بعد نص ساعه سمعت عربية سامر وقفت وانا منتظره بفارق الصبر يجي داخل عشان يسلم علي زي ما بعمل جنب امو 😘 مغرزه ليهم بعد شويه لميس جاتني جاريه قالت لي
Hi Mam Sudan is very beautiful
وكانت فرحانه لدرجه انها ما لاحظت للبنات 😍 قلت ليها لميس واشرت ليها بحواجبي عليهم اتلفت شافتهم اتخلعت قال ليهم Hi girls ✋ وطبعا هم مخلوعين عشان اول مره يشوفوها 😳 قالو ليها تعالي سلمي يا عسل 😘 ولميس بتعاين ليهم ومستغربه في كلامهم 😓 قلت ليهم ما بتفهم عربي عاينو لبعض واتهامسو افتكرو إني بكذب عليهم 😒 سامر جا داخل وانا محضره شعوري يبوسني جنبهم عشان يقطعو العشم بس خيب ظني سلم عليهم وقعد من غير ما يعبرني وكمان شغال يقول ليهم شرفتونا وبيتنا نور 😏 جات لميس قعدت في رجلو باسها شديييد 😘 وهمس ليها في اضانه لميس نزلت منو وجات باستني نطت ريان بنت عمو قالت ليها وانا يا لميس ما بتبوسيني 😘 ما اشتغلت بيها لأنو اصلا ما فهمت كلامها بس سامر ترجم ليها بالأنجليزي بعد فهمت هزت ليها راسها وقالت ليها No 😒 احرجتني بتصرفها قلت ليها لميس كده عيب 😒 قالت لي بس ده بابا قال لي بوسي ماما وما قال لي بوسي البنت وصرت وشها 😒 وطبعا الحوار بينا انا ولميس بالإنجليزي وعشان لميس بتختصر الحروف في الكلام ما عارفه لو فهموها ولأ لا 😓 البنت قالت لـ سامر يعني لميس نهائي ما بتتكلم عربي 😳 قال ليها لا بس ان شاء الله بتتعلم 😊 قربت انط واقول ليها اهااا كده اتأكدتي ولأ لسه مكذباني 😏 بس احترمت نفسي وقلت لـ لميس عيب امشي سلمي عليها مشت ليها وكلهم مسكو فيها جنس خفه وفضلو يهظرو ويتكلمو معاها وانا شغاله ليهم مترجم والظرافه دي كلها عشان سامر قاعد 😒 لميس قالت لـ حمودي يلا نلعب 😊 طبعا انا ما صدقت انو لميس بدت تحب حمودي دي كانت سعادتي الحقيقه 😍 ومسكت حمودي من يدو وطلعو الغرفه وانا بعاين ليهم ومستغربه 😳 إتلفت علي سامر شاغلني بحواجبو نظام هو القربهم من بعض 😌 بس لويت ليهو خشمي بعد شويه سامر استأذن منهم وطلع الغرفه وانا مغيووظه منو 😓 البنات قالو لي هسي انتي بتقدري تفهمي لميس وتتكلمي معاها قلت ليهم اكيييد 😊 وبقلبي قلت هسي الـ كان بترجم ليكم منو 😒 بعد شويه قالو ماشين بس ماما سهير حلفت عليهم الأ يتعشو معانا وعم عبدو يوصلهم بقلبي قلت عم عبدو ذنبو شنو يوصلهم بيوتهم وهم اصلا قاعدين للزمن ده ليييه 😒
