دخلت اتحممت لم جيت طالعه سامر كان قاعد في الكرسي وحسيت بيهو ما طبيعي وكان بتجاهل يعاين لي في وشي 😰 وزي الـ في كلام عايز يقولو بس متردد قلت ليهو سامر في حاجه 😊 سكت مسااافه وقال لي طبعا يا شجن نحن الاتنين اتزوجنا ضد ارادتنا برغبة اهلنا انا ما عارف السبب الـ خلاك توافقي بالزواج ده شنو وانتي ما بتعرفي عني حاجه غير شكلي الـ في الصوره 😓 بس انا وافقت لأني كنت مضغوط من أهلي امي قالت لي ما عافيه منك لو ما عرست البنت دي وكانت مرسله لي صورتك 😓 وابوي قال لي انو ح يكتب لي العماره والشركه بإسمي لو قبلت اتزوجك 😔 وبصراحه الأتنين ما بقدر اخالف رأيهم وخاصه إني ولدهم الوحيد وكل أمالهم علي عشان كده وافقت ✋ وانا بسمع فيهو وساكته قلت أكيييد عايز يقول لي نبدأ صفحه جديده 😍 بس صدمني لم قال لي بعتزر علي كل الحصل بينا أمس وزي ما عارفه حصل نتيجه ضعف مننا الأتنين طبعا اتخلعت رفعت راسي 😳 لقيت سامر منزل راسو في الأرض وبتكلم واصل كلامو وقال لي دي اكبر غلطه غلطناها في حق بعض بس اوعدك انها ما تتكرر ✋واصلا بعد 3 شهور ح ننزل السودان وح ننفصل من بعض لانو لا انا شريك حياتك الـ كنتي بتحلمي بيهو ولا انتي شريكة حياتي الـ كنت بتمناها وزواجنا كان بالجبُر 😓 عشان كده اول ما ننزل السودان ح نفهم اهلنا انو انا ما نفعت معاك وانتي طلبتي الطلاق وكده ح نكون راضينا اهلنا بالزواج وراضينا علي روحنا بالإنفصال وكده نحن الكسبانين ✋ انا ح اكون كسبت رضا امي وكسبت الإستثمار من ابوي وانتي برضو ما خسرانه اعتبري دي كانت رحله سياحيه بالنسبه ليك ✋ وبصوت مكسور قال لي صح ما بقدر ارجع ليك الـ شلتو منك امس بس اوعدك إني اعوضك بدلها مبلغ مالي القروش الإنتي بتطلبيها انا موافق عليها ✋ ولو ما واثقه فيني وما بتنتظري لحدي ما نرجع السودان ممكن اديك ليها دولار تمسكي عندك وبعد ترجعي السودان تحولي لقروش سودانيه وبعتزر ليك للمره التانيه علي الحصل وبتمنى تمحي من زاكرتك قال لي كده وطلع 😰 الحيوان فاكر كل حاجه ممكن يشتريها بقروشو الـ غبي المتكبر 😒 وانا واقفه مصدومه لدرجه ما قادره ابكي 😔 قلت اكيد ح يجي راجع ويقول لي بهظر ولا يكون عاملو مقلب بس مرت ساعه وما جا راجع بعدها بديت افوق من الصدمه واستوعب الحصل وانو كان جادي في كلامو والدموع نزلت عشره عشره 😭 فتحت التلفون اتصلت علي هبه بس ما بترد كنت محتاجه افضفض معاها 😓 وطول اليوم كنت قاعده في الغرفه ما طلعت منها لحدي ما سامر جا راجع من الشغل كان بدق في الباب وبناديني شجن يا شجن وانا ساكته فتح الباب ودخل عاينت ليهو بإستحقار 😒 قال لي بعتزر عشان فتحت الباب بالطريقه دي بس اتصلت عليك ما بتردي وهسي ما برضو ما رديتي افتكرتك وسكت طبعا افتكرني انتحرت 😅 اتحمم وطلع جا قال لي شجن الغداء جاهز قلت ليهو ما عايزه قال لي شجن انتي من الصباح ما أكلتي حاجه صح وعدم الأكل ما بيحل مشكله 😒 ولازم ننسى الحصل عشان نقدر نعيش مع بعض وانا مستعد ادفع ليك من جنيه لـ مليار ✋ قلت ليهو سامر اطلع برا عايز يتكلم قلت ليهو سامر ما عايزه أسمعك واطلع برا وفعلا طلع وانا ما عندي حل غير أبكي عشت ليله زوجيه كامله بكل تفاصيلها عايزني انساها في ثانيه 😭 وفكرت في كلامو اني اشيل القروش ع الاقل تكون الخس اره اقل صاح ح اكون خسرت كرامتي بس ما بتهمني قصاد مصلحة حمودي 😔 والقروش كلها اصرفها علي محمد وانا اصلا كان هدفي من العرس ده مصلحة أبوي وحمودي صاح ما كنت متوقعه المصلحه تكون بالطريقه دي بس في النهايه ده الحصل 😔 الوحده لم تبيع جسدها لـ غريب بتكون باعت شرفها وبيسموها عاهره بس انا بعت جسدي بالحلال لزوجي في الحاله دي يا رب برضو ح اكون زيهم 😭 المساء سمعت سامر بيتكلم بالتلفون مع عمار قال ليهو ما ملاحظ لروحك وجودك مع شجن بقى كتير وبقيت طوالي معاها 😒 عمار قال ليهو ما تفهمني غلط وبعدين ما قاعدين انا وشجن برانا ما تنسي هبه بتكون موجوده