بكره مواعيد الإجهاض وانا لسه مُصِره أنزل الجنين 😔 اصبحنا الصباح قلت لـ سامر وصلني لـ هبه قال لي حاضر بس بشرط من الشغل ح تجي راجعه معاي يعني ما في نوم برا البيت 😊 بقلبي قلت كيف اجي راجعه معاك وانا عامله العمليه 😳 علي الأقل محتاجه اسبوع عشان اقدر اتحرك ✋ قال لي ساكته مالك ناويه تقعدي عندها ولأ شنو 😒 قلت ليهو لا لا بجي راجعه وفكرت بعد يوصلني اتفق مع هبه تتصل تكلمو اني ح أقعد معاها أساس هي الـ مسكتني ✋ قال لي تمام حضري حالك وفعلا وصلني عندها واول ما دخلت وسلمت علي هبه قلت ليها اجهزي عشان ما نتأخر علي الدكتوره ✋ قالت لي يعني مُصِره يا شجن في زول بتنازل من طفلو بالبساطه دي 😢 قلت ليها والله نفسي أجيبو واشيلو في حضني بس في نفس اللحظه ما عايزه يعيش متعذب وقعدت ابكي 😭 قالت لي ومنو الـ قال ليك ح يعيش متعذب طفل عندو ام زيك وابو زي سامر الـ بعذبو شنو 😳 قلت ليها بس أبوهو ما متقبل وجودو 😢 قالت لي انتي كلمتي سامر قلت ليها لا وما ح أكلمو 😔 قالت لي يا بنت انتي هبله طيب كلمي وشوفي ردة فعلو ح تكون كيف من الفرحه 😍 قلت ليها لا وانتي عليك الله برضو ما تكلمي 😔 قالت لي اوك وفي آخر لحظه غيرت رأيي وقررت اني أوضع الطفل وأتحمل مسؤوليتو أنا ✋ المساء سامر جا يسوقني هبه قالت ليهو خليها تنوم معاي بس سامر رفض ورجعنا البيت قال لي اتحممي مسافة جهزت الأكل 😊 وفعلا حضر السفره وناداني لم جيت طالعه لقيت الأكل كلو بالشوكه والسكين مافي ولا عيشه 😒 حاولت اجرب امسكهم بس إتراجعت وقلت ما إتهور لأنو لو غلطت أكيييد سامر ح يضحك فيني 😏 وفضلت اكل بيدي في بطاطس الشيبس وسامر بدأ ياكل بالشوكه والسكين ويعاين لي بقعر عينو 😒 قال لي باقي الأكل ما عاجبك ولأ شنو مركزه بس في الشيبس قلت ليهو ما كده بس ما جعانه 😓 طبعا عايزني بـأي طريقه امسك الشوكه عشان يستهزأ بي 😏 في الاخر قال لي شجن اكلي بالشوكه والسكين 😊 قلت ليهو خلاص شبعت عايزه اقوم جا بوراي قعدني في الكرسي قال لي امسكيها كأنك عايزه تاكلي مسكتها زي ماهو كان ماسكها قال لي كده غلط 😊 عايزه ارجعهم قال لي لا خليهم بس المسكه الصحيحه السكين باليمين لكن عشان نحن بناكل باليمين بنمسك الشوكه كده 😊 مسك يدي وبدأ يعلمني كيف اقطع اللقمه وكان واقف وراي و خدو متلصق مع خدي قال لي ما تفكري في حاجه تانيه عشان ما تتوري بس ركزي في الصحن ✋ ورفع يدو مني وبديت آكل براي وهو يشجع فيني لحدي ما انتهينا 😌 بعدها دخلت الغرفه لقيت ورق في السرير ما فهمت فيهو حاجه شلتو رميتو في الدولاب الصباح سامر قال لي شجن كان في ورق قابلك قلت ليهو اي في الدولاب 😓 دخل إتناولو وجا قال لي ما فتحتي شوفتي مكتوب شنو قلت ليهو لا 😒 قال لي بس الورق ده بخصك انتي قلت بخصني في شنو 😳 ناولني الورقه قال لي اقريها وانتي تعرفي 😊 شلتو وفضلت أعاين للورق وكلو مكتوب بـإنجليزي