يوم الساعه 5 صباحا صحيت بصوت ماما سهير تنادي في سامر بأعلي صوتها وسامر في سابع نومه صحيتو قام مخلوع قال لي في شنو 😳 قلت ليهو ما عارفه بس ده صوت ماما سهير وجرينا ناحية غرفتها كانت بتدلك لـ عمو عبد الفتاح في صدرو وشكلو تعبان 😰 سامر اسعفو للمستشفي عايزه اركب معاهم في العربيه بس ماما سهير منعتني قالت لي عشان الأولاد نايمين بعد يصحو وحمودي يطلع المدرسه ساره بتمسك لميس وانتي تعالي مع عبدو ✋ وانا بلبس في حمودي للمدرسه فجأه سمعت ساره تصرخ واااي بابا واااي بابا 😭 من غير ما اشعر نزلت تحت لقيت ولد عمتو لـ سامر ومرتو قاعدين في الهول يبكو 😭 وساره لسه تصرخ قلت ليهم في شنو المرا قالت لي انّا لله وانا اليه راجعون قلت ليهم لااا استحاله ما بصدق 😭 المرا لبستني توب من الخلعه ما كنت حاسه بروحي اني نازله بقميص النوم 😱 والبيت اتملء بالناس والصواريخ الضهر حمودي جا نازل قال لي شجن لميس نهرتو قبل مايتم كلامو قلت ليهو اطلع الغرفه فوق ما اشوفكم وسط الناس 😠 بعد شويه جاني راجع تاني قال لي شجن تعالي شوفي لميس بتعمل كيف 😰 قلت ليهو خليها ما تشتغل بيها ولو جيتني راجع تاني بضربك خالتو سماح طلعت معاهو الغرفه وجات نازله قالت لي شجن تعالي دقيقه ✋ طلعت معاها لقيت عمت سامر اسمها ليلي شايله لميس بترجف وبتصرخ قلت ليهم لميس مالها 😱 خالتو سماح قالت لي بري ما عارفاها لم حمودي اصّر أجي معاهو لقيتها كده 😢 قلت ليهم نادو ابوها يوديها المستشفى عمتو ليلي قالت لي بنتك ما عندها حاجه بس خافت من اصوات البكا شيليها احضنيها عليك ولو طلعتي بيها من البيت يكون احسن ✋ خالتو سماح قالت لي خلاص انا بسوقها معاي قلت ليها تمام عمتو ليلي طلعت وانا فضلت حاضنه لميس وهي لسه بتصرخ جات ماما سهير قالت لي لميس مالها 😱 قلت ليها ما عارفه بس بتصرخ 😭 شالتها وفضلت تقرأ ليها في راسها خالتي قالت لي خلاص انا ح اسوقها ✋ ماما سهير قالت لي انتي زاتك امشي معاها قلت ليها امشي كيف والناس قاعدين 😔 قالت لي يا بنتي الحصل حصل وهسي لميس اهم من الناس وانتي عارفه بنتك ما متعوده علي زول بعد تهدأ تعالي راجعه 😓 ماما سهير رسلت لـ سامر عشان يوصلنا بس جا عمار قال سامر لسه مصدوم ما متقبل وفاة أبو وحالتو ما بتسمح ليهو يسوق العربيه 😔 عشان كده ح اوصلكم انا ✋ ونحن طالعين الناس كلها كانت منتبهه معانا نتيجة صراخ لميس واي وحده كانت بتشخص صراخ لميس من راسها 😒 بعد وصلنا خالتي شالتها مني وفضلت تقرأ ليها في راسها لحدي ما هدأت ونامت 😓 اتسحبت منها براحه وجيت راجعه البيت وفضلت اطمن عليها بالتلفون 😔 خالتي قالت لي اليوم الأول فتشتك وبكت بس تاني إتعودت علي اولادي وبقت تلعب معاهم 😍 عدا إسبوع وإنتهت أيام العزا وسامر لسه قافل نفسو في الغرفه وما بتكلم مع زول 😢 ورافض الأكل الأ امو تحنسو وتقول ليهو لو ما اكلت انا ما ح اكل وانا بكون نايمه في حضنو زي النايمه جنب صنم 😔 ودايما مهموم وسرحان وحتي بنتو ما عارف انها مع سماح 😓 لحدي ما يوم سألني قال لي لميس وين ؟؟ قلت ليهو عند خالتي وحكيت ليهو الحصل يوم البكا قال لي ليييه ما كلمتوني 😒 قلت ليهو رسلت ليك بس انت ما جيت شوفتها 😏 قال لي اليوم ده كان اصعب يوم في حياتي ما كنت واعي بـ البحصل حولي وكنت بتمني اموت واحصل ابوي 😔 قطعت كلامو قلت ليهو ما تقول كده وخلي ايمانك بالله قوي حتي انا مريت بموقفك ده يوم وفاة امي 😢 وانت محظوظ قضيت حياتك كلها بين امك ابوك ولسه امك جنبك 😓 قال لي ما حياتي كلها اغلب حياتي كنت بعيد منهم 😔 قلت ليهو برضو تحمد ربك انك قضيت مع ابوك اخر ايام حياتو ويكفي انك عشت طفولتك مكتمله قدام عيونهم لحدي ما كبرت وكونت اسره ✋ بس الألم الحقيقي لم تفقد امك بين يوم وليله وحياتك تكون مشتته بين خالتك وعمتك وفي الاخر تعيش في جحيم مع مرت ابوك 😭 وتضطر انك تترك دراستك عشان تتحمل مسؤوليه طفل عمرو سنه عشان تكون ليهو گـ أم و كل صباح تكون شايف الـ في عمرك ماشين المدرسه وانت قاعد تغسل العده بتكلم كده دموعي نزلت 😭 سامر مسحها وحضني عليهو شديييد وقال لي خلااااص اسكتي ما تكملي 😢 ودي اول مره اتكلم مع سامر عن حياتي الخاصه ✋ قلت ليهو اوعدني انك تكون قوي عشان خاطر امك المسنوده عليك قال لي حاضر 😘 اصبحنا اليوم التاني بنتونس انا وماما سهير جات لميس جاريه ماما ماما وحضنتني قلت ليها حبيبتي انتي 😘 سلمت علي حمودي وقلت ليهم جيتو مع خالتو سماح سامر جا داخل قال لي لا مشيت جبتهم انا خلاص يرجعو كدا كفايه ✋ وعدا شهر ماما سهير قالت لـ سامر فضل ليكم إسبوع وترجعو امريكا ولسه ما عملتو اجراءات السفر 😢 قطع كلامها قال ليها بس نحن ما مسافرين ✋ امو قالت ليهو كيف ما راجع وشغلك 😱 قال ليها ح اشتغل هنا في الشركه قالت ليهو لو لغيتو السفر عشان تقعد معاي سافر وانت متطمن قاعده معاي ساره والأهل كلهم حولي ✋🏻 قال ليها ده قراري الأخير اني ح استقر هنا وما ح اسافر الأ لتجديد
ال جوازات وطلع الغرفه ماما سهير قالت لي يا بتي اطلعي اقنعي ما يضيع شغلو 😔 وفعلا طلعت وراهو واول ما دخلت الغرفه لقيتو قاعد في الكرسي ومنزل راسو في يدو قلت ليهو سامر رفع راسو قال لي عارف يا شجن المفروض استشيرك قبل ما اتخذ القرار ده بس ما عندي حل تاني استحاله اترك امي 😔 وقبل ما يتم كلامو دموعو نزلت قلت ليهو اصلا ده احسن قرار تتخزو ✋ قال لي يعني ما زعلانه قلت ليهو بالعكس 😍 في يوم لميس جات داخله الغرفه قالت لي ماما لبثيني بثلعه قبل بابا يجي 😓 قلت ليها انتي زعلانه من بابا قالت لي لااا قلت ليها طيب ليييه ما عايزه تقابلي 😓 قالت لي عثان بابا لم يبوثني بيألمني هنا واشرت لي علي خدها قعدت اضحك قلت ليها كيف يعني بيألمك 😅 قالت لي ده واشرت لي علي مكان اللحيه بقلبي قلت ليها والله كلنا مؤلماني