النقاش ده كلو وانا بعاين ليهم وساكته ماما سهير قالت ليهو خلاص نسمع رأي شجن والـ بتقولو هي يتنفذ ✋ واتلفتت قالت لي اها يا بتي انتي رايك شنو وسامر يحمر لي نظام قولي ح تسافري معاي 😒 قلت ليها الـ بتشوفو إنتو صاح انا بعملو 😔 ودخلت غرفتي سامر جا محصلني قال لي افهم من تصرفك ده انك عايزه تقعدي هنا 😠 قلت ليهو انا هسي فتحت خشمي بحاجه قال لي طيب انتي رايك شنو قلت ليهو من متين انا عندي راي انا من صغيره اتعودت انو يدوني اوامر وانا انفذها ودموعي نزلت 😭 طبعا من نفسنة الحمل 😅 قال لي من غير ما تبكي وهسي الـ عايزه انتي هو الـ ح يحصل قلت ليهو عايزه أقعد 😢 قال لي راحتك قلت ليهو وانت قال لي انا ح ارجع ✋ يوم صحيتو نص الليل قلت ليهو سامر قال لي بخلعه شاعره بحاجه قلت ليهو لا بس مسافره معاك 😊 قال لي خلاص قومي اجهزي قلت ليهو سامر انا جاده قال لي شجن مصحياني الساعه 2 صباحا عشان تقولي مسافره معاي ولسه قدامنا شهر 😒 قلت ليهو بس انت بكره ماشي تقطع التذكره حضني عليهو قال لي نومي ونتفاهم بكره ✋ والشهر انتهى وعدى زي الرمشه وخلاص بكره راجعين امريكا وفضلت طول الليل حاضنه حمودي وببكي 😭 سامر قال لي شجن تاني بقول ليك لو عايزه تقعدي هنا والله انا ما برفض وهسي ح اشرط التذكره اصلا عباره عن ورقه اها تقعدي هزيت ليهو راسي لا 😔 جا قعد جنبي قال لي طيب البكا شنو حبيبتي اتأكدي انو حمودي هنا في امان والله لو في طريقه كان سوُقنا معانا بس اوعدك المره الجايه نحضر ليهو اوراقو ونسوقو قلت ليهو بالجد قال لي وغلاوتك عندي 😘 الصباح بعد اتجهزنا وخلاص طالعين حمودي كان نايم وغلبني أصحي عشان أودعو 😭 سافرنا وصلنا أمريكا اليوم التاني بعد وصلنا جانا عمار يسلم علينا سامر قال ليهو شجن وطارت منك بس لو عايز ممكن افتش ليك عروس قال ليهو لو بنفس مواصفات شجن ما عندي مانع 😍 سامر ضربو 👊 قال ليهو بتتغزل في مرتي قدامي وبعدين ما بتلقي زيها دي نوعها نادر وضماني عليهو خجلني ياااخ 🙈 فكيت يدو من خصري عمار قال ليهو والله من الاول دي كانت خطه استحاله اعاين لمرتك حتي لو كنتو لا قدر الله ح تنفصلو بس دي كلها خطه عملناها انا وهبه عشان نقربكم من بعض ونجحنا فيها 😍
المساء بعد عمار طلع سامر قال لي رايك شنو ندردش شويه عن احلامنا طيب بالنسبه لإنو زواجنا تم ضد رغبتنا انتي كنتي بتتمني شريك حياتك يكون كيف 😊 قلت ليهو كنت بتمني يجي زي الأمير سايق حصان ابيض قال لي شجن خليك جاده كنتي بتتمني شكلو يكون كيف يعني احكي بكل اريحيه عادي والله واطمني دي مجرد دردشه ✋ يلا أبدي قلت ليهو كنت بتمني يكون ملتحي قال لي احم احم ومسح لحيتو 😅 قلت ليهو يكون عندو غمازات طبعا الإبتسامه جراها للضرس الأخير عشان تظهر مع انو في اقل ابتسامه بتظهر 😍 قلت ليهو بالمناسبه انت عندك وحده وانا كان نفسي تكون بالجهتين قال لي ما مشكله التانيه بقدها براي 😌 يلا واصلي قلت ليهو يكون لونو أسمر قال يا سلاااام يا سلاااام ماشه كويس 😍 قلت ليهو ويكون مفتول العضلات قال لي ااااخ خربتيها بس ما مشكله بدخل صالة رياضه قلت ليهو وآخير كان بتمني يكون إسمو في اللحظه دي شغال يحرك في حواجبو مسكين فاكرني ح اقول إسمو قال لي اهااا تمي اسمو منو 😌 قلت ليهو إسمو إسمو ليث طبعا اتصدم ونطط عيونو وقال لي منوووو 😡 قلت ليهو ليث ومعاها إبتسامه 😊 قال لي وليث ده يطلع منو ان شاء الله 😒 قلت
