ابوي قال ماشي عمو عبد الفتاح قال ليهو الأ تقعد تتعشنا معانا بس ابوي رفض 😓 وكنت عايزه امشي معاهم بس سامر فاجأني وقال لأبوي تسمحي لينا نمسك حمودي معانا نطت محاسن قالت ليهو طوالي ما عندنا مشكله ✋ ابوي قال ليهو لا ده مشاغب بجننكم قلت لأبوي خلاص انتظروني امشي معاكم انا 😍 قال لي لا ما تمشي إنتي جيتي هسي خلاص حمودي الـ يقعد معاكم ✋ وأنا ما صدقت فضلت حاضناهو عمو عبد الفتاح قال لي ادخلي ارتاحي من تعب السفر 😊 وفعلا دخلت الغرفه ومعاي حمودي رقدتو في حضني وبديت اسأل فيهو من معامله محاسن قال لي طوالي بتنهرني وبتحب احمد أكتر مني بتديهو قروش وانا بتقول لي ما عندي 😔 بقلبي قلت ليهو عشان احمد ولدها الحقيقي ودموعي نزلت 😭 باب الغرفه فتح مسحت دموعي سامر جا داخل قال لي ٲبوك ظريف قلت ليهو تسلم فتح الباب ونادى ساره قال ليها حضري الغرفه الـ جنبنا دي لـ محمد ✋ قالت ليهو هادر وقال لـ حمودي تعال معاي قلت ليهو سامر انا عايزه حمودي ينوم جنبي ولو بيضايقك ح امشي انوم معاهو في الغرفه التانيه 😢 قال لي ابدا ما بيضايقني بس هسي سايقو معاي العربيه نسيت فيها حاجه ✋ وفعلا شال حمودي ونزل بيهو الجنينه تحت وقعدو في الكراسي سامر قال
لـ حم ودي شجن كانت بتبكي ليييه حمودي ما فهم السؤال قال ليهو شنووو 😓 قال ليهو طيب انا صاحبك صح 😊 حمودي هز راسو لااا طبعا عشان ما بيعرفو سامر قال ليهو لو اشتريت ليك شوكلاته بنبقى اصحاب حمودي هز راسو اي 😍 قال ليهو يلا احكي لي زي ما حكيت هسي لـ شجن عشان اشتري ليك شوكلاته كتيره ✋ حمودي قال ليهو شوفت محاسن بتشاكلني وبتحب أحمد أكتر مني طبعا سامر اتصدم من كلامو قال ليهو أحمد منو 😳 قال ليهو ياااخ انت ما بتعرف أحمد طبعا سامر ما عارف انو أحمد ولد محاسن بس قال لـ حمودي اي صح بعرفو 😊 وجو راجعين الغرفه حمودي قال لي شجن الولد ده قال ح يشتري لي شوكلاته كتيره وح نبقى اصحاب وأشر علي سامر قلت ليهو حمودي ده اسمو سامر وعيب تقول لزول إشتري لي حاجه 😒 نط سامر قال لي انا الـ قلت ليهو عايز اشتري ليك قلت ليهو لا ما تشتري ليهو عشان ما يتعود 😓 وحضنت حمودي ونمنا علي كده الصباح حسيت بزول بصلح لي في البطانيه فتحت عيوني سامر قال لي بعتزر لو صحيتك بس الجو بارد عليكم ✋ قلت ليهو ما مشكله اصلا كنت ح اصحي لاحظت لـ حمودي نايم جنبي واتزكرت اني في السودان من غير ما اشعر ولأ اراعي لـ وجود سامر بوسته حمودي شديييد في خدو لحدي ما صحى 😘 سامر قال لي حرام عليك قطعتي نومتو قلت ليهو ايامو كلها نايم عشان كده الليله عايزه يصحي معاي 😍 قلت ليهو سامر ما اتونست مع ابوي عايزه امشي ليهو قال لي اوك اجهزي بوصلك بس عندي سؤال بسيط أحمد ده منو ؟؟ اخوك 😊 قلت ليهو لا اخوي مصعب الصغير بس احمد ده ولد محاسن مرت ابوي 😓 سامر هز راسو وسكت قلت ليهو بتسأل لييه وعرفت اسمو من وين 😳 قال لي بسأل حب إستطلاع وسمعت اسمو امس عند محاسن 😊 وفعلا طلعنا بعد وصلني بيتنا سامر رجع البيت وقال لأمو عايز اعرف اي حاجه عن شجن من طفولتها ✋ امو قالت ليهو والله طفولتها انا ما بعرف عنها حاجه و حكت ليهو عن معاناتي مع مرت ابوي 😔 بس لو عايز تعرف طفولتها أسأل عفاف مرت عمك كانت صحبة امها ربنا يرحمها بتعرف عنها أي حاجه ✋ وانا قاعده في بيتنا وما لحقت اتونس مع اخواني سامر اتصل قال لي شجن انا واقف برا تعالي اتخلعت طلعت لقيتو واقف جنب العربيه وفتح لي الباب قال لي أركبي قلت ليهو سامر في شنو 😳 وعيونو كانت حمرا زي الشرار قال لي خلينا نصل البيت دخل وجا شايل حمودي ركبو ورا قلت اكيد في حاجه حاصله عندهم في البيت 😢 ونحن في العربيه حمودي قال لـ سامر نسيت شبطي مع احمد 😔 قال ليهو بجيبو ليك " حمودي سكت مسافه وقال شجن رجلي وسخانه فيها تراب سامر قال ليهو ما مشكله " حمودي تاني قال ليهو سامر أنا عايز شبطي من احمد سامر قال ليهو بحده قلت ليك بجيبو ما تكتر كلامك 😠 حمودي اتخلع وانا زاتي اتخلعت من حدة الصوت 😱 قلت ليهو سامر وقف العربيه قال لي شجن انا اسف 😓 قلت ليهو سامر لو سمحت بركن العربيه طلع من الظلط وقفها انا نزلت قال لي شجن ماشه وين 😳 ما رديت عليهو نزلت ركبت مع حمودي ورا وحضنتو علي لقيت حمودي ضربات قلبو زايده من الخوف 😢 ما قدرت استحمل دموعي نزلت سامر شافني بالمرايه ناولني منديل قال لي شجن بالجد بعتزر بس انا ساكته وحاضنه حمودي علي 😓 وسامر زاد في السرعه في دقايق وصلنا البيت وكل واحد فينا ساكت بعد نزلنا سامر علي طول دخل الغرفه وانا مسكت يد حمودي ودخلت معاهو غرفتو بس كنت محتاجه إتكلم وافضفض 😓 فكرت امشي لـ ماما سهير قلت لـ حمودي اقعد هنا هسي بجي راجعه وفعلا مشيت ليها في غرفتها واول ما دخلت سألتها سامر ليييه زعلان انتو حاصله عليكم حاجه 😰 قالت لي خليهو يهدأ وبيتفاهم معاك بس يا شجن عندي سؤال سامر كان بعاملك كيف في أمريكا 😓 قلت ليها كويس ما حبيت ابيش ليها ولدها في الآخر هي أم وما بتحب تشوف ولدها بصوره سيئه 😢 قالت لي يا شجن انا عارفه ما كان بعامل كويس 😔 واحتمال حس بالذنب بس والله انتي ما خيبتي ظني من شوفتك قلت دي البنت المناسبه لـ ولدي لانك بنت ستره وهسي انتي اثبتي لي كده 😘 واكيد سامر ح يجي يوضح ليك سوء التفاهم هو صاح متهور في تصرفاتو بس بتراجع عن الغلط وربنا يسعدكم يا بتي " استأذنت منها وطلعت وبقلبي بقول طيب لو عندو إحساس الذنب من ناحيتي ليييه بتكلم مع حمودي بحده كده 😏 يعني عشان حمودي قاعد في بيتهم بس هو الأصر عليهو يقعد معانا 😒 بتكلم مع نفسي كده لحدي ما وصلت غرفة حمودي لقيتها فاضيه قلت احتمال في الحمام فتشتو ما لقيتو 😓 وانا نازله لقيت ساره قلت ليها شوفتي حمودي قالت لي اي هسي تلع مع سامل قلت ليها لا جا راجع معانا ✋ قالت لي لا هسي هسي ساعة انت مع ماما سامل ماسكو من يدو وتلعو 😊 بعد سمعت كلامها طلعت بسرعه الغرفه واتصلت علي سامر اول ما رد قلت ليهو حمودي معاك قال لي اي وسمعت صوت حمودي صرخ 😰 قلت ليهو سامر بتعمل ليهو في شنو سامر الله يخليك والله ح ارجعو بيتنا بس ما تأذي 😭 قال لي انتي بتقولي في شنو 😳 وقفل الخط في وشي تاني رجعت اتصلت عليهو ما رد 😰 جريت