شلتها منو وشغاله ابوس فيها 😘 وابكي وهي تبكي وخالتي تهدي فينا قلت لـ سامر رجعنا البيت ما عايزه اقعد هنا 😭 محاسن قالت لي ما خلاص لقوها تاني في شنو عشان تمشي 😒 خالتي قالت لي اقعدي شويه روقي وبعدين امشي ✋ وهسي انتي زاتك بطلي بكا عشان بتك دي تسكت وناولتي مويه شربت قالت لي أسقي بتك قلت ليها المويه دي ما بتنفع معاها 😔 سامر مشى اتناول ليها موية صافي وطول الوقت ملاحظه لـ سامر بحمر لي ولم اتكلم معاهو برد لي بحده 😰 بعد خلاص
راجعين وأنا بودع في خالتي سامر مسك بنتو من يدها ومشو ناحيه العربيه فتح الباب لـ لميس عشان تركب بس اتشبكت عايزه تركب معاي قدام سامر نهرها بحده عشان تركب ورا 😡 قلت ليهو سامر الموضوع بسيط ما محتاج الإنفعال ده كلو خليها 😢 وشلتها في رجلي وطول الطريق سامر ساكت بس صاري وشو 😠 قلت يا ربي محاسن سمعتو كلمه كده ولأ كده اكيييد ح تكون هي السبب اصلو لسانها ده ما بتقدر عليهو 😓 قلت ليهو سامر في شنو عاين لي بطرف عينو وقال لي لم نصل ال بيت لأنو اكيد ما ح نتناقش جنبها 😒 وعاين لـ لميس ولميس حاضناني قوي بعد وصلنا لميس وحمودي نايمين سامر دخلهم غرفتهم وجاني في الغرفه انفعل فيني قال لي كيف تقولي لـ لميس كده 😡 افرضي انها طلعت الشارع وعملت حادث وضربتها عربيه لا قدر الله كنتي ح تستفيدي شنو 😠 ما رديت عليهو بس اتخيلت منظر الحادث والعبره خنقتني عايزه امشي قال لي ح ترتاحي منها صح ولأ عشان ما نزلتيها وهي في بطنك عايزه تتخلصي منها هسي 😒 طبعا اتصدمت من كلامو وقلت ليهو اكيد لا وما في ام بتتمني لـ بنتها الموت 😭 بس انا قلت ليها كده نتيجة زعله لم قالت لي انا بكرهك 😰 ودخلت قفلت نفسي في الحمام سامر قال لي شجن افتحي ما رديت عليهو اتحممت وكملت دموعي كيف سامر يقول لي كده 😭 بعد مسافه جيت طالعه بعد اتأكدت انو الغرفه فاضيه مشيت غرفة لميس رقدت جنبها وحضنتها علي جا سامر داخل شايل جك عصير غمضت عيوني جا باسني قال لي نور عيوني انتو وانا لسه مغمضه قال لي بطلي غتاته واصحي اشربي العصير ده 😒 قلت ليهو ما عايزه رفع راسي بيدو قال لي قبل كده اتفقنا لم يكون في نقاش تناقشي ما تهربي صح 😒 قلت ليهو بس حاليا مافي نقاش وما عايزه افتح الموضوع ده تاني 😔 قال لي روحي انا والله ما قصدي أجرحك بالكلام واستحاله لميس تقول ليك كده قلت ليهو صح انا كضابه 😓 قال لي ما قصدي انتي كضابه قصدي تكوني فهمتيها غلط ✋ قلت ليهو صح فهمتها غلط طيب فسر لي انت معني
I hate you Mam
قال لي هي قالت ليك كده 😱 والله لو كنت حاضر كان ضربتها حضنت لميس علي زياده في اللحظه دي اتزكرت مآساة طفولتي وقلت ليهو اوعك تفكر تعمل معاها كده 😒 قال لي انتي عارفه الضرب ارحم من الكلام القلتي ليها على الأقل الضرب اثرو بروح لكن الكلام برسخ في الزهن ما بتنسي وخاصه وهي طفله ✋ عارفه لم حمودي وصف لي مكانها ومشيت عشان اجيبها لقيتها ح تموت من البكا واول ما شلتها وقلت ليها نمشي لـ ماما قالت لي ماما لااا ماما مابتحبني ماما قالت انا ما بتها ده السبب الزعلني 😔 بس ما كنت عارف سببك شنو ولو ختت في راسها انك بتكرهيها تاني مهما عملتي ما ح تقدري تقنعيها بـ حبك ليها 😓 في اللحظه دي حضنت لميس علي شديييد قال لي حنوني انا يلااا قومي اشربي العصير ده عشان ننوم لأني بالجد تعبان قلت ليهو والله ماعايزه قال لي معقول بعد تعبت وخلطو وجهزتو تقولي ما عايزه 😒 قلت ليهو يعني عملتو لي مخصوص 😏 قال لي لا عملتو لـ بتي النايمه 😅 يلااا قومي قلت ليهو اول عندي سؤال لم انت ماسك قصة الاجهاض في قلبك الفتره دي كلها لييه رفضت تفتح معاي الموضوع في لحظتها قبل 3 سنين وقلت لي ننسى الماضي 😓 قال لي ""
يتبــــع ⏪⏪⏪⏪
