وفعلا بعد يومين خالتي رسلت القروش ومعاها شنطة الملابس 😍 بس للأسف في نفس اليوم اتكشف وش مرت ابوي الحقيقي 😔 دخلت الغرفه لقيتها بتعد في القروش قلت ليها خالتو محاسن عايزه اشتري شيبس قالت لي ما عندي اجيب ليك قروش من وين 😠 قلت ليها ودي شنو وأشرت ليها علي 👈🏻 القروش قالت لي دي قروش مرا جايه تشيلها 😒 طبعا انا صدقتها لأني كنت صغيره وما عارفه انو خالتي بترسل ليها 😓 لكن عارفه انها رسلت لينا الملابس زي كل مره ✋ ولم خالتي محاسن فتحت الشنطه أول حاجه عملتها عزلت من ملابس حمودي احلى لبسات ودستها في الدولاب مع هدوم احمد ولدها قبل ما أبوي يجي 😓 وبعد أبوي جا من الشغل فتحت الشنطه كـ أنها أول مره تفتحها وعملت روحها اتفاجأت بالملابس 😒 وبعد اسبوع طلعت الهدوم الجديده من الدولاب ولبستهم لولدها حتي انا كانت بتشيل مني كم لبسه وترسلها لـ بنت أختها في البلد 😒 وبتخلي لي بس بجامات البيت " يوم الخميس في نفس الزمن الـ بتتصل فيهو خالتو سماح جات خالتي محاسن ادتني 20 جنيه قالت لي امشي اشتري شيبس وحلاوه وانا ما صدقت طلعت الدكان 😍 ولم جيت راجعه سم عتها بتتكلم مع خالتي بالتلفون قالت ليها شجن يا دوووب جات داخله من الدكان كل القروش مكملاها في الشيبس والشوكلاته في اليوم تمشي تشتري 60 مره ✋ خالتي قالت ليها القروش ما مشكله اهم حاجه تكون مبسوطه 😘 قالت ليها لا مبسووووطه شديد بس زي ما عارفه الإسبوع الجايي نازله المدرسه ومتطلباتها ح تزيد ✋ خالتي قالت ليها يعني القروش دي ما بتكفيها خلاص ما عندك مشكله الشهر الجايي بزيدها 😊 ومحاسن الفرحه ظاهره في وشها بس انا إتصدمت لم سمعتها كذبت علي خالتي وقالت ليها انا بشتري يومي 😳 صاح زمان كانت طوالي بتديني اشتري عشان خالتي يومي بتتصل علينا ولم تتكلم معاي وتسألني بتلقاني مبسوطه كانت بتقفل الخط وهي مطمنه علينا ✋ اما هسي محاسن بقت تديني القروش بس يوم الخميس قبل دقايق من تلفون خالتو سماح عشان عارفه الزمن الـ بتتصل فيهو وانا حسب اني طفله ما كنت فاهمه تخطيطها كده 😔
وإنتهت الإجازه والليله اول يوم انزل المدرسه 😍 اليوم ده أبوي كان قاعد ما مشى الشغل عشان دي اول سنه انزل فيها في وجود محاسن 😢 بس بصراحه خالتي محاسن ما قصرت معاي حضرت لي الفطور لبستي وسرحتي وكانت مهتمه بي لحدي ما طلعت 😍 واليوم التاني كذلك ✋ ولم اجي راجعه تغسل لي ملابس المدرسه وتجهزها لليوم التاني 🙂 وعدا اسبوع يوم الصباح بعد ابوي طلع الشغل وكـالعاده طلع بدري خالتي محاسن صحتني من النوم قالت لي قومي المدرسه 😓 قلت ليها بس الوقت لسه بدري 😢 قالت لي عارفه بدري بس اول قومي نضفي لي البيت ده حتي تطلعي عشان الليله تعبانه ما بقدر انضف 😒 فعلا قمت عين مغمضه وعين مفتحه والمكان لسه مُضلِم الوقت كان بدري شديييد 😓 كنست البيت وهي راقده في السرير تعاين لي وكل مره تنهرني تقول لي انتي عميانه الوسخ الوراك ده ما شايفه 😠 طبعا انا ما متعوده علي النضافه 😔 وده الروتين اليومي كل يوم بتصحيني بعد ما ابوي يطلع الشغل مباشرةً عشان انضف ليها وكل مره بتزيد علي الشغل 😔 وبقيت بمشي المدرسه متأخره ويومي بدقه في الطابور بسبب التأخير 😭 لحدي ما يوم ابوي نسى الجزلان وجا راجع البيت عشان يشيلو ولقاني شغاله نضافه وماسكه المقشاشه بكنِس في الحوش طبعا ابوي اتخلع 😱 ولم سألها قالت ""
يتبــــع ⏪⏪⏪⏪
