قال لي طيب لو قلت ليك لميس عايزين يغتصبوها بعد عايزه اطلع جيت راجعه قلت ليهو بخلعه شنووو 😳 قال لي شوفتي انتي ما اتحملتي في لميس وعمرها 3 سنين فما بالك بـ أم ربت بتها 19 سنه وتجي تخزلها في شرفها 😔 قلت ليهو ما فهمت كلامك وضح اكتر ما تتكلم معاي بالألغاز 😒 قال لي في الحقيقه لميس ما عندها علاقه قطعت كلامو قلت ليهو بتي ما تدخلها في عمايلك الغذره 😠 عايزه امشي مسك يدي بقوه قال لي خليني اتم كلامي صاح لميس ما عندها علاقه بس عمايلي الغذره البتقولي عليها دي بتنقذ مليون وحده زي لميس 😠 قلت ليهو انا ما بهموني المليون ديل بتهمني بس بنتي قال لي ما اتوقعتك تكوني بالأنانيه دي اصلا لم ده فهمك مافي داعي اشرح ليك ✋ قلت ليهو اصلا ح تشرح لي شنو كلامك الـ في الرسايل ولأ عايز تشرح لي كلمة حبيبتي البتقولها لـ بنت غيري 😏 قال لي طيب موقفك شنو لو عرفتي انو البنت البتتكلمي عنها دي فاتحه بيتها شقه مفروشه بمارسو فيها الأعمار المخله بالأداب 😓 قلت ليهو بخلعه شنووو لزيتو مني وقلت ليهو ونعم الإختيار لم تخوني تخوني مع وحده مشبوهه بس ما بستغرب فيك 😠 قال لي بحده مليون مره قلت ليك انا ما خنتك والرسائل الشوفتيها دي كلها كذبه ودي تعليمات من الشرطه قلت ليهو كمان جابت ليها شرطه تكون شغال ضابط وانا ما عارفه واديتو ابتسامه استنكار 😊 واصلت كلامي ما شاء الله لحقت تألف ليك كذبه بس اتأكد انك ما بتغشني بيها ✋ عايزه امشي جراني مني يدي وقعدني في الكرسي وهو واقف قدامي وحابسني بيدي الإتنين مسافه بعاين لي وساكت قلت ليهو سامر أبعد مني 😒 قال لي صح انا ما ضابط بس جاتني فرصه اني اخدم الشرطه في القبض علي شبكه اجراميه والبنت البدردش معاها في التلفون دي عباره عن وسيط عايز اكسب ثقتها عشان توصلني لباقي الشبكه دي كل القصه ✋ وفك يدو من الكرسي قال لي بعد ده لو عايزه تمشي امشي بس والله دي الحقيقه طبعا ما صدقتو وكمان بحلف بالكذب 😏 دخلت الغرفه ومنتظره يجي داخل بس ما جا بعد ربع ساعه طلعت الصاله لقيتو قاعد محتار ومنزل راسو قلت ليهو طيب الدليل شنو انو كلامك صح 😒 قال لي المشكله انو ما عندك رغبه تسمعيني جيت قعدت جنبو قلت ليهو أحكي قال لي طيب ابدأ ليك من الأول عارفه الشقه المفروشه البتكلم عنها دي وين 😓 هزيت ليهو راسي لا قال لي الشقه دي في العماره المقاصده بيتنا طبعا اتخلعت 😳 واصل كلامو قال لي طيب تتزكري البنت الـ بنلقاها دايما نازله من عربيتها وبتقولي لييه ما بتسلم علينا وبقول لي شجن البنت دي بالذات ما عندك علاقه بيها قطعت كلامو قلت ليهو عشان كده كنت بتحزرني ما اتقرب منها عشان ما اكتشف علاقتكم صح 😒 قال لي بحده لا ماكده بس عشان دي ست الشقه المفروشه قلت ليهو شنوووووو 😱 فهمني واحده واحده وأحكي لي كل الحقيقه حتي لو مشيت الشقه دي وغلطت مع وحده احكي لي احسن اسمع منك من اسمع من غيرك ومصيري اكشف كل عمايلك 😒 قرب مني وحسيت انو ح يديني كف وقال لي بحده وبأعلي صوت شجن أحسن تقفلي 😡 وبعدها سكت 5 دقائق وقال لي اذا كان ست الشقه ما عارفه ده انا البتكلم معاها بالرسائل كيف ح اكون مشيت بيتها 😡 وانا اتخلعت من قوة الصوت قلت ليهو بصوت مبحوح سامر وطي صوتك لميس نايمه 😰 قال لي آسف بس كل الحكايه لاحظت دايما بجو بنت و ولد داخلين العماره مع بعض وكل مره بشوف أشكال جديده في الاول ما اشتغلت بالموضوح لحدي ما يوم وانا في العربيه منتظر عم صالح يفتح