قال ليهو حتى ولو ومهما كان طبيعة العلاقه بينا انا وشجن في الآخر اسمها مره متزوجه يعني ما يحق ليك تقرب منها 😏 عمار قال ليهو انا هدفي من العزومه دي اني اعتزر ليها قال ليهو يكفي انك تعتزر ليها بكلمة اسف وهسي انا بعتزر ليها بدلك 😏 وحاليا لو ما شجن مشغوله بتلبس عشان طالعين نتعشى برا كان ناولتها التلفون تعتزر ليها بقلبي قلت كمان كذاب 😒 بعد قفل التلفون جا داخل الغرفه مسكت البطانيه وجريتها فيني قال لي بعتزر بس افتكرتك نايمه عشان كده ما دقيت الباب قومي العشاء جاهز ✋ قلت ليهو ما عايزه 😒 قال لي يعني ح تقعدي كده من غير ما تاكلي طيب انا بيدي شنو اعملو عشان اصلح غلطتي 😢 والله لو بقدر ارجع ليك حياتك الـ قبل الليله ديك كان رجعتها قاطعت كلامو قلت ليهو انا موافقه بالعرض القدمتو لي اني اعيش معاك الـ 3 شهور ونرجع السودان ننفصل بس عندي شرط ✋ قال لي اطلبي قلت ليهو من يوم الليله نعتبر روحنا منفصلين يعني ح ننفصل في اي حاجه الغرفه السرير واي شي مشترك 😓 قال لي اوك طيب حاليا قومي اكلي قلت ليهو ما عايزه طلع وجا شايل لي العشاء قال لي في فرق بين اننا نعيش منفصلين وبين نعيش متخاصمين 😒 يعني بتمني نتعامل مع بعض عادي وهسي قومي اكلي بمفردك وطلع وفعلا انا كنت جعانه لانو من الصباح ما اكلت وطبعا نهائي ما كلمني بـ عمار إنو اتصل يعتزر لي 😓 وعدا إسبوع سامر قال لي المساء جايين اصحابي وانا منعتهم يجيبو معاهم المشروب حقهم عشان كده بعد يجو اعملي ليهم عصير 😊 بقلبي قلت اصلا فضل كم شهر نشوف تاني الـ ح يخدمك زي الحبشيه منو 😒 بس رديت ليهو حاضر وفعلا وصلو وبعد سلمت عليهم وكالعاده لابسه البنطلون والقميص دخلت المطبخ اعمل العصير وانا مشغله الخلاط شعرت بواحد واقف وراي اتخلعت 😳 لم اتلفت لقيتو ده سامر جا شايل التوب ربطو لي في نصي وانا من الخلعه بقيت برجف فصلت الخلاط عايزه اشيل الجك يدي رجفت سامر لفتني عشان يصلح لي التوب الجك وقع واتدفع العصير فينا الإتنين 😓 قلت الليله يومك تم يا شجن هسي المغرور ده يصرخ فيك وعيوني علي وشك تدمع بس فاجأني لم قال لي اتكسر الشر في السودان بقولو كده صح تعالي بدلي ملابسك وهو دخل الغرفه عشان يغيِر انا مسحت مكان العصير وخلطت واحد جديد سامر جا داخل قال لي خليهو انا بقدمو ليهم انتي امشي بدلي ملابسك ما شرطي تجيهم راجعه 😊 بقلبي قلت ليهو من متين بقعد اتونس مع اصحابك 😏 دخلت الغرفه بدلت هدومي بعد شويه جا سامر قال لي زارونا تاني ضيوف تعالي سلمي عليهم لبست احلي بنطلون وقميص عشان ما يلقى فرصه ينتقدني 😏 وطلعت اسلم عليهم سامر من شافني جا محصلني قبل ما الضيوف يشوفوني رجعني الغرفه وطلع التوب من الدولاب وقفني قصادو وبدأ يربطو لي قال لي تاني ما تقابلي زول من غير توب لحدي ما اشتري ليك قمصان طويله ✋ وانا طبعا مغمضه عيوني الولد ده اتأكدته عندو انفصام في الشخصيه 😅 قال لي ما تخافي مني كل الـ عايز اعملو ألبسك التوب يعني ما عايز اتخطى حدودي مره تانيه عشان كده خليك ريلاكس وبعدين خلاص ألبسي براك اصلا ما عرفت ليهو وتعالي سلمي عليهم وطلع 😊 بقلبي قلت ليهو أجي عشان اسلم ولأ عشان تستهزأ بي قدامهم 😏 لبست التوب وطلعت سلمت عليهم ماشاء الله كتار لم يدي وجعتني وكانت معاهم بنت أجنبيه بعد سلمت كـالعاده جايه راجعه الغرفه بس اتفاجأت بـ سامر بناديني وبأشر لي اقعد جنبو 😳 اشرت ليهو براسي لااا 😓 ورجعت الغرفه سامر جا محصلني قال لي بدل تقعدي هنا بمفردك تعالي اقعدي معانا 😊 قلت ليهو بس القعاد معاكم زي لم اكون قاعده براي لأني ما بفهم كلامكم وبعدين عشان ما احرجك جنبهم 😏 مسك يدي وطلعني معاهو قال لي مافي حاجه بتعدي من غير ما تفهميها وقعدني جنبو وكل ما يتكلمو كان بتلفت يترجم لي كلامهم ودي اول مره أحس انو سامر عامل لي إعتبار 😍 وعدت الـ 3 شهور وسامر مشى يحجز للسفر بس حصلت تطورات لخبطت كيانا 😓✋ ""
يتبــــع ⏪⏪⏪⏪
