طبعا محاسن وعماتي بعد ما إتزوجت معاملتهم معاي اتغيرت 360° وفجأه بقو يحبوني 😌 لحدي ما يوم اتصلت علي محاسن وقالت لي ح نسوق حمودي يجي راجع يعيش معانا في بيت ابوهو زي الأول وانتي لو عايزه ترسلي ليهو مصاريف انا ما برفض ✋ طبعا العبره خنقتني ما قدرت ارد عليها قفلت الخط واتفقعت بالبكا 😭 جريت غرفة حمودي حضنتو علي وانا ببكي حمودي قال لي شجن مالك 😰 لميس نزلت تحت قالت لـ أبوها ماما تبكي سامر جا داخل واتخلع قال لي شجن في شنو 😳 ابوك حصلت ليهو حاجه هزيت ليهو راسي لا وحكيت ليهو انو ح يسوقو حمودي 😭 وقلت ليهو محاسن ما عايزه حمودي بس كل همها القروش عايزه تعمل معاي زي ما كان بتعمل مع خالتي بترسل لينا القروش عشان تصرفها علينا بس كانت بتصرفها علي نفسها 😭 وهسي عايزه تبعد مني حمودي عشان ارسل ليها قروش سامر فك مني حمودي وقال لي ما تقولي كده جنب الطفل 😒 مسح دموعي وضماني عليهو وقال لـ حمودي ولميس انزلو ألعبو في الجنينه 😊 بعد طلعو قال لي اطمني حمودي ما ح يطلع من هنا الأ اذا إنتي لسه مُصِره انك تبكي كده 😒 بس غريبه قبيل قابلت ابوك في الشركه ما قال لي حاجه 😓 قلت ليهو ده كلو من محاسن قال لي خلاص اعتبري الموضوع منتهي ✋ واليوم التاني الصباح بعد ما جهزت الاولاد للمدرسه جا حمودي قال لي شجن بالجد ح ترجعيني لـ خالتو محاسن وعيونو اتملت دموع 😰 ما كان بحبها حضنتو وقلت ليهو لا طبعا 😔 جا سامر داخل قال لي تاني يا شجن امس الموضوع ده قلنا انتهي صح لييه فتحتي تاني 😒 قلت ليهو بس ده حمودي الـ سألني 😔 سامر قعد في السرير ونادى حمودي وقفو قدامو قال ليهو حمودي انت عايز تقعد هنا ولأ تمشي لـ محاسن قال ليهو عايز اقعد معاك انت وشجن 😢 سامر ضماهو قال ليهو اصلا ده بيتك وما ح تمشي اي مكان صح يلااا هسي امشي المدرسه عشان ما تتأخر 😘 بعد طلع سامر قال لي يعني كل المشكله دي سببها محاسن قلت ليهو اي 😔 سامر هز راسو قال لي تمام بس خليك متأكده لا انتي لا حمودي ما ح ترجعو ليها تاني طال ما انا موجود وانتو الاتنين مسؤولتي انا ✋ وفي نفس اليوم سامر طلع الشغل متاخر قلت لـ سامر ما ملاحظ الليله اتأخرت قال لي اهااا عايزه تستخدمي معاي سُلطة المدير وتعرفي اي حاجه يا ستي اول عندي مشوار صغير 😊 قلت ليهو سامر ياااخ تاني ما تقول لي كلمة مديره دي 😒 انا ما عايزه حاجه واسمي بس ح يكون علي اوراق الملكيه واصلا لو عارفه انو دي اوراق الشركه والعماره والله ما كنت وقعتها 😒 قال لي حبيبي والله انتي تستاهلي اكتر من كده 😘 قلت ليهو طيب ماشي وين بصفة اني مرتك ولأ ما يحق لي أعرف 😏 قال لي كده مجبور اني اكلمك طيب يا ستي ماشي البنك تاني في سؤال 😊 قلت ليهو بصوت مكسور وانا بصلح ليهو في كولة القميص طيب ح تكلم ابوي بخصوص حمودي 😢 ضماني عليهو بيدي الإتنين من خصري وقال لي انا ما عارف بتحبي