سامر من نظرتي اتزكر اني ما بعرف أقراها 😓 قال لي اهااا طيب تعالي قعد جنبي وترجم لي الورقه لقيتها تذكره طيران للسودان من الفرحه دموعي نزلت 😍 سامر قال لي للدرجه دي كنتي حابه ترجعي السودان 😒 ما رديت وطبعا السفر بعد اسبوعين 😍 وفضلت احسب الأيام بالساعات والثواني وفضل للسفر يومين سامر قال لي شجن المساء معزومين سهره برا قلت ليهو مافي داعي 😓 قال لي عاملنها لينا اصحابي وضروري نمشي قلت ليهو امشي انت قال لي وانتي الـ بيمنعك تمشي شنو 😒 قلت ليهو ما برتاح وسطهم ونظراتهم بتحسسني إني اقل منهم 😔 قال لي ده كلو لأنك ما واثقه في نفسك الليله ح تمشي وح تغيري النظرات دي بيدك ✋ قلت ليهو بس قاطعني قال لي شجن ح نمشي ولو ما عجبك الوضع ح نجي راجعين اوك ✋ بقلبي قلت ليهو انت اول واحد بتحسسني بضعفي 😢 وفعلا المساء اتجهزت ولبست البنطلون وبقلبي قلت اخيرا ده اخر يوم ألبس كده 😍 جا سامر داخل قال لي شجن غيري لبستك دي ألبسي فستان المغرور ده عايز يجنني كل مره عندو رأي مختلف 😒 لبست الفستان وطلعنا اول ما وصلنا قال لي خليك واثقه من نفسك انك احسن منهم كل الإختلاف البينكم اختلاف لغات ما أكتر 😊 وده ابدا ما بيقلل من قيمتك اوك وحتى هم بيتمنو يفهمو العربي الإنتي بتتكلمي ده ✋ وصلناهم واستقبلونا ومن ضمنهم البنت الأجنبيه الإسمها كرستينا وجات كالـعاده تسلم علي سامر في الخدود زي كل مره بس سامر زح راسو لـ ورا وهز ليها راسو لااا ورطن معاها بالإنجليزي 😓 هي ابتسمت ورطنت معاهو واتلفتت قالت لي Sorry دي الكلمه الوحيده الفهمتها مع انو كان نفسي افهم باقي الكلام بس عدم التعليم مشكله 😔 طلبو العشاء وما صدقت انو فيهو عيش عشان ما اتحرج جنبهم 😍 بس المغرور ده زح العيش من جنبي وخت لي الشوكه والسكين 😒 وعمل روحو كـأنو ببوس فيني وهمس لي في اضاني قال لي ما تترددي امسكيها زي ما انا بعمل وبعدين انتي خلاص اتعلمتي 😊 بس ما تخافي عشان يدك ما ترجف واعتبرك روحك قاعده براك في الصفره وباسني في خدي 😘 ومسك الشوكه والسكين وهز لي راسو نظام امسكهم وفعلا استجمعت شجاعتي ومسكتهم وبديت اعمل زي ما هو بيعمل ابتسم لي وقال لي بهمس براڤو 😉 انا زاتي ما مصدقه اني باكل بيهم 😅 والسهره بالجد كانت ظريفه هم يتونسو معاي سامر يترجم لي وانا ارد ليهم يرجع يترجم ليهم كنت ظالماهم 😅 بس كرستينا ام شعر أشقر دي اصلا ما حبيتها خفيفه وتتلصق في اي ولد من غير خجل 😒 طبعا المشروب انا وسامر زي بعض والكبابي مليانه بس هم بشربو في قعر الكبايه كان نفسي اشرب نفس مشروبهم عشان إتذوق طعمو بس المتكبر ده طلب لينا عصير مختلف 😒 بعد انتهينا رجعنا البيت سامر قال لي السهره كانت كيف قلت ليهو حلوه قال لي طيب نظرتهم ليك كانت كيف حسيتي بيها فيها حاجه 😊 هزيت ليهو راسي لا قال لي لأنك انتي الـ بتحددي للناس الطريقه الـبيعاملوك بيها ✋ وبعدها