محاسن جات تسلم علينا واثناء الونسه قالت لي تاني ارتحتي من الهم لا ولاده لا غيرو 😊 قلت ليها كيف يعني 😳 ماما سهير قالت لي قصدها بعد جبتي لمى ارتحتي 😊 نطت محاسن قالت ليها لا قصدي الله ريحك من سفر الولاده بعد شالو منك الرحم قلت ليها شنوووو 😱 محاسن سكتت قلت ليها قلتي شنو عيدي كلامك محاسن اتلفتت علي ماما سهير قالت ليها يعني لسه هي ما عارفه 😳 قلت ليها أعرف شنو ؟؟ يعني الـ سمعتو ده حقيقه بس سكوت ماما سهير ودموعها خلتني اتأكدت من كلام محاسن صح 😭 كنت شايله لمى في رجلي وما عارفه كيف ختيتها في الكرسي وجريت طلعت الغرفه وقفلتها بالمفتاح قعدت في السرير مصدومه وغالبني ابكي لاني ما مستوعبه الخبر بس حاسه زي في حاجه تقيله في صدري وما قادره إتنفس 😰 وماما سهير تنادي فيني وبتحاول تفتح الباب وانا ساكته ماما سهير اتصلت علي سامر خلال ساعه وصل وفضل يدق في الباب شجن افتحي الباب الله يرضى عليك افتحي والله بس ادخل انا وح اقفلو راجع ✋ شجن ردي علي قلت ليهو انت بالذات ما عايزه معاك كلام انت السبب 😠 قال لي طيب افتحي نتفاهم وفضل يضرب في الباب عايز يفلسو بس نوع الباب ما بتفلس قال ليهم الـ كلمها منو 😓 نطت محاسن قالت ليهو انا افتكرت انها عارفه قال ليها يعني انتي الـ كلمتيها 😠 قالت ليهو اي قال ليها بحده اطلعي برا البيت ده وما عايز اشوفك تاني هنا 😡 قالت ليهو بتطردني من بيتك 😏 امو قالت ليهو سامر ده ما وقت الكلام ده اول نطمن علي شجن 😢 قال ليها عشان ما وقتو اكتفيت اني اطردها بس حسابي معاها ما خلص ✋ لاني من دون الناس ونحن في امريكا اتصلت عليها مخصوص وحزرتها انها ما تجيب لـ شجن سيره بس هي قاصده 😒 وفضل يضرب في الباب ساره جات شايله لمى بتبكي قالت ماما سهير لمى يبكي جعان سامر قال لي شجن حبيبي الله يخليك طيب افتحي الباب عشان خاطر لمى قلت ليهو ما عايزه زول 😭 جا ابوي مخلوع قال ليهم شجن مالها 😱 شجن افتحي الباب من سمعت صوت ابوي غلبني اتمالك نفسي فتحت الباب وحضنت ابوي والدموع نزلت مني عشره عشره 😭 وكلهم اتلمو حولي وفضلو يهدو فيني وسامر يمسح لي في شعري قال لي شجن اهدي الموضوع بسيط قلت ليهو بسيط عشان ده قرارك انت 😭 قلت لأبوي عايزه امشي معاك بيتنا قال لي طيب تعالي قعدني في الكنبه سامر ناولني حبه قال لي ابلعي دي بترتاحي 😢 جدعتها من يدو قلت ليهو ما عايزه منك حاجه انت الطلبت من الدكاتره يعملو كده 😭 ابوي قال لي شجن ما تظلمي واتلفت إعتزر لـ سامر " سامر قطع كلامو قال ليهو خليها يا عمي تقول الـ عايزه عشان ترتاح بس حاول اقنعها تبلع الحبه دي 😔 وفعلا ابوي ناولني ليها رفضت ابلعها قلت ليهو ح تفيدني بشنو اذا ما بترجع لي رحمي 😭 قال لي هسي لو امك كانت حيه وطلبت منك تبلعيها كان ح ترفضي كلامو أثرني شلتها وسامر ناولني المويه بلعتها بعدها ما حسيت بـ حاجه وفي الآخر اكتشفت انها حبوب منومه 😓 بعد 3 ساعات صحيت لقيت سامر في وشي قلت ليهو ابوي وين 😒 قال لي شجن قلت ليهو ما عايزه معاك كلام انت الأمرت الدكاتره صح عشان كده كنت بتقول لي تاني ما عايزين طفل لييه تعمل كده