قلت ليهو بس أول عندي سؤال ✋ لم انت ماسك قصة الاجهاض في قلبك الفتره دي كلها لييه رفضت تفتح معاي الموضوع في لحظتها قبل 3 سنين وقلت ننسى الماضي 😒 قال لي والله ما ماسكها ولا متزكرها احتمال بس هسي لم فقدنا لميس افتكرت انو حصل ليها مكرووه ده السبب الزكرني اني كنت ح افقدها وهي في بطنك 😔 قلت ليهو ما تنسى لميس زي ما هي بنتك وبتخاف عليها انا برضو بخاف عليها اكتر منك يكفي اني شلتها في بطني 9 شهور وانا الإتألمت في ولادتها يعني استحاله اني افكر أأذيها اوك 😒 قال لي والله انا عارف كده وبكرر اعتزاري ✋ بنتكلم كده لميس صحت اضطرينا ننهي النقاش 😓 اصبحنا الصباح نزلت تحت بدري قبل ما سامر يصحى عشان ما اتصدم معاهو لم جيت راجعه سامعه سامر بقول لـ لميس
What you say for Mam What ولميس قالت ليهو
انا فتحت الباب قلت ليهو يعني لسه ما مصدقني وعايز تتأكد من لميس 😒 بس ما تنسي لميس طفله ما ح تتزكر ليك كل الحصل ولا ح تفهم انت قاصد شنو وبدل التحقيق ده كلو اعتبرني كذابه عشان ترتاح 😏 اتلفت قال لـ لميس اطلعي ألعبي مع حمودي بعد طلعت قال لي انتي عارفه انا هدفي من سؤالي عايز لميس تعرف غلطتها يعني بالعكس مصدقك ✋ قلت ليهو لميس لسه صغيره كلامها ما بأثر علي كتير المشكله في الناس واديتو ابتسامه وسكته 😊 ومن خلالها فهم اني قاصده هو بالكلام ونزلت تحت قبل ما اسمع ردو 😓 وعدا يومين وعلاقتنا مع بعض متوتره وكل ما يحاول يتودد لي كنت ببعد منو لانو كلامو معاي كان جارح شديييد 😢 لحدي ما يوم سامر جا داخل الغرفه وانا بسرح في شعر لميس قال ليها لميس لمتين ح تفضلي متجاهلاني كده وبعاين لي 😊 وطبعا لميس ما فاهمه حاجه غير اسمها قالت ليهو
What you say
واصل كلامو وقال ما كفايه كده وكل مره لميس تقول ليهو What 😅 قال ليها لو خليتي What حقتك دي وطلعتي لينا برا تكوني ما قصرتي 😉 وشالها طلعها وجا راجع عايز يقرب مني انفعلت قلت ليهو انت فاكر روحك شنو 😠 قال لي ولا شي قلت ليهو لا انت دايما فاكر ما في زول زيك وكل الناس غلط وانت الصاح ومفتكر اي شي ممكن تشتريهو بقروشك قال لي بخلعه شجن 😳 قلت ليهو شجن قرفت من غرورك ومن تكبرك كل مره تغلط في حقي وتعتزر بكلمة اسف وبسامحك 😔 قال لي طيب اعمل شنو غلطتي الأولي عوضتك بدلها بالشركه والعماره 😒 قلت ليهو عايز تزلني بيهم ومن الأول قلت ليك انا ما محتاجه ليهم قاموس القروش ده عندك انت انا ما بتهمني في شي 😠 قال لي طيب انتي عايزه شنو 😓 لحظة زعل قلت ليهو يكفي انو ما نشوف بعض قال لي كده بيرضيك قلت ليهو اكيييد قال لي اوك 😓✋ وطلع انا بعدها نزلت تحت ماما سهير قالت لي سامر وين قلت ليها طلع بس ما عارفه مشى وين 😊 اتصلت عليهو قال ليها افطرو ما تنتظروني وكذلك الغداء انا ح اتأخر ✋ بقلبي قلت أحسن حاجه بس في الحقيقه كنت منتظراهو لحدي الساعه 10 مساء ما جا 😢 ماما سهير قالت لي نومي سامر ح يكون مساهر مع