تنكدي علي روحك بموضوع منتهي ليييه 😒 قلت ليهو ما نكد بس خايفه في اي لحظه ابوي يجي يسوق 😢 قطع كلامي وقال لي لا ما ح يجي طيب انتي بتثقي فيني ولأ لا هزيت ليهو راسي اي 😓 باسني في خدي وقال لي وانا عمري ما ح اخزل الثقه دي ولم قلت ليك الموضوع ده منتهي يبقى منتهي يلا بعد ده ح اطلع اوك 😘 وفعلا طلع بس سامر كذب علي ما كان ماشي البنك كان ماشي بيتنا وفعلا وصل البيت ودق الباب فتحت ليهو محاسن قال ليها صلاح موجود 😊 قالت ليهو صلاح من بدري طلع الشغل ✋ بقلبو قال انا اصلا قاصد اجي بعد صلاح يطلع عشان عايزك انتي يا حيوانه 😒 قال ليها طيب ممكن ادخل تناوليني كباية مويه ✋ قالت ليهو اتفضل 😊 بعد دخل وعملت ليهو العصير قال ليها بالمناسبه شجن قالت لي انكم جايين ترجعو حمودي والله احسن حاجه عملتوها 😍 انا اصلا كنت ماسكو وصارف عليهو عشان خاطر شجن بس لم انتو ترجعو هنا انا كده ما ح اضطر اصرف عليهو ✋ومحاسن ساكته ومنططة عيونها 😳 قال ليها ولم يجي هنا يتقاسم ماهية ابوهو مع اخوانو وانا ما ح ارسل ليهو قروش وكده ح أوفر قروشي اها تحبي من المدرسه اجيبو ليك هنا ✋ وبالمناسبه مصاريف المدرسه زاتها لم يجي هنا ح تكون مسؤولية صلاح هو الـ ح يدفعها اها رأيك شنو اجيبو ليكم بعد نهاية الدوام 😊 ومحاسن من غير تردد قالت ليهو لا خلاص غيرنا رأينا عشان شجن ما موافقه اننا نرجعو عشان كده خلو معاكم 😏 قال ليها لو علي شجن انا بقنعها توافق ✋ قالت ليهو لا انا زاتي ما برضى افرق اخ من اختو 😒 بقلبو قال غيرتي رايك عشان شجن ولأ عشان عرفتي انو ما ح نرسل ليك قروش 😓 قال ليها طيب اتصلي هسي علي شجن وكلميها انك اتنازلتي عن قرارك 😊 قالت ليهو بس ما عندي رصيد 😓 سامر طلع تلفونو عشان يتصل بس اتزكر انو ح يظهر لي رقمو قال ليها دقيقه اتناول ليك كرت من البقاله وأصلا عندها رصيد بس عايزه تنتهز الفرصه 😏 سامر نزل ليها كرت في تلفونها وحزرها قال ليها اوعك تقولي لـ شجن اني جيتك او قابلتك ✋ وفعلا اتصلت علي بس انا رفضت ارد ومن شوفت الرقم دموعي نزلت كنت فاكره انه ا ح تقول لي جايين المساء عشان نسوق حمودي عشان كده ما رديت 😭 وهي مُصّره تتصل في الآخر قالت لـ سامر شجن ما بترد 😒 قال ليها اتصلي عليها في تلفون امي وكتب ليها الرقم فعلا ماما سهير ناولتني التلفون وقالت لي محاسن عايزاك “ شجن انتي بتبكي في شنو 😳 قلت ليها مافي حاجه ما ناقشتني ناولتني التلفون وطلعت من الغرفه رديت بصوت مبحوح الوو قالت لي شجن انا لقيت روحي غلطانه ومحمد من حقو يعيش معاك ✋ قلت ليها بفرحه يعني ما ح تجي تسوقي 😍 قالت لي لا وقفلت الخط وانا ما مصدقه طلعت فرحانه حكيت لـ ماما سهير بالحصل من الأول وفتحت التلفون اتصلت علي سامر قلت يشاركني الفرحه 😍 وسامر لسه بتكلم مع محاسن قال ليها بتمني ما اسمع شجن تاني تشتكي منك عشان نكون