من غير ما تستشيرني 😭 والله لو كلمتني كنت انا وقفت الحمل من غير ... وقبل أتم كلامي جا حضني عليهو شديييد قال لي والله ما كان في حل تاني وانا معلقه في كلمة ليييه تعمل كده ودموعي عشره عشره 😭 قال لي والله انا لم قلت ليك ما عايزين طفل تاني كنت بمهد ليك عشان اكلمك بالتدريج والصدمه تكون بسيطه عليك بس مرت ابوي ما ادتني فرصه وكلمتك 😢 وكل الحصل انو اثناء العمليه حصلت ليك مضاعفات ونزيف والحل الوحيد انو يستأصلو الرحم لم استشاروني ما اترددت اني اوافق عشان انقذ حياتك ✋ بس خليك متأكده انو ده كان الحل الوحيد قدام الدكاتره بعد سمعت كلامو مسكت في قميصو شديييد وببكي وهو ضاميني وبالرغم من كل الناس كانو حولي بس كنت فاقده حنان الام في اللحظه دي 😭 وما بقدر انوم الأ عن طريق حبوب منومه ورفضت اقابل اي دكتور وبقيت كارهه نفسي والحياة بصوره عامه لدرجه كنت بتمنى الموت حتي اولادي ما كنت طايقه اشوفهم كنت ساجنه روحي في الغرفه 😔 حتى لمي كانو بعملو ليها البزازه باللبن الخارجي وما كنت بسأل منها وسامر 24 ساعه قاعد معاي وبهتم بي زي الطفله ✋ لحدي ما يوم ساره كـ العاده دقت باب الغرفه وناولتو جك العصير سامر ناولني كبايه هزيت راسي ما عايزه 😔 خت الكبايه بـ عصبيه في التربيزه وقال لي بحده تصرفاتك دي فهمها شنو وعايزه تصلي لشنو الاكل ما بتاكلي والعصير الأ بالتحنيس بتعاقبي في نفسك 😡 فاكره انو بـ إضرابك عن الاكل ح تحملي وتجيبي طفل تاني ولأ بتعاقبي في ربنا 😠 لو بتعاقبي في ربنا ليييه ما عملتي كده يوم امك اتوفت ولأ امك ما كانت عزيزه عليك 😠 طبعا بتكلم معاي بأعلي صوت عارفه انو بتصرفاتك دي موقفه حياة الناس كلها قصادك ابوك ما قادر يمشي الشغل وانا اليوم كلو مقفول معاك في الغرفه حتي اولادك وحمودي يسألو منك وكل مره بعتزر ليهم بكذبه جديده 😒 ولمى المفروض تستفيد من لبن الام الطبيعي في الفتره دي بس بسبب عنادك بتشرب لبن العلب من غير فايده ردي علي بتعاقبي في منو مننا 😠 وانا دموعي نزلت قلت ليهو بصوت مبحوح سامر وغلبني اتم الكلام 😭 جا قعد جنبي وحضني عليهو قال لي نن عيوني إنا والله حاسي بيك " انتي شايفه حالتي كده فاكره انو الموضوع بالنسبه لي عادي لااا والله 😔 لم الدكتور كلمني والله كانت صدمه بالنسبه لي اكتر منك بس كنت متماسك وكاتم حزني جواي وساكت عارفه لييه !! عشان مافي واحد ح يحس بـ شعورنا ده غيرنا انا وأنتي عشان كده مافي داعي نخليهم يتألمو معانا ✋ وحاليا ما بيدنا حاجه غير نخلي ايمانا بالله قوي ونحمد ربنا انو عندنا 3 اولاد زي القمر اقصد 4 بـ حمودي ✋ لو فضلنا نعاتب روحنا ونلوم ربنا علي الحصل خلاف انو حرام احتمال ربنا يعاقبنا ونفقد الـ 4 في اللحظه دي مسكت في قميصو زياده وقلت ليهو سامر ما تقول كده 😭 رفع راسي مسح دموعي وقال لي ما انا البقول كده دي نتيجة تصرفاتك حبيبي 😘 بس عايزك توعديني ترجعي شجن الـ جذبتني ليها بقوة شخصيتها وفي الاخر ده مقدر ومكتوب لينا واكيييد لخير وحكمه نحن ما بنعرف اكتر من ربنا صح 😊 هزيت راسي صح باسني في راسي قال لي ما ح اقول ليك ننسى