يوم الساعه 3 صباحا صحيت سامر من أحلي نومه وانا ببكي قلت ليهو سامر بطني وماسكاها بيدي وببكي 😭 سامر صحى مخلوع بعد عرف بحاول يلبسني التوب قال لي شجن حاولي اهدي كده بتوتريني معاك 😰 قلت ليهو اهدأ شنو انا عايزه اموت 😭 وسامر طلب الإسعاف وصلنا المستشفي ركبو لي درب وبعد الدكتور كشف علي قال لـ سامر تعال معاي خارج الغرفه وعاين لي نظام ما عايز يتكلم جنبي 😓 سامر قال ليهو اتكلم عادي ما ح تفهمك طبعا كل الحوار ده بالإنجليزي الدكتور قال ليهو حياة الطفل في خطر لأنو نبضو ضعيف نهاية الدرب ده لو ما جاها وجع ح ندخلها عمليه ✋ طبعا سامر بسمع فيهو ومصدوم بعد الدكتور طلع سامر جا قعد جنبي وانا دموعي جاريه 😭 مسحها لي قال لي متألمه قلت ليهو الدكتور قال ليك شنو قال لي الدكتور قال بعد شويه ح تشيلو الطفل في حضنكم 😘 قلت ليهو ما تكذب علي انا فهمت كلامو قال ليك حياتي في خطر صح 😭 طبعا سامر اتخلع قال لي شجن انتي فهمتي ترجمة كلامو 😳 قلت ليهو اي قال لي بس فهمتي جزو من الكلام ما حياتك انتي حياة البيبي الـ في خطر 😢 قلت ليهو ده كلو بسببك عشان قلت جا عن طريق الغلط 😭 عشان كده ربنا ح يشيلو مننا وفضلت اضرب فيهو وانا اصلا ما عندي قوه سامر دموعو نزلت وقال لي ان شاء الله ما ح يحصل ليهو حاجه 😔 وضماني عليهو وبعدها حسيت بألم شدييييد وفضلت اصرخ نقلوني لغرفة الولاده وسامر اصر انو يدخل معاي ✋ بعد ساعه فتحت عيوني لقيت سامر قاعد جنبي اول ما شافني باسني في راسي وقال لي حمدلله علي السلامه 😘 وناولني الطفل قال لي جبتي بنوته زي القمر شلتها في حضني وانا ما مصدقه قلت ليهو معقول دي بنتي 😍 باسها في راسها قال لي لا دي ما بنتك اسمها بنتنا 😘 وطبعا سميناها لميس بعد طلعنا البيت هبه ما قصرت معاي وطبعا سامر طول اليوم بيلعب مع لميس بس اول ما تبكي بقول لي تعالي امسكي بنتك دي وينكر انو ابوها 😂 وعدت سنه وكل ما اقول لـ سامر نرجع السودان بقول لي لميس لسه صغيره ما بتستحمل السفر الطويل ✋ بعد سنتين أصّريت عليهو اننا نسافر قال لي ح اقدم طلب اجازه وفعلا قدم الطلب بس رفضو وقال لي ما عندي اجازه الإ بعد سنه قلت ليهو استحاله اقعد تاني سنه 😭 قال لي طيب ح تقدري تسافري براك مع لميس والسفر طويل 😓 قلت ليهو اي بقدر قال لي خلاص بكره ح امشي اشوف ليكم طريقه حجز واصلا بقيتي تعرفي تتخاطبي بالإنجليزي طبعا بقيت اتكلم بـ طلاقه 😂 وانا من الفرحه ما فضل لي الأ انطط 😍 واليوم التاني سامر من الصباح ماسك لميس ويقول ليها يرضيك يا لميس تمشو تخلو بابا هنا براهو 😔 ويعاين لي قلت ليهو سامر ما تحنن قلبي عليك اي يرضيني قال لي قاااسيه ناولني لميس قال لي طيب يرضيك تبعدي بنت من ابوها 😒 قلت ليهو برضو يرضيني باسني في خدي وقال لي الله يسامحك 😓 خلاص حضري حالك من الشغل ح امشي اعمل ليكم الإجراءات وطلع وانا هنا بديت اجهز للسفر قلت ليها اخيرا يا لميس ح تمشي تشوفي حمودي وجدو 😍 طبعا لميس عمرها سنتين " الضهر سامر جا راجع من الشغل بدري اتخلعت قلت ليهو مالك 😳 ولأ جايي تقعد تشبع من بنتك ابتسم ودخل الغرفه من غير ما يتكلم معاي بس لاحظت انو ما طبيعي دخلت وراهو الغرفة قلت ليهو مالك قال لي عندي لفة راس عملت ليهو عصير والمسا جسمو سخن شديييد 😰 عملت ليهو مكمدات والليل كلو ما قدر ينوم والصباح كان تعبان غالبو يقوم من السرير 😢 قلت ليهو سامر