اصحابو ودخلت غرفتها طبعا ما عارفه النقاش الحصل بينا وانا متوتره قلت معقول يكون بسبب كلامي طفش من البيت 😰 بتصل عليهو ما برد زعلت وقلت عنو ما رد فاكر روحو منو المغرور 😏 بعد ساعه غلبني اصبر اتصلت تاني علي امل انو يرد بس المره دي اداني مغلق وكل ما اتصل مغلق وده زاد توتري 😰 في الآخر غلبني اقعد طلعت انتظرتو في الجنينه برا والجو كان بارد شديييد 😭 وكسلت ارجع ألبس لي توب فضلت مربعه يدي من البرد ومنتظره لحدي ما غفوت 😓 صحيت بصوت بوري عربية سامر عشان عم صالح البواب يفتح ليهو واول ما دخل العربيه ونزل منها ما صدقت شوفتو وجريت حضنتو من غير ما افكر في عم صالح سامر اتخلع قال لي شجن جسمك تلج 😱 قلت ليهو انت كنت وين قال لي اول تعالي ادخلي من البرد ده 😓 الساعه كانت 1 صباحا طلعنا الغرفه سامر لفاني بالبطانيه قال لي دقيقه اتحمم واجيك نتفاهم ✋ وانا برجف يا دوووب حسيت بالبرد بعد طلع من الحمام جا قعد جنبي قال لي لسه بردانه هزيت ليهو راسي اي مسك يدي وقال لي تعالي مباااالغه يا شجن يدك بااااارده 😢 قال لي انتي مجنونه ليييه قاعده في الجنينه الوقت ده 😓 قلت ليهو بصوت مكسور كنت منتظراك باسني في خدي وقال لي نن عيوني انا 😘 بس ممكن كان تنتظريني في الغرفه هنا اكيييد لم اصل الجنينه ح اجي طالع هنا بدل تعرضي روحك للبرد 😢 قلت ليهو ما عارفه بس كان عندي احساس انو لو انتظرتك تحت بتجي سريع 😔 وبعدين بتصل عليك ما بترد وتاني مقفول عشان كده خوفت بس انت كنت وين 😒 قال لي يسلم لي احساسك انتي 😘 كنت في المطار قلت ليهو يعني صدقت كلامي وعايز تسافر وتخلينا 😰 قال لي اسافر وين 😳 أكيييد لااا بس مشيت المطار استقبل عمار ولم لقيت الوقت اتأخر عايز اتصل عليك لقيت التلفون طفى شجن ونسيت وصلة الشحن هنا ومكالماتك زاتها ما شوفتها والله 😓 بس صاح انا غلطان وباسني قلت ليهو عمار جا 😍 صّر وشو وقال لي بحده وعمار يهمك في شنو لو جا 😠 قلت ليهو يهمني شديد يكفي انو هو الوحيد الوقف
معاي في الغربه 😓 قال لي ده علي اساس انا كنت مشردك في الشارع 😏 قلت ليهو لا بس كنت بتستفزني بتصرفاتك وبتزكرني بنقطه ضعفي في التعليم 😢 حضني عليهو زياده قال لي والله كنت بعمل كده عشان ما اقع في شباكك وبعد ده كلو وقعتيني قلت ليهو هسي لو ندمان ممكن نفترق وقبل ما اتم كلامي سكتني وطبعها لي 🙊 قال لي فعلا ندمان بس نفترق ده المستحيل 😘 قربني منو أكتر وقال لي شجن بتعرفي المطبخ هزيت ليهو راسي اي قال لي بتعرفي مكان السكين 😊 برضو هزيت ليهو راسي قال لي لو زعلتك تاني ما عليك الأ تتناوليها وتقطعي بيها رقبتي اوك 😘 في اللحظه دي مسكت في قميصو ضماني عليهو قال لي وبعدها ح اسميك حبيبتي السفاحه 😅