سكت مسافه وقال لي شجن اعملي حساب وزنك بدت تظهر ليك كرش 😊 هزيت ليهو راسي حاضر ودخلت الغرفه وده طبعا نتيجة الحمل اصبحنا اليوم التاني ولسه سامر مٌصِر انو يستفذني بـ بطني وما عارف ده طفلو 😒 قال لي شجن انتي لسه صغيره وجسمك حلو بس ما تخربي بالبطن حاولي اعملي رياضة شد البطن و ابعدي من المويه البارده ✋ قلت ليهو حاضر المساء جات هبه وعمار يودعونا وكانت احلى ونسه بعد خلاص طالعين عمار همس لـ سامر قال ليهو بتمنى اول ما تنفصل من شجن تديني خبر عشان احضر روحي إرتبط بيها ✋ سامر قال ليهو الله يسلمك وطنش كلامو ما رد عليهو بس معالم وشو اتغيرت وطبعا الحوار ده كلو وانا ما عارفه لأني كنت بتونس مع هبه وكانت بتقنع فيني اكلم سامر بالحمل 😓 ودعونا وطلعو وانا عايزه انوم بأي طريقه عشان الزمن يمر بسرعه واصحى ألقى روحي في المطار 😍 وفعلا الساعه 3 صباحا سافرنا ونزلنا في قطر في فندق ح ناخد يومين في الفندق وبعدها نواصل 😍 سامر قال لي شجن يوم مسافرين امريكا إنتي و عمار نزلتو في دبي صح طيب الـ كان قاعد معاك في غرفة الفندق منو 😊 قلت ليهو بنت اسمها نهال قال لي وعمار كان قاعد وين ؟؟ قلت ليهو في غرفه منفصله ولسه شغال يحقق معاك وما عارفه الغرض شنو من الأسئله دي كلها 😒 وبعد الأسئله إنتهت قال لي تصبحي علي خير بكره ورانا سفر 😓 وفعلا اليوم التاني ركبنا الطياره واخيره وصلنا مطار الخرطوم وحسيت بسعاده وراحه نفسيه ما تتوصف 😍 وبعد طلعنا من المطار استقبلنا عمي عبدو السواق "
في الطريق قلت لـ سامر كلم السواق يوصلني بيت أبوي 😍 قال لي لا ح نمشي البيت وأهلك تجيهم بكره قلت ليهو ما بقدر انتظر لـ بكره 😒 قال لي استحملتي الشهور دي كلها وإنتي بعيده منهم غالبك تنتظري يوم زياده 😊 المتكبر بتكلم معاي بكل برود عشان هو ح يقابل اهلو وانا يقول لي تمشي ليهم بكره 😏 لم قربنا علي البيت سامر اتصل علي عمو عبد الفتاح قال ليهو حضر الأمانه لانو خلاص وصلنا 😊 وفعلا دخلنا البيت وماما سهير وعمو عبد الفتاح وحتي ساره الشغاله كانت الفرحه ظاهره فيهم والسلام بالأحضان 😘 طبعا سامر ليهو سنتين ما جا السودان عشان كده فرحتهم كانت ما بتتوصف وحتي انا ما قصرو معاي في الإستقبال 😍 بس فرحتي كانت ناقصه لحدي ما سمعت صوت بقول لي شجن جاني زي صوت حمودي قلت اكيد بيتخيل لي 😢 تاني سمعت الصوت اتلفت لقيتو فعلا ده حمودي وابوي ومحاسن ما صدقت قمت حضنت ابوي وانا ببكي وحضنت حمودي وسلمت علي محاسن 😍 ومحاسن شغاله تكسر لي تلج وتقول لي كيف يا بتي ومشتاقين يا بتي وانا قاعده وضامه علي حمودي سامر قال لي اخيرا فكيتي التكشيره 😂 طبعا سامر اول مره يقابل اهلي بعد مسافه ابوي إستأذن وقال ماشي البيت ✋ عمو عبد الفتاح قال ليهو الأ تقعد تتعشنا معانا بس ابوي رفض وكنت عايزه امشي معاهم بس سامر فاجأني وقال لأبوي 😳 ""
يتبــــع ⏪⏪⏪⏪
