سامر وقف العربيه نزلت انا ولميس سامر جا شال لميس قال ليها شوفتي عمارة ماما حلوه كيف 😍 طبعا العماره 5 طوابق وكلها مؤجره اصلا عاملنها استثمار وصلنا الشقه وقبل ما سامر يطلع المفتاح ساره فتحت الباب الحمدلله يعني ما ح اقعد مع الحيوان ده براي 😍 قال لي ادخلي برجلك اليمين وقول بسم الله 😊 قلت بسم الله في سري ودخلت برجلي الشمال عشان أثبت لـ سامر اني ما ح اتبع اوامرو طبعا ما ناقشني بس صر لي وشو 😠 والشقه ما شاء الله كبيره وساره نضفتها وقالت لينا حضرت ليكم العشاء وانا بعد ده ح امشي ✋ سامر قال ليها ح تمشي مع منو قالت ليهو عم عبدو منتظرني تحت 😊 قلت ليها دقيقه دقيقه ماشه وين انتي ما ح تقعدي معاي 😔 قالت لي لا انا راجع لـ ماما بس جيت هنا اندف قلت ليها اقعدي معاي وانا بتصل علي ماما سهير اكلمها ✋ قالت لي لا لا ماما ما تقعد براهو وسامر بعاين لي بحده 😒 بعد طلعت قال لي لو عايزه ساره تقعد عشان النضافه اطمني انتي ما ح تنضفي كلمتها تجي تنضف ليك مرتين في الإسبوع اما لو عايزاها تحرسك مني فـ ساره رفضت شوفي زول غيرها 😒 قلت ليهو بخلعه تنضف في الإسبوع مرتين لييه نحن ح نقعد كم اسبوع عشان تجي ساره تنضف لينا 😏 قال لي والله انا ما دكتور بحدد فترة العلاج بس لو متضايقه من وجودك هنا وصحة لميس ما بتهمك الباب جنبك انا ما بمنعك تطلعي ✋ ما رديت عليهو شلت الشنط ورتبت الملابس في الدولاب سامر دخل اتحمم وبدل لبنتو هدومها قال لي تعالي العشاء قلت ليهو ما عايزه 😓 قال لي لو ح نتعامل مع بعض بالطريقه دي مافي داعي لـ وجودنا هنا نختصر الطريق ونرجع للدكتور نقول ليهو العلاج ما عمل نتيجه ✋ وما تنسي سبب وجودنا مع بعض هنا لميس علي الأقل مثلي جنبها زي ما قال الدكتور 😒 وبالمناسبه انا اكلك ما بهمني لم قلت ليك العشاء كنت عايزك تحنسي لميس لأنها رفضت تاكل بس الظاهر مشاكلك الشخصيه معاي بتهمك اكتر من صحة بنتك وطلع ✋ كلامو أثرني طلعت لقيتو قاعد في الصفره وشايل لميس قال ليها شوفي ماما جات 😊 سامر مد ليها تاكل رفضت انا برضو مديت ليها رفضت بس ماسكه خشمها وساكته 😢 سامر قال لي شجن انا مسافر امريكا تمشي معاي قلت ليهو اكييييد 😍 قال لي بس لو ما اكلتي ما ح تمشي معاي ومد لي يدو يأكلني حمرت ليهو 😡 عاين لي وعاين لـ لميس لقيت فعلا لميس مراقبانا شلت منو اللقمه 😓 تاني مد لي يدو يأكلني اضطريت اشيلها بس باكل فيها زي السم من يدو قلت ليهو بعد ده اكل لميس عشان تمشي معانا 😍 مد ليها رفضت قال ليها ما عايزه تسافري معانا هزت راسها قال ليها يلا اكلي عشان تسافري وتركبي الطياره واخيرا فتحت خشمها سامر اكلها بس أكلت بسيط بعد انتهينا سامر شالها دخل بيها الغرفه دخلت وراهم لقيت سامر حاضن لميس وراقد عايزه اطلع قال لي تقريبا السرير كبير وبشيلنا كلنا 😒 لميس اتلفتت علي وابتسمت جيت رقدت ولميس في نصنا سامر خت يدو في خصري وبالنسبه لي كانت زي الشوك البطعن في جسمي الصباح قلت لـ سامر ما ماشي الشغل 😒 قال لي لااا ماخد اجازه ح اتفرغ لـ لميس 😊 بقلبي قلت يعني ح تكون 24 ساعه في وشي بس اعمل شنو مضطره استحملو عشان خاطر بتي 😔 مر اسبوع ولميس لسه ما بتتكلم بس بتضحك ومن غير كلام ولو عايزه حاجه كانت بتأشر لينا بيدها لحدي ما يوم بتأشر وتوصف بيدها عايزه حاجه ونحن ما فهمنا قصدها نقول ليها عايزه كده تهز براسها لااا 😓 وتعيد الوصف تاني بيدها لم ما زهجت من الوصف قعدت تبكي