غرفة ماما سهير قلت ليها عليك الله اتصلي علي سامر كلمي يرجع حمودي قالت لي يا بن ت قولي بسم الله في شنو 😳 قلت ليها بس عايزه حمودي وانا ببكي 😭 ماما سهير اتصلت علي سامر قالت ليهو انت وين قال ليها في الطريق جايين قالت لي يا بتي اهدي خلاص قربو يصلو 😊 والخط كان فاتح سامر قال ليها دي شجن قالت ليهو اي متجرسه عشان حمودي سامر قفل الخط انا نزلت انتظرتهم تحت بعد ساعه كامله لمحتهم داخلين حمودي ماسك يد سامر ويضحكو واول ما سامر شافني صر وشو 😒 وقال لـ حمودي امشي لـ شجن خليها تفحص جسمك ما اكون أذيتك 😡 امو قالت ليهو كان تكلم شجن انك سايقو معاك قال ليها اكلهما في حالة اكون زول غريب ولأ بالجد انا غريب 😒 قالت ليهو ماكده بس عشان ما تقلق عليهو قال ليها المره الجايه بكلمها وطلع غرفتو وانا ساكته ودخلت مع حمودي غرفتو وكان شايل كيس هدايا قلت ليهو ده شنو قال لي دي استراها لي سامر 😍 قلت ليهو انا قلت ليك ما تشحد زول حاجه صح 😒 قال لي بس انا ما قلت ليهو هو براهو جا ساقني قلت ليهو طيب لييه ما جيت كلمتني انك طالع مع سامر تاني ما تمشي مكان من غير ما تكلمني تمام 😘 هز لي راسو بـ حاضر فتحت الكيس لقيتو مشتري ليهو شبط وجزمه وكم لعبه بقلبي قلت فاكر بقروشي دي بيتحكم فينا 😒 حمودي طلع الألعاب يلعب بيها وانا راقده وماسكه بطني بقلبي قلت معقول أبوك بـ غرورو ده ح يتقبلك وجودك بعد يعرفك 😔 يا ريت لو كان اجهضتك وريحتك منو بتكلم كده باب الغرفه فتح رفعت راسي لقيتو سامر اتخلعت 😳 زحيت يدي من بطني وقلت ليهو الواحد بيدق الباب حتي يدخل 😒 قال لي انت مرتي وده طفل فما في داعي ادق الباب واتلفت علي حمودي قال ليهو حمودي شيل حاجاتك وامشي لـ ماما سهير عشان تشوفها 😊 وحمودي قاعد في مكانو وبعاين لي 😓 سامر قال ليهو حمودي ما سمعتي قال ليهو بس شجن قالت لي ما تمشي مكان غير ما هي تقول لي أمشي 😢 سامر اتلفت قال لي بحده براڤو يا شجن إديتي تعليمات ما يسمع كلامي براڤو عليك 😒 قلت ليهو انا قلت ليهو كده بصوره عامه واتلفت علي حمودي قلت ليهو انزل مع ساره تحت وانا بجيك هسي بس ما تمشي لـ ماما سهير عشان عايزه تنوم 😊 سامر جا شالو وقال لي ما تخافي ما ح اختطفو عشان ما تعملي دراما زي قبل شويه وفعلا ساقو لغرفه ماما سهير وقال ليها امسكي معاك ✋ وانا هنا قاعده منتظره سامر ومتوتره بس قررت المره دي اكون قويه سامر جا داخل وقفل الباب قال لي فسري لي الـ عملتي ده 😒 قلت ليهو اخوي ومن حقي اخاف عليهو 😏 قال لي تخافي عليهو مني يعني في نظرك انا مجرم حتي لو كانت دي حقيقتي بس اكيد ما بصل لدرجه اني اكون سفاح وأأذي لي طفل 😠 قلت ليهو الطريقه الصرخت بيها في حمودي جنبي ممكن اتوقع بعدها أي حاجه 😒 قاطعني قال لي شجن صرخت نتيجة زعل وفي لحظتها اعتزرت منك وهسي اعتزرت من حمودي بطريقه يفهمها بس للاسف صدمتيني بتصرفك 😓 قلت ليهو ممكن تفضي زعلك في اي زول حتي لو اترفزت فيني ممكن اعديها ليك واستحمل بس حمودي بالنسبه لي خط احمر ما برضى فيهو وبعدين سمعتو يصرخ في التلفون عايزني اعمل