دايما متفقين وما اضطر استخدم معاك اسلوب ما بيعجبنا الاتنين ✋ قالت ليهو معقول ازعلها شجن دي بتي الكبيره 😊 في اللحظه دي تلفون سامر رن قال لـ محاسن وللمره التانيه الحوار الدار بينا ده لا شجن لا صلاح ما يعرفو وخاصه شجن ولا بالغلط تمام ✋ قالت ليهو اكيييد قال ليها بعد ده استأذن وطلع الشارع رد علي التلفون روحي انا 😍 قلت ليهو بتصل عليك من قبيل بس ما بترد 😓 قال لي التلفون كان في العربيه وانا في البنك قلت ليهو عندي ليك مفاجأه 😍 قال لي احكي قلت ليهو اتصلت علي محاسن وحكيت ليهو عن المكالمه وهو طبعا عارف كل حاجه بس كان بمثل علي انو متفاجئ 😓 واخر الدوام سامر جا راجع من الشغل وسلم علي امو في راسها وگـ العاده باسني في خدي جنبها 😘 قال لينا أمسيتو كيف قلنا ليهو الحمدلله قعد يضحك قال لي غريبه المره دي ما صريتي لي وشك بسبب السلام 😅 نطت امو قالت ليهو خلاص اتعودت علي جنونك 😂 قلت ليهو لأنو اليوم ده بالذات مبسوطه وما عايزه اركز في حاجه تزعلني 😌✋ قال لي واااو في تقدم ملحوظ 😍 اخر الليل بعد خلاص عايزين ننوم قلت لـ سامر انت فتحت موضوع حمودي مع ابوي قال لي لا 😓 وافتحو ليييه ومحاسن غيرت رأيها قلت ليهو محاسن غيرت رأيها فجأه كده اكيييد عندها خطه جديده 😰 قال لي شجن ما عندنا علاقه بـ خطتها كل البهمنا حمودي يفضل معانا واطمني ح يفضل معانا طول العمر ✋ ومحاسن احتمال ربنا هداها عشان كده غيرت رأيها وبعدين هاجس محاسن ده حاولي اتخلصي منو لأنو تاني ما ح تتعرض ليك تمام يلا بعد ده نومي وما تنسي بكره بتصحي بدري للأولاد ودوشه لميس للروضه 😅 قلت ليهو صاح زكرتني لميس يلا تصبح علي خير قال لي يارب اصبح بيك طول العمر وباسني 😘 غمضت عيوني وسامر فتح تلفونو قلت ليهو سامر ما ملاحظ بقيت تساهر في التلفون كتير 😒 قال لي اعمل شنو ما نعسان طيب رايك شنو اقفل التلفون وتساهري معاي 😉 عملت روحي ما سمعتو قعد يضحك وقال لي فجأه طرشتي وبقيتي ما بتسمعي صح 😅 طيب خلاص نومي رقدني في صدرو ومد يدو بـ وراي وبدأ يشتغل بالتلفون ولم أسألو واقول ليهو لييه بتفتح التلفون من وراي بقول لي عشان نورو ما يزعجك 😊 قلت ليهو طيب بتتونس مع منو قال لي مع ناس الشركه ✋ حتي التلفون كان مسمي تلفون الشركه عشان انا ما ارد عليهو وانا الهبله كنت مصدقه كلامو 😔 لحدي ما يوم سامر قاعد تحت مع أمو والتلفون ضرب لحدي ما الجرس قطع بس المتصل مُصر انو يضرب ومسجل الرقم بالمكتب في المره التانيه قلت اذا في حاجه مهمه 😓 شلت التلفون انزلو لـ سامر الإتصال قطع وبعدها طوالي جات رساله وحب استطلاع مني فتحتها قلت اشوف بساهرو الليل كلو بحكو في شنو 😌 واول ما فتحت الرساله اتصدمت بالكلام مشتاقين حبيبي غلبني إنتظر عشان كده اتصلت عليك بليييز رد علي 😭 طبعا انا ماسكه التلفون ومصدومه 😳 باب الغرفه فتح ""
يتبــــع ⏪⏪⏪⏪