امشي الدكتور ما ممكن تقعد كده 😰 قال لي بمشي بعدين بس انتي عايزاني امشي الدكتور ولأ امشي احجز ليكم التزكره بس ما تخافي انا عند وعدي ليك صح انا ما بقدر امشي احجز ليكم لكن ح اتصل علي عمار هو الـ ح يحجز ليك ✋ وفعلا اتصل علي عمار بقلبي قلت هسي يا شجن لو سافرتني وسامر حصلت ليهو حاجه وإنتي بعيده ح تستفيدي شنو 😰 سامعه سامر قال لـ عمار عايز منك طلب نطيت انا قلت ليهو سامر نحن ما مسافرين طبعا بعاين لي بإستغراب والخط فاتح 😳 قلت ليهو ح نقعد معاك وبعد سنه نسافر كلنا مع بعض ✋ قال لي عمار اقفل دقيقه وبرجع ليك بعدين وبعد قفل قال لي شجن انتي جاده ولأ انا سمعتك غلط 😍 قلت ليهو بس توعدني انو نقعد كتير في السودان قال لي تعالي مد لي يدو قعدت جنبو قال لي اوعدك المره دي نقعد 3 شهور تمام كده ✋ وفعلا فضلت احسب في السنه لحدي ما انتهت وبكره سافرنا السودان واول ما وصلنا مطار الخرطوم استقبلنونا عمي عبدو و حمودي ما صدقت شوفت حمودي وحضنتو بعد 3 سنين 😍 ركبنا العربيه انا وحمودي ورا ولميس قالت عايزه تركب قدام مع ابوها بس كل مره كانت بتتلفت تحمر لينا 😠 وانا ما كنت ملاحظه ليها وشغاله بتونس مع حمودي قلت ليهو ما شاء الله كبرت ربنا يحفظك وبوستو في خدو وضميتو علي 😘 لميس قالت لـ ابوها عايزه تقعد معاي ورا وفعلا جاتني وراء وقعدت في رجلي قلت ليها لميس اقعدي جنبي هنا قالت لي بحده No 😡 وفضلت قاعده في رجلي وصاره لـ حمودي وزحت يدو مني وحمودي بدأ يتونس معاها بس هي ما بترد وصاره ليهو وشها 😠 قلت ليه و حمودي لميس ما بتفهم عربي واتفاجأت انو حمودي بتكلم معاها انجليزي قلت ليهو حمودي اتعلمت الإنجليزي ده وين 😳 قال لي في المدرسه قلت ليهو باستغراب معقول المدرسه اتطورت وبدرسوكم المخاطبه في الصف الأول 😳 نط سامر قال لي انتي ح تقعدي تحققي معاهو 😓 وصلنا البيت وماما سهير وعمو ما صدقو شافو لميس كل مره يشيلها واحد وهي منكمشه منهم في الأخر جات حضنتني عشان ما يشيلوها حمودي قال لي شجن لميس ح تقعد معاي في غرفتي صح 😍 بقلبي قلت ليهو انت متين جيت عشان تعمل لروحك غرفه هنا 😓 ماما سهير قالت ليهو اكيييد بتقعد معاك وحمودي بدأ يتكلم مع لميس بالإنجليزي كل مره كنت بتفاجأ بطريقة كلامو 😳 قلت ليهو حمودي انت بتقرأ في ياتو مدرسه 😊 قال لي كامبردج قلت ليهو بخلعه شنووو 😱 بقلبي قلت ابوي جاب القروش الكتيره دي من وين 😳 نطت ماما سهير قالت لي بعد انتي سافرتي وحمودي رجع بيتكم البيت هنا بقي مسيخ 😢 وخاصه اننا اتعودنا علي وجودو عشان كده عبد الفتاح طلب من ابوك انو نمسك حمودي معانا في البيت بس ابوك رفض واتصلنا علي سامر عشان يقنعو وفعلا بعد تعب سامر اقنعو ومسكنا معانا هنا والله زي ولدنا 😍 وسجلنا في المدرسه قلت ليها بصدمه يعني حمودي قاعد معاكم هنا وسامر كان عارف 😳 قالت لي اي بقي خلاص ولدنا وما بنقدر نستغني عنو انتي سامر ما كلمك 😊 طبعا من ناحيه كنت فرحانه عشان اتخلص من معاملة محاسن وإنو ح يتعلم أحسن تعليم 😍 ومن ناحية تانيه كنت زعلانه هم علاقتهم شنو عشان يصرفو عليهو 😔 عشان كده لم سألت حمودي في العربيه من اسم المدرسه سامر قطع كلامي ولم حمودي بقول غرفتي افتكرتو بهظر بس فعلا عندو غرفه منفصله 😍 واول ما دخلت الغرفه قلت لـ سامر ليييه ما كلمتني انو حمودي قاعد هنا 😒 قال لي حبيت اعملها ليك مفاجأه 😊 قلت ليهو وليييه