لي الباب كـالعاده لمحت ولد وبنت بس المره دي البنت صغيره عمرها 19 سنه داخلين العماره وقررت اعرف الحاصل ✋ انتظرتهم برا وبعد 4 ساعات جو طالعين اتحركو وانا لحقتهم بالعربيه ومراقبهم لحدي ما الولد نزل البنت في داخليه وبعد الولد مشي نزلت سألت البنات من إسمها بحكم اني معجب بيها وعايز اتقدم ليها وجمعت عنها كل المعلومات وعرفت مكان اهلها وبعد يومين انتظرتها جنب باب الجامعه وكانت راجعه الداخليه وقفتها وقلت ليها عايزك في كلمتين ✋ وبالرغم من انها بنت ناس وشكلها محترمه بس ما اترددت انها تركب معاي العربيه قلت ليها بتعرفي شقه في الرياض ردت لي بخلعه لا 😰 قلت ليها ح تكذبي علي ح اتصل علي محمد اخوك واكلمو بكل عمايلك ✋ في اللحظه دي البنت انهارت بالبكا انا زاتي خفت تحصل ليها حاجه في عربيتي وتكون جريمه وانا اصلا ما بعرف اخوها بس دي من المعلومات الاتحصلت عليها بديت اهدي فيها وقلت ليها لو كلمتيني الحقيقه والله زول بيعرف حاجه مافي ✋ قالت لي والله دي صحبتي الجبرتني امشي معاها وهي العرفتني علي رامي قلت ليها يعني الشقه حقت رامي قالت لي لا رامي بيأجرها من بنت وفي الأخر إكتشفت انها دي نفس البنت البنلقاها نازله من العربيه طبعا انا بسمع فيهو ومصدومه 😱 ما قادره اعلق معقول في ناس كده اكييييد سامر كذاب ومؤلفها من راسو 😓 ولسه بيحكي وقال لي حزرت البنت انو ما أشوفها تاني هناك وفتحت بلاغ في الشقه وفعلا عملو ليها مداهمه وقبضو اتنين متلبسين وقبضو البنت ست الشقه بس للأسف بعد يومين قابلت نفس البنت نازله من عربيتها لم رجعت للشرطه قالو في مسؤول كبير في الحكومه بقرب ليها عشان كده فكوها 😔 والضابط قال لي من خلال التحقيق اكتشف انها بتتعامل مع شبكه وعرض علي فكره انو اشتغل معاهم اني اكسب ثقة البنت واتقرب منها لحدي ما تكلمني بالناس الشغاله معاهم وللأسف بتستخدم بنات الجامعه لترويج المخدرات 😔 وفعلا بديت اتواصل معاها اساس معجب بيها وأقنعتها اني بهرب المخدرات من خارج للسودان بعد انتهي قال لي دي كل القصه وطبعا انا ساكته 😢 قال لي شجن علقي قولي حاجه وانا بعاين ليهو وغالبني اتكلم جا قعد جنبي وبيضربني براحه في خدي قال لي شجن سامعاني هزيت ليهو راسي اي وقلت ليهو بس ما قادره استوعب كلامك 😓 مسك يدي وقال لي كل العايزك تستوعبي انو وقسما بالله انا ما خونتك والشوفتي ده كلو كان تمثيل وانتظري بكره ح اثبت ليك ✋ وعشان انتي عشتي في مجتمع بسيط ما ح تقدري تصدقيني 😔 قلت ليهو طيب ليييه ما كلمتني من الأول لم اصلا علاقتك معاها تمثيل قال لي خوفت اكلمك يوم تتهوري تردي علي التلفون بسبب الغيره وتحكي للبنت الحقيقه ولأ تلاقيك في الشارع وتعايني ليها بنظره تخليها تشك فينا وهي اصلا ما عارفه ده انا المتواصل معاها ✋ وانا مخصوص قلت ليها متزوج غصبا عني عشان ما تتصل علي ونتكلم بس بالرسايل في اللحظه دي سمعنا صوت لميس تبكي جرينا الغرفه شلتها ونومتها في حضني سامر غطاني بالبطانيه وباسني في خدي 😘 وجا رقد جنب لميس وانا خاته يدي في لميس سامر شربك يدو في يدي 😍 زمان لم يعمل لي الحركه دي كنت بصر ليهو وشي وبفك يدي بس المره دي فضلنا متماسكين لحدي الصباح 😍 اليوم التاني وانا في المطبخ سامر جا شايل لميس قال ليها تعالي نصبح علي ماما وسلم علي في خدي قال لي شجن انا ح اطلع مشوار واجي صريت وشي 😒 فهمني إبتسم وقال لي اطمني والله ماشي الشركه طولت منها وبعدين