الحصل لانو عارف ما بتنسي بس خلينا نتجاوزوا مع بعض تمام ✋ يلا قومي اخدي دش عشان ننزل نتغدا مع امي قلت ليهو والله ما عندي نفس قال لي نحن قلنا شنو وأجبري نفسك يلا نن عيوني حاولي وفعلا اتحممت ونزلنا تحت ماما سهير كانت شايله لمي وما صدقت لم شافتني نازله 😍 سامر قال لـ ساره حضري الصفره كامله وكتري الاصناف عشان نعوض الشهر الضاع 😅 ماما سهير مسكتني لمى في يدي وقالت الليله ح اطبخ بيدي لشجن بنتي ودخلت المطبخ انا ماسكه لمى وكل مره ببوس فيها 😘 بعد شويه الأولاد جو راجعين من المدرسه ليث من شافني جا جاري علي بس لميس وحمودي واقفين في مكانهم وبعاينو لي قلت ليهم تعالو لميس اتلفتت علي ابوها هز ليها راسو انها تجيني 😊 حتى بعدها جو جارين علي اتفاجأت من تصرف لميس 😱 بعد الاولاد طلعو الغرفه سألت سامر لييه في الأول رفضو يجوني 😢 قال لي عشان كنت مانعهم انو يجوك في الغرفه زعلت من كلامو بس قبل ما ارد عليهو قال لي ما تفهميني غلط بس ما كنت عايزهم يشوفوك وانتي في الحاله دي وما عايز لميس تشوفك وانتي منكسره وحزينه وقلت ليهم ممنوع يزعجوك لأنك عيانه عشان كده هسي اترددو انو يجوك بس خلاص تاني ح يجننوك جن 😊 ماما سهير وساره حضرو الصفره بس لمى قعدت تبكي سامر شالها مني قال ليها لمى حبيبة الـ بابا خلي ماما تاكل ما صدقنا وافقت تنزل 😉 نطت لميس قالت ليهو بابا انا قلت ليك ما تقول لـ لمي حبيبة بابا انا بس حبيبتك قعدنا نضحك قال ليها خلاص انتي حبيبة الـ بابا وهي روح الـ بابا قالت ليهو لا هي تقول ليها بس لمى 😏 وبعد إنتهينا من الغداء قاعدين كلنا نتونس سامر قال ليها لميس تعالي احكي لـ ماما بـ مهيار قلت ليهو مهيار منو 😳 قال لي ده جكس بنتك في المدرسه 😉 قلت ليهو سامر ما تعلمها كده قعد يضحك قال لي اعلمها شنو دي بنتك براها جننتني بيهو كل يوم بتجي تحكي لي عنو 😉 نطت لميس قالت لي ماما المره الجايه لم تجيبي بيبي ح نسمي مهيار اوك 😍 طبعا سامر وماما سهير اتخلعو سكتو وانا هزيت ليها راسي حاضر والعبره خنقتني وبسرعه طلعت الغرفه سامر جا محصلني فتح باب الغرفه في اللحظه دي مسحت دموعي ضماني من ورا وقال لي عايزه تدسي دموعك مني 😢 المشكله ما كوني شوفتها ولأ لا المشكله انو كيف إنتي تقدري تتحكمي في مشاعرك 😢 لفتني عليهو وقال لي تبكي عشان كلام لميس وبعدين قالت كده عشان طفله وما فاهمه حاجه 😓 قلت ليهو اي عارفه وانا خلاص رضيت بحكم الله قال لي يا سلام عليك يعني بكره انزل الشركه وانا مطمن عليك ✋ هزيت ليهو راسي اي قال لي الحصل ده ما عايزو يأثر علي حياتنا المستقبليه اوك واول ما الاولاد يخلصو المدرسه في الاجازه ح نسافر كلنا رحله سياحيه 😍 قلت ليهو سامر انا ما عايزه ارجع امريكا تاني 😢 قال لي لا ح نسافر ليها تاني لانو لو ما سافرنا ح تبقى ليك عقده وح تكرهيها طول حياتك وانا ما عايزك تصلي المرحله دي ح نسافر ونسترجع فيها كل الزكريات الجميله 😍 طبعا خلال فترة صدمتي بالحصل لي وبعد سامر طرد محاسن من البيت ابوي عرف كل عمايل مرتو معاي قبل ما إتزوج وقرر انو يطلقها ✋ ''"
#يتبــــع ⏪⏪⏪⏪