اليوم التاني صحيت قبل سامر قلت لازم أنكد عليهو وخاصه انو ما بحب زول يصحيهو فضلت ألعب بـ لحيتو بس ما صحى برودو غاظني جريتها شديييد ولسه نايم قلت ليهو غياظ ثقيل 😒 وعايزه اقوم مسكني وضحك فتح عيونو قال لي منو الغياظ 😅 قلت ليهو يعني انت صاحي 😱 قال لي اصلا بس كنت عايز اشوف نهايتك شنو بس عليك الله في وحده بتصحي حبيبها كده 😒 اتعلمي الواحد بيصحو بالطريقه دي وطبعها لي في خدي ولو ما صحى تعملي كده وطبعها لي في خدي بالجهه التانيه ولو ما صحي تعملي في اللحظه دي ختيت يدي في شفاي قعد يضحك قال لي فهمتي الخطوه التالته وين 😅 قلت ليهو وكمان ما تنسي برضو عارفه محل السكين وين 😌 قال لي السكين لم اغلط عليك ولأ اسيئ ليك ما لم اغازلك يا هبله 😅 قلت ليهو كلو عندي واحد ✋ ونزلت منو اتحممت وطلعت برا لـ ماما سهير كانت بتقطع في بطاطس قلت ليها ليييه ما ناديتيني اعملها ليك 😓 قالت لي أنا اصلا قاعده فاضيه بس اصّريت شلتها منها وابتديت اقطع فيها سامر جا نازل هزيت ليهو السكين نظام دي شنو 😊 قال لأمو من هسي كلمتك لو حصل لي اي حاجه مرت ولدك دي هي السبب عايزه تقتلني ✋ طبعا خلعني ما اتوقعتو يتكلم جنبها كده 😳 قالت ليهو اولا هي بتي ما مرت ولدي وثانيا بتي يدها زي الحرير ما بتقتل زول 😍 رفعت ليهو حواجبي علامة الإنتصار 😌 بعد انتهيت ماما نادت ساره تجي تدخل البطاطس المطبخ سامر قال ليها عليك الله يا ساره السكين دي لا شجن لا مرت ابوي قصدو امو 😅 ما يعرفو مكانها عشان اتفقو علي والشيطان شاطر 😢 نطت امو قالت ليهو بس الأ ما تغلط في بنتي سكتت مسافه وقالت يعني هسي بعد شهر خلاص ح تسافرو والله ح تخلو لينا البيت مسيخ 😢 بعد ما لميس اتعودت علينا عايزين تسافرو 😢 كلامها اثرني واتزكرت السفر وإني ح أبعد تاني من حمودي 😭 طلعت غرفتي وبمسح في دموعي سامر جا داخل قال لي ح تبكي من هسي لسه فضل شهر أحسن نستمتع فيهو عشان نشيل معانا ذكريات جميله بدل ننكد علي روحنا ✋ ببصراحه انتي ولميس جوازاتكم لسه ما انتهت يعني ممكن اخليكم تقعدو بس والله صعبه علي اني افترق منكم 😔 قلت ليهو بصوت مخنوق من العبره خلاص ممكن نمدد الإجازه 😢 قال لي حبيبي والله لو بيدي اعملها اجازه مفتوحه وما نرجع بس انتي عارفه الخواجات ديل كلمتهم واحده وما بيدوني تاني اجازه 😔 وحتي لو قعدنا شهر زياده مصيرنا في الآخر نسافر بس اوعدك تقعدي معاي هناك سنه ونص وانتي ولميس تجو راجعين وانا بجيكم بعد 6 شهور ✋ زمان كان عندك مشكلة المخاطبه عشان كده ما بتقدري تسافري براك بس هسي بتتكلمي احسن مني ولميس بتكون كبرت يعني انا زاتي بكون مطمن عليكم تمام 😊 هزيت ليهو راسي قال لي ولو خايفه علي حمودي والله امي بتعالمو زي ولدها و واحد 😍 قلت ليهو انا واثقه من معاملة ماما سهير بس 😢 قال لي حبيبي من غير بس خلاص تسافري تقعدي معاي سنه واحده وتجي راجعه يلا بطلي نكد 😘 "
يوم الساعه 5 صباحا صحيت بصوت ماما سهير تنادي في سامر بأعلي صوتها وسامر في سابع نومه صحيتو قام مخلوع قال لي في شنو 😳 قلت ليهو ما عارفه بس ده صوت ماما سهير وجرينا ناحية غرفتها 😰 ""
يتبــــع ⏪⏪⏪⏪