ليهو فارس احلامي الـ فيهو المواصفات دي كلها 😍 قال لي ده حبيبك القديم صح 😒 قلت ليهو اكيييد لااا قال لي اتكلمي بصراحه والله ما ح ازعل بيحلف ومعالم الزعل ظهرت في وشو 😅 قلت ليهو والله ما بعرف واحد بالإسم ده واصلا ما لحقت عشت حياتي ولأ كملت تعليمي عشان اختلط بالناس واعرف يعني شنو الحب ويعني شنو حبيب 😔 والصفات الزكرتها دي كنت بوصف فيك واسم ليث قلتو من راسي قال لي والله اول مره أشكر ربنا انك ما كملتي تعليمك قلت ليهو ليييه 😠 مسح خدي وقال لي عشان اكون انا اول حب وآخر حب في حياتك ولأ عندك رأي تاني 😒 قلت ليهو غايتو آخر حب دي ما اظن قال لي شنووو 😡 قعدت أضحك قال لي بس اوعدك لو جبتي ولد ح نسمي ليث طيب انت ما عايزه تسأليني عن فتاة احلامي قلت ليهو لا ولويت خشمي 😏 قال لي ليييه 😳 قلت ليهو لأني عارفاها قال لي تكوني غلطانه لو فاكره اني ح اوصفك انتي 😅 قلت ليهو عارفه ما انا وعارفه مواصفاتها شنو 😒 وبعدين انت عارفها وانا عارفاها عشان كده مافي داعي 😏 قال لي لهجتك مالها اتغيرت بس عليك الله وصفيها لي قلت ليهو عيونها اخضر زي الكديس وشعرها لونو ذهبي زي عروس الألعاب وقوامها ضعيييييفه زي سلك الأقاشي ولونها أبيض زي بوهية المهندس وطبعا سامر شغال يضحك لحدي ما قلت ليهو وكمان إسمها كرستيانا اتخلع قال لي منووو 😳 قلت ليهو مالك اتخلعت الإسم غريب عليك وعايزه اقوم مسكني قال لي اول هسي مالك اتنرفزتي وتاني كرستيانا منو قلت ليهو صحبتك 😒 قال لي قصدك كرستينا وقعد يضحك قلت ليهو في الآخر عرفتها عايزه اقوم ضماني عليهو قال لي كلامك صاح بس لو كانت وافقت انها تدخل الإسلام طبعا انا ساكته وبحاول اتفكه منو وهو بيتكلم بكل برود ويتبسم 😒 قال لي ما بتقدري تقنعيها لي واصلا لسه عندي 3 خانات فاضيه وما تقدري تعترضي الشرع حلل لي أربعه ✋ قلت ليهو مبروك عليك الأربعه قال لي يعني ح تقنعيها قلت ليهو اكييد لااا لانو ما عايزه إتزوجها انا امشي اقنعها براك 😒 رفع راسي بيدو وقال لي لييه ما بتعايني في عيوني وانتي بتتكلمي وطبعها لي في خدي غيورتي انا 😘 والله العظيم كرستينا دي مجرد صديقه بس لو بتخليني اشوف عندك ملامح الغيره دي يومي مستعد اسكنها معانا في البيت صريت ليهو وشي 😠 قال لي صح عندي صديقات كتييير هنا والله مافيهم اي كلمه و وفيات وبالجد اخوات بس ما بينفعو للزواج وخليك متأكده انتي الأولي والتانيه والتالته والرابعه 😍 قلت ليهو طيب احكي لي عن فتاة احلامك قال لي والله ما عندي فتاة احلام لاني كنت شايل فكرة الزواج دي من راسي وكنت بعتبرو عباره عن وجع راس 😓 عشان كده لم جبروني عليك ما قدرت اتأقلم معاك بسهوله ولم امي تفتح معاي موضوع العرس كنت بهرب عشان كده جبرتني اتزوجك لانها فاكره اني ح اتزوج اجنبيه وكنتي انتي ضحية الزواج ده 😅 قلت ليهو طيب نظرتك للزواج هسي شنو قال لي اكييييد اتغيرت لانو بدل كنت بعتبرو وجع راس معاك انتي اتأكدت انو بالجد وجع راس يلا تعالي نومي لأنو بالجد راسي وجعني 😘 اليوم التاني سامر لسه مصدع وما نزل الشغل واتصلت هبه قالت جايه وفعلا وصلتني وأثناء ما بتتونس معاي وفاكره سامر في الشغل قالت لي بطنك ظهرت قلت ليها اي 😊 قالت لي البشوفك كان مُصره تنزلي ما يشوفك هسي متعلقه بيهو 😍 في اللحظه دي سامر طلع من الغرفه عايز يسلم عليها وسمع كل كلامها وكان واقف وراها 😔 وهي مواصله تتكلم قالت لي بالمناسبه الدكتوره الـ مشينا ليها دي اصلا ما عندها علاقه بالحمل دي صحبتي واخصائيه اطفال 😂 وكنا بنتونس عادي وبترجم ليك كلام من راسي والحبوب دي عباره عن فايتمين يعني اصلا ما كنت بسمح ليك تنزلي