وتضرب برجلها في الأرض 😭 سامر شالها في رجلو قال ليها حبيبة بابا خلاص هشششش ح أعمل ليك الـ بتطلبي بس أهدي 😢 طيب هاك التلفون ألعبي شالتو جدعتو مع انها مجنونه تلفونات بس لسه بتبكي ومعصبه غلبني استحمل منظرها عايزه اقوم سامر ناولني ليها قال لي احتمال تسكت ليك 😓 دخلت بيها الغرفه بعد تعب نومتها في حضني وهي بتتنهد بعد نامت طلعت الصاله لقيت سامر قاعد منزل راسو وبحاول يمسح في دموعو وانا عملت روحي ما لاحظت ليهو عشان ما يتحرج 😓 قلت ليهو سامر الاسبوعين قربو يخلصو ولميس ما اتعالجت احجز لينا عند دكتور تاني 😔 قال لي قررت انو نرجع امريكا وبكره ح اعمل اجراءات السفر قلت ليهو كيف نرجع ولميس بحالتها دي 😳 قال لي ح نرجع عشان تتعالج اصلا ده اشطر دكتور هنا وما قدر يعمل ليها حاجه طبعا بتكلم معاي ولسه منزل راسو لم خلاص قايم شوفت عيونو لسه مليانه دموع دخل الحمام غسل وشو وجينا نومنا جنب لميس 😔 سامر حضر جوازات السفر وفضل بس يقطع التزاكر يوم الصباح وانا في الصاله سامر جا طالع قال لي اتصلو علي من الشركه وعايزين توقيعي في أوراق عشان كده لازم امشي 😊 قلت ليهو ما محتاج توضح لي مشاويرك الشخصيه وحاجه ما بتخص لميس ما بتهمني ✋ صر وشو وقال لي بحده انا لم وضحت ليك ما كنت خايف منك بس عملت واجبي ما اكتر 😠 وفجأه قطع كلامو وابتسم وقال لي بصوت عالي انا وانتي ولميس نسافر امريكا نتفسح 😍 قلت الـغبي ده عايز يجنني مره يخوني ومره يشاكلني وفي نفس اللحظه يضحك معاي والله هو زاتو مريض نفسي 😒 سامر قال تعالي يا حبيبة بابا جاتو لميس جاريه اهااا يعني لميس كانت واقفه عشان كده فجأه غير تصرفو 😅 شال لميس سلم عليها وقال ليها ماشي الشغل وما بتأخر وطبعا بتكلم وبعاين لي ناولني لميس وطلع فتحت لـ لميس قناة الأطفال ودخلت المطبخ اشتغل بعد شويه سمعت صوت بقول ماما قلت اكيد ده صوت التلفزيون تاني سمعت نفس الصوت برضو ما اشتغلت بالموضوع لحدي ما شعرت بلميس بتلفتني من القميص ماما انا بتلم معات 😒 وانا بعاين ليها وما قادره ارد ليها من الصدمه وهي بتقول لي ماما همودي وين ماما انا بتلم معات همودي وين 😒 شلتها حضنتها وما قادره اعبر من الفرحه وهي طبعا ماخده الموضوع عادي كأنو ما كان حاصله ليها حاجه شلتها وقعدت بيها في الكنبه وهي شغاله تسأل فيني وتلفتني من خدي عشان ارد ليها وانا بس بعاين ليها ونزلت دموع الفرح فتحت التلفون عايزه اتصل علي سامر اتذكرت خيانتو لي 😒 حولت الإتصال لـ ماما سهير كلمتها وهي ما مصدقه في دقائق جات ومعاها حمودي لميس من شافت حمودي شغاله تنطط من الفرحه 😍 وماما سهير حضنتها وتبكي بعد حمودي ولميس دخلو يلعبو في الغرفه ماما سهير قالت لي وين سامر 😊 قلت ليها في الشركه عندو شغل مهم ✋ قالت لي معقول الشغل اهم بنتو 😒 قلت ليها بس ما عارف لميس اتكلمت قالت لي معقول يا شجن ما اتصلتي فرحتيهو 😳 قلت ليها حبيت اعملها ليهو مفاجأه بس في الحقيقه اصلا ما عايزه اتصل عليهو 😓 قالت لي ح تكون ليهو احلي مفاجأه خلاص هسي اتصلي كلمي يجي راجع بسرعه 😊 قلت ليها اصلا قال ما ح يتأخر بنتكلم كده سامر جا داخل قال يا سلاااام نبع الحنان الليله منورانا 😍 سلم عليها قال ليها وين حمودي قالت ليهو مع لميس في الغرفه 😊 قال ليها احسن حاجه علي الأقل لميس تفرفش شويه طبعا يا امي قررت نسافر امريكا عشان حالة لميس وبكره ح امشي اشوف طريقة للحجز 😔 قالت ليهو بإبتسامه ربنا