شنو 😒 قال لي والله كنت غضبان من نفسي والغضبان بيتصرف من غير ما يوعى وحمودي صرخ عشان جات كديسه جنبو وانتي تقريبا عارفه قصة خوفو من الكدايس بس يا ستي بعتزر للمره التانيه ✋ وللمعلوميه انا ما قاعد اعتزر لزول قلت ليهو وانا ما جبرتك تعتزر لي 😏 قال لي بس ما بستحمل اشوفك زعلانه والله عندك حق ما تصدقيني بس الزمن ح يثبت ليك اني اتغيرت كتير ✋ بس ليييه يا شجن لم كنت بسألك عن حياتك ما حكيتيها لي بالتفصيل وكذبتي علي انك عشتي احلي طفوله 😔 وفي اللحظه دي دموعو إتملت قلت ليهو والعبره خانقاني انا ما كذبت عليك بالجد عشته أحلي طفوله أيام أمي كانت حيه عشتها بكل تفاصيها بس مآساتي بدأت بعد وفاتها 😢 واضطريت أشيل بعدها مسؤوليه أكبر من عمري عشان كده ماعايزه حمودي يمر بنفس المأساة طبعا سامر غلبو يسمع كلامي للآخر طلع من الغرفه وانا بعد استرجعت الذكريات رقدته في السرير وغتيت وشي وببكي 😭 بعد ساعه سامر جا داخل شايل حمودي نايم ختاهو جنبي وباسو قال لي يشهد الله انتو أغلي اتنين في حياتي ومسك يدي قال لي نرجع غرفتنا عشان حمودي ياخد راحتو 😘 لاحظت لـ سامر عيونو حمراء زي الشرار من كترة البكا واول ما دخلنا الغرفه قربني منو وقال لي شجن أوعديني إنو اي حاجه تحتاجي ليها من اي ناحيه حتي لو عايزه تفضفضي أوعديني اني اكون أول شخص تلجئي ليهو هزيت ليهو راسي بـ حاضر 😊 رقدنا وضماني عليهو ونظراتو لي كانت حزينه قلت ليهو سامر انا مخصوص ما كلمتك عشان ما بحب نظرات الشفقه دي بحب الناس تتعامل معاي طبيعي عشان ما احس بإني عاجزه 😢 مسح خدي وقال لي والله إنتي أقوي بنت قابلتها في حياتي 😘 قلت ليهو خلاص اتعامل معاي عادي گأنك ما عرفت ماضيني لأنو انا زاتي اتخطيت المرحله دي وعايزه أنساها ✋ قال لي اتعامل معاك عادي طيب ح أحاسبك علي كلامك لي في التلفون إتخلعت قلت ليهو ياتو كلام 😳 قال لي كيف تقولي لي ح ترجعي حمودي 😒 ابتسمت لأنو كنت فاكره الموضوع كبير مسكني من حنكي قال لي ما تضحكي انا جادي معاك عايزه ترجعي وين 😒 قلت ليهو لـ بيت أبوي عشان لم اتنرفزت فيهو كنت فاكره إنك متضايق من وجودو 😢 قال لي كيف تفكري بالطريقه دي حبيبي خليك متأكده إنو البيت ده بيتك إنتي وحمودي قبل ما يكون بيتنا بس ما تتهوري وتطردي امي وابوي عشان ح يطردونا ابتسمت ابتسامه عريضه قال لي بس دي العايزه اشوفها بصفه مستديمه 😍 العصر قاعدين تحت نتونس وانا طول الوقت حريصه اني ألبس جلبابات واسعه وألبس تياب عشان الحمل ما يظهر 😓 بس ماما سهير فاجأتي بالسؤال وقالت لي يا شجن يا بتي والله عندي سؤال واقف لي في حلقي عايزه اسألك ليهو وكل مره بسكت بس هسي غلبني 😊 قلت ليها اسألي يا ماما قالت لي شجن انت حامل طبعا السؤال خلاني مخلوعه زي الكديسه الراشنها بالمويه 😳 سامر همس لي قال لي عشان تصدقي كلامي لم قلت ليك بطنك كبيره اعملي ليها رياضه 😅 وانا ساكته وماما سهير معلقه في السؤال ومنتظره اني اجاوب ليها وقعت في مصيبه ما عارفه اتحلى منها كيف 😔 قالت لي اهااا يا بتي ردي علي ✋ ""
يتبــــع ⏪⏪⏪⏪