علاقتي مع البنت حدها بس الرسايل طيب دقيقه عشان تطمني اكتر اتصل وشغل الاسبيكر قال اهلا سيادتو اها اتحصلتو علي معلومات جديده قال ليهو والله اخر معلومات الـ كلمتك بيها امس بس حاليا مراقبين تحركات البنت و وصلنا لـ شريكها و هو زاتو مراقبنو سامر قال ليهو تمام ✋ الضابط قال ليهو بس انت زاتك ما قصرت والله ساعدتنا كتير سامر قفل الخط قال لي اها اطمنتي قلت ليهو سامر اطلع من الموضوع ده ما عندنا علاقه بيهم يقبضوهم ولأ يفكوهم 😢 قال لي بس ده كلو عشان خاطر البنات المغشوشات في لحظه ضعف الوحده تضيع شرفها وثقة أهلها وما تنسي عندنا بنت زيهم عشان كده لو ما قبضوهم كلهم ما ح اقدر اطمن علي لميس في المكان ده وخاصه الناس بقت نفوسها ضعيفه ✋ لميس قطعت كلامنا قالت ليهو بابا ثودني معات قال ليها ماشي الشغل حبيبتي بس اوعدك المساء ح اسوقكم احلي مشوار اوك وغمز لي 😉 يلا حبيباتي وسلم علي وعلي بتو في خدنا وطلع 😘 وانا لسه ما واثقه في كلامو وقاعده في نار الشك بعد ساعه فتحت التلفون اتصلت علي ابوي قلت ليهو سامر جا الشركه عشان بتصل عليهو ما بيرد قال لي اي قاعد في الشركه وهسي جنبي هاك ليهو اتخلعت قفلت الخط 😅 بعد ربع ساعه سامر اتصل قال لي عايزه حاجه قلت ليهو لا مافي حاجه قال لي تمام قلت ليهو ح تتاخر قال لي لا بس عندي مشوار صغير بعملو واجيكم وقفل الخط 😒 العصر وانا طالعه من الغرفه لقيت سامر في وشي اتخلعت قلت ليهو جيت متين 😳 قال لي هسي رجعني الغرفه وقفل الباب ضماني وقال لي اتصلتي علي ابوك لشنو قلت ليهو كنت عايزه اسلم عليهو 😓 قال لي تسلمي عليهو ولإ تتجسسي علي اني صح في الشركه ولأ لا 😅 غلبني ارد عشان كلامو صح قلت ليهو طيب بعد الشركه مشيت وين قال لي مشيت لأمي اها تحبي تتصلي تسأليها وضحك 😘 قلت ليهو يااااخ بعد ده خلاص نرجع بيتنا قال لي ونسيتي ده برضو بيتنا ولو قصدك مع امي ما ح نرجع الأ ينضفو الشقه قلت ليهو ما عندنا علاقه بيها قال لي ما بكون مطمن علي بتي هناك وكل يوم بنسمع عن اغتصاب الأطفال وبالمناسبه من الليله خلاص ح ارتاح من لميس قلت ليهو كيف يعني 😳 قال مشيت البيت جبت حاجات حمودي وعم عبدو من المدرسه ح يجيبو هنا وتاني لميس ح تلعب معاهو وتخلينا نتفرغ لبعض قلت ليهو بجد حمودي جايي 😍 بس في زول بقول يرتاح من بتو 😒 قال لي لم تكون محتله مكاني في السرير يبقى لي حق اقول كده 😅 وفعلا حمودي جا من المدرسه ولميس عايزه تطير من الفرح 😍
المساء سامر جا داخل الغرفه قلت ليهو وين لميس قال لي لميس خلاص رحلت غرفتها مع حمودي بس في انا ما بنفع 😌 رقد وضماني عليهو بعد شويه لميس جات تدق في الباب ماما افتهي عايزه اقوم سامر مسكني وقفل خشمي عشان ما ارد همس لي لو سكتي بتقول إنتي نايمه وح ترجع غرفتها 😊 قلت ليهو خوفي تحصل ليها حاجه 😓 قال لي طال ما نحن مع بعض ما بتحصل ليها حاجه وهي لسه تدق في الباب ماما افتهي جا حمودي ساقها قال ليها شجن بتكون نامت 😓 سامر قال لي المفروض اعتقلك معاي في الغرفه سنتين ما تطلعي منها قلت ليهو بخلعه ليييه 😳 قال لي تعويض عن الايام الفاتت قلت ليهو بعدنا من بعض شهر ونص عملتها سنتين قال لي لو شايفاها بسيطه انا بالنسبه لي كانت سنتين بس الحصل حصل وبتمني يكون اخر خلاف بينا 😘
اليوم التاني صحيت بدري وسامر لسه نايم في اللحظه دي تلفونو رن برساله انتهزت الفرصة مديت يدي شلتو وفتحت الرساله 😓 ""
#يتبــــع ⏪⏪⏪⏪