الحمل 😅 وانا غالبني أنبهها لأني لو عملت اي حركه عشان تسكت سامر ح يشوفني استسلمت للوضع وسكته 😢 سامر بعد سمع كلامها بدل يجي يسلم عليها رجع الغرفه انا كده اتأكدته انو عرف الحقيقه وفضلت تتونس وانا قلبي مشغول من ردة فعل سامر قلت اليوم ده ما ح يعدي علي خير وبكره ح يرجعني السودان بورقتي 😔 بعد هبه طلعت دخلت الغرفه من شوفت سامر دمعت رفع راسو عاين لي قال لي اها بتبكي مالك 😒 قلت ليهو والله دي كانت لحظة شيطان فكرت انزلو 😭 قال لي بتبرري لي ليييه هسي أنا سألتك قلت ليهو لا 😢 قال لي خلاص امسحي دموعك دي وبعدين ما ملاحظه لـ روحك بقيتي نكديه هسي البيبي يشيل هم يقول معقول اعيش مع ماما حياتها كلها نكد وبكا 😒 يلا اجهزي عشان نطلع من جو النكد ده قلت ليهو نمشي وين 😳 قال لي اي مكان قلت ليهو بس انت مصدع 😢 قال لي كنت مصدع وهسي كويس يلا اجهزي بسرعه لبست بنطلون وبلوزه والطرحه سامر جا داخل الغرفه قال لي ده شنو اتخلعت قلت ليهو شنو 😳 قال لي البنطلون ده ضاغط علي بطنك ما ح يريحك بدلي 😓 قلت ليهو بس ده اوسع بنطلون عندي قال لي اتصرفي قلت ليهو خلاص نلغي الطلعه ✋ قال لي يعني ما بتعرفي تتصرفي غير تلغي الـ مشي فتح الدولاب وطلع لي التوب قال لي ده مالو 😒 قلت ليهو بس انت قلت لي ما تلبسي توب هنا قال لي الوضع اختلف " وبعدين عشان نتفق ا نسي كل الفات من يوم امك اتوفت اعتبري روحك كنتي في غيبوبه وصحيتي هسي يعني حياتك ح تبدأ من يوم الليله واعتبري الفات كلو كابوس تمام ✋ هزيت ليهو راسي وقلت ليهو سامر ما عايز تقول لي حاجه بخصوص 😰 قاطعني قال لي ما بحاسبك علي حاجه ما عملتيها بس لو كان نزلتي الطفل عمري كلو ما كان ح اسامحك بس هسي اتفقنا ننسي الماضي ورانا تمام ✋ عيوني دمعت قلت ليهو تمام مسح دموعي قال لي حلاتو روحي وهي بتسمع الكلام 😘 يلا منتظرك في الصاله اجهزي سريع وفعلا جهزت وطلعت لقيتو قاعد في الكنبه وبأصبعين السبابه والوسطي بضغط في راسو بحركه دائريه ومغمض عيونو قعدت جنبو قلت ليهو سامر انت لسه مصدع ما شرطي نطلع 😰 قال لي عشان هسي قلت ليك حلاتو روحي راسك كبر وعايزه تنظري يلا قومي وفعلا طلعنا ودخلني الـ سينما نحضر فلم وطبعا ما مترجم وكمان مخيف 😰 غمضت عيوني مسكني من خسري وخت راسي في كتفو وحضني عليهو زحيت منو وقلت ليهو ماجنب الناس 😒 قال لي يا بنت دي امريكا يعني الحريه الشخصيه مافي زول هنا بسأل زول وعادي الأصدقاء هنا بمسكو بعض كده وبعدين انتي حلالي من ناحيه الاسلام 😘 حمرت وقلت ليهو يعني انت وكرستينا كنتو بتمسكو بعض كده 😠 حضني عليهو زياده قال لي ما تحاسبيني علي الفات وانتي عارفه ماضيني الاسود كلو بس اطمني عمري ما غلطت مع كرستينا او غيرها 😊✋ قلت ليهو انت هسي عزمتني عشان تجيبني هنا انت بتحضر وفاهم بس انا ما فاهمه حاجه 😓 قال لي مخصوص جبتك عشان تتعلمي اللغه طبعا حتي في البيت طول اليوم بتكلم معاي بالأنجليزي قلت ليهو ما معانا زول اتكلم عربي عشان افهمك 😔 قال لي لا ح اتكلم معاك بس انجليزي عشان انتي تتعلمي 😊 وبيرطن معاي ولم ما افهمو يمسكني من يدي ويسوقني يعلمني هو قاصد شنو وإشترى لي كتاب مخاطبه مبسط وساعدني في تعليمو وشويه شويه إبتديت أفهم 😌 وقلت لـ سامر لااازم تدخل معاي غرفه الولاده ما تخليني مع الكفار ديل براي 😰 قعد يضحك قال لي ما براك ربنا معاك قلت ليهو ونعم بالله بس انا بخاف قال لي خلاص بحاول 😘 يوم الساعه 3 صباحا صحيت سامر من أحلي نومه وانا ببكي قلت ليهو 😭 ""
يتبــــع ⏪⏪⏪⏪