يسهل 😊 هسي عاملين ليك مفاجأه قال ليها الله علي المفاجآت بس هي شنو 😍 قالت ليهو ادخل الغرفه وانت تعرفها طبعا الحوار ده كلو وانا ساكته 😓 سامر قال ليها ما بقدر استني اكتر من كده ح امشي اعرفها سامر دخل الغرفه كان نفسي اشوف ح يتفاجأ كيف بـ لميس بس عزة نفسي منعتني ادخل معاهو الغرفه 😔 ماما سهير قالت لي انتو يا شجن لسه متزاعلين 😊 وانا ساكته ومنزله راسي قالت لي يا بتي والله دي لحظة شيطان سامر ولدي وانا بعرفو والله بحبك بقلبي قلت ليها صاح بحبني بـ أمارة خيانتو لي وقربت احكي ليها بالرسائل بس راعيت لـ مشاعرها گـ أم 😔 بعد مسافه سامر جا شايل لميس وبيتونس معاها قال لأمو بالجد أحلي مفاجأه متين نطقت قالت ليهو بري بس الصباح اتصل علي شجن كلمتني 😍 طبعا بعد سمع اني اتصلت علي امو رفع راسو عاين لي 😒 وانا عملت روحي بتكلم مع حمودي ماما سهير المساء قالت راجعه البيت وعايزه تسوق معاها لميس عشان تخلينا انا وسامر برانا في الشقه بس سامر قال ليها بكره ح اسوقها للدكتور عشان كده مافي طريقه تمشي معاك ✋ ولميس عايزه تمشي مع حمودي بس سامر اقنعها انو بكره من المدرسه ح يجيب حمودي معانا بعد طلعو سامر لسه ما مصدق شايل لميس ويتونس معاها وكل ما لميس تتكلم كان ببوسها في خدها 😘 وبتونس معاها لحدي ما نامت ودخلها الغرفه رقدها في حضنو واول ما جيت رقدت سامر عمل روحو بتكلم مع لميس وهي نايمه قال ليها الله ما كاتب لي اعيش فرحتك من الأول حتي يوم اتخلقتي في رحم أمك انا اخر من يعرف 😔 وكذلك مرضتي واتعالجتي وبرضو مافي زول اتزكر انو يتصل علي لحدي ما وصلت البيت 😊 وطبعا انا كأنو الكلام ما معاي اتلفت منو بالإتجاة التاني 😓
اليوم التاني سامر صحى بدري لقى لميس لسه نايمه بدأ يصحي فيها ليمو حبيبة بابا فتحت عينها وهي صاره وشها 😒 قلت ليهو مصحيها لشنو خليها تنوم اداني نظره و واصل مع بنتو ليمو انا منو قالت ليهو بابا عايسه انوم يااااح 😒 باسها شدييييد في خدها وقال ليها نوم العوافي حبيبة الـ بابا 😘 طبعا انا مستغربه في تصرفو اتلفت قال لي كنت عايز اطمن انها لسه بتتكلم 👌 وكل مره سامر كان بحاول يتقرب مني ويتودد لي بحيلة لميس المساء وانا منومه لميس في حضني جا داخل الغرفه نزل راسو في لميس وهي نايمه همس وقال مشكلتك اتحلت عقبال تتحل مشكلتي مع امك 😊 وبعاين لي وقرب منها شديييد وفي نفس اللحظه كان قريب لـ وشي عشان لميس خاته راسها في حضني وقال عارفه يا لميس انك هسي راقده في مكاني وعشان ما يتمادى اكتر قلت ليهو سامر تقريبا السرير كبير ممكن تزح شويه 😒 قال عايز اسلم علي بتي ح تمنعيني قلت ليهو ابدا في النهايه دي بنتك نزلت راسها من يدي وقلت ليهو بعد ده ممكن تسلم عليها زي ما عايز 😏 وطلعت من الغرفه جا محصلني ضماني وقال لي والله مشتاق 😍 وقبل ما يتم كلامو قلت ليهو مافي داعي للتمثيل لميس نايمه 😒 قال لي والله كل مشاعري ناحيتك صادقه ومعاملتي ليك دي كلها حقيقه ما تمثيل ✋ قلت ليهو بس انا بالنسبه لي مشاعرك زائفه وبعتبرو كلو تمثيل والقلب ما بشيل اتنين 😏قال لي عارف والله انا قلبي بيك مكتفي 😍 قلت ليهو تقريبا ما عندك زهايمر يعني استحاله تكون نسيت الرسائل 😒 قال لي اديني مهلة اسبوع وكل حاجه ح توضح ✋ قلت ليهو بس انا ما محتاجه لتوضيح اكتر من اني قريت الرسايل 😒 عايزه اطلع قال لي طيب لو قلت ليك التوضيح إنو لميس كان عايزين يغتصبوها 😓✋ ""
#يتبــــع ⏪⏪⏪⏪