تصرفو عليهو انتو قال لي والـ قال ليك منو نحن الـ بنصرف عليهو كل مصاريفو من الشركه يعني انتي البتصرفي عليهو ✋ قلت ليهو سامر انت عارف الشركه دي حقتكم انتو واسمي بس علي الورق قال لي الموضوع ده منتهي وما عايز فيهو مناقشه وبالمناسبه أبوك زاتو إشتغل في الشركه 😊 قلت ليهو شنووو وعارف انها بـإسمي 😱 قال لي لسه قلت ليهو بتمنى ما يعرف لأنو لو عرف ما ح يرضى يشتغل عزة نفسو فوق كل شي 😔 قال لي لو كده اطمني ما ح يعرف وباسني في خدي وطلع 😘 اليوم التاني صحيت بدري بس سامر ولميس في سابع نومه من تعب السفر نزلت اصبح علي ماما سهير واول مره اشوف حمودي وهو ماشي المدرسه 😍 الساعه 10 لميس صحت وجات نازله باستني وقالت لي
good morning Mam
وقعدت جنبي ماما سهير قالت ليها لميس تعالي سلمي وكانت منكمشه وبتعاين لي 😓 قلت ليها لميس
And Your grandmother
وأشرت ليها عشان تمشي وفعلا مشت بس بطرف رجلها ومدت ليها يدها من بعيد ماما سهير شالتها حضنتها وباستها بهنا وبهنا 😘 وبسرعه لميس نزلت منها وجاتني شلتها في رجلي ماما سهير قالت لي لسه ما اتعودت علينا 😊 بعد ساعه نزل سامر صبح علي امو وباسها في راسها ومن غير خجل جا باسني في خدي جنبها قال لي اصبحتي كيف 😘 ياااخ في اللحظه دي اتمنيت لو الأرض تبلعني وبدل ارد ليهو صريت وشي 😒 بس هو ولا هامي شال بتو في رجلو بعد دخلنا الغرفه قلت ليهو بحده كيف تعمل كده جنب امك قال لي باستغراب عملت شنو 😳 أشرت ليهو علي خدي وقلت ليهو يااااخ دي خصوصيات تكون في الغرفه هنا 😠 قعد يضحك قال لي يا بنت خصوصيات شنو دي حاجه ايزي ما تتحسسي وجا تاني طبعها لي 😘 وطلع من الغرفه وفي يوم قعدت في الكنبه جنب ماما سهير قلت احسسو عشان يخجل ✋ واول ما جا نازل سلم علي امو في راسها وكالعاده باسني في خدي 😘 قال لي فاكره لو قعدتي جنب امي ما بعملها 😂 يعني كلامي معاهو لا حياة لمن تنادي 😒 ماما سهير قالت ليهو سامر ما تخجل البنت 😅 بس اعزريهو عشان ولدتو وربيتو في امريكا واشتغل هناك شال طبعهم سامر قطع كلامها قال ليها خليها يا امي بكره بتتعود يعني المغرور ما عايز يترك حركتو دي 😒 طبعا من يجي داخل بعد يسلم علي امو في راسها أمو بتغمض عيونها وتقول ليهو اهااا خلصنا نظام يسلم علي وهي مغمضه عشان انا ما اخجل زوله مرحه وعسسسسل ياااخ روحها شبابيه 😍 بس الحمدلله جنب ابوهو بحترم روحو بعد يومين لميس من الصباح تبكي زهجانه وقالت الأ نرجع امريكا 😭 سامر قال لي لميس غارت عشان لاحظت اهتمامك بـ حمودي عشان كده قالت لي نسوق ماما ونرجع 😅 قلت ليهو بس هي زاتها انا ما مقصره معاها 😓 قال لي حبيبي انا عارف بس لميس عشان في امريكا كانت ماخده كل الإهتمام بس هسي لقت حمودي قاسمو معاها عشان كده ما متقبله وجودو وقالت نرجع ✋ قلت ليهو انا زاتي محتاره بينهم بعد عرفت انها بتكره حمودي 😢 قال لي العصر بطلع بيهم الإتنين عشان اقربهم من بعض وفعلا المغرب طلعو بالعربيه قال عايز يلف بيهم ✋ واول ما طلعو جونا بنات اهل سامر يسلمو علينا اتزكرت كلام رزان عنهم لم قالت لي مكسرين في سامر وفعلا قاعدين لحدي الساعه 9 مساء منتظرين سامر يجي عشان
ي سلمو عليهو 😏 بعد نص ساعه سمعت عربية سامر وقفت وانا منتظره بفارق الصبر يجي داخل عشان يبوسني جنبهم زي ما بعمل جنب امو 😘 مغرزه ليهم بعد شويه جاتني لميس جاريه قالت لي ""
يتبــــع ⏪⏪⏪⏪