بس نعمل شنو 😔 طبعا من اتوفى عمو عبد الفتاح ما حلق لحيتو و شكلو اتغير بقى عامل زي الـ عمرو 90 سنه 😔 سامر جا طالع من الحمام لميس مدت لي لسانها ونططت عيونها بطريقه ظريفه 😛 نظام اتفاجأت انو سامر في الحمام 😂 وجرت ليهو good morning بابا وسلم عليها في راسها بدل خدها قال ليها عشان عندي إلتهاب ما تشيلي العدوه 😘 بعد لميس طلعت قلت ليهو امشي الدكتور قال لي لا بمشي الصيدليه اجيب لي حبوب بس هسي طالع مع لميس مشوار وفعلا طلعو والضهر سامر جا راجع وكان مظبط لحيتو 😍 بعد سلم علينا انا من الفرحه قربت ارد ليهو السلام في خدو 😘 بس وجود ماما سهير منعني 😂 واخيرا رجع سامر المكسرني لدرجه نسيت أسألو من لميس وين 😳 امو قالت ليهو نعيما قال ليها نعم الله عليك 😊 وانا ساكته واول ما دخلنا الغرفه قلت ليهو لميس وين قال لي خليك من لميس الحلاقه دي ما عاجباك 😒 قلت ليهو بالعكس قال لي طيب ليييه ما علقتي عليها قلت ليهو اكيد جنب ماما سهير ما ح اقدر اعلق ليك 😅 بس الله يرضى عليك دايما خليك كده والحزن في القلب ما بالشكل وعمو عبد الفتاح غالي علينا كلنا والله عمرو ما بتنسي 😢 معالم وشو اتغيرت لحزن 😔 ندمت اني فتحت ليهو سيره ابوهو 😔 قربت منو وطبعتها ليهو في خدو قلت ليهو بس تجنن 😍 قال لي الحلاقه ولأ انا قلت ليهو ولا واحد قصدي الحلاق 😜 قربني منو وقال لي عينك في عيني طيب بتك رايها ح يكون شنو قلت ليهو بخلعه رأيها في شنو 😳 قال لي في الحلاقه قلت ليهو لميس لسه صغيره ما ح تفهم وعليك الله لميس وين 😳 قال لي بالمناسبه وانا في الحمام سمعت كلامها كلو قلت ليهو واكييييد ما زعلت منها صح 😊 قال لي معقول ازعل من طفله وبعدين كلامها الشجعني امشي احلق قلت ليهو طيب هسي وين قال لي مع حمودي 😊 قلت ليهو بخلعه في المدرسه 😱 قال لي اي بدل كل يوم الصباح تمد بوزه زعلانه عايزه حمودي يقعد معاها تاني هي الـ ح تمشي معاهو سجلتها في الحضانه علي الأقل نفضى لبعض شويه 😉 وأنا عشان أغير الموضوع قلت ليهو جبت حبوب الإلتهاب قعد يضحك قال لي والقال ليك منو عندي إلتهاب قلت ليهو انت 😳 قال لي لا ما عندي بس الصباح قلت كده عشان ما اسلم علي لميس في خدها وقالت بيوجعها 😊 طبعا من غير ما اشعر بعد عرفت تصرفو ده حضنتو ياااخ عندو حنيه مبالغه 😍 وكل مره كنت بكتشف فيهو صفه جديده لميس جات راجعه من الحضانه وهي مبسوووطه واتفاجأت لم شافت ابوها وكل مره تقول لي ماما بابا كده حلو 😍 طبعا ما قادره تعبر عن الحلاقه 😅 قال لي بتك منها خوف بقت تفهم وتتكلم عربي طبعا زمان لو عايزين نتكلم جنبها من غير ماتفهمنا كنا بنتكلم بالعربي حتي سامر كان بيشاغلني ويتغزل فيني قدامها وهي ما فاهمه حاجه بس هسي بقت تفهم الكلام 😂 طبعا محاسن وعماتي بعد إتزوجت معاملتهم معاي اتغيرت 360° فجأه بقو يحبوني لحدي ما يوم اتصلت علي محاسن وقالت 😭 ""
يتبــــع ⏪⏪⏪⏪
