يوم الصباح حوالي الساعه 7 صباحا إتصلو من المستشفى علي ابوي وقالو ليهو يجي يستلم الطفل لانو خلاص حالتو استقرت وفعلا ابوي استلم الطفل 😍 وخالتي ما صدقت فضلت حاضنه عليها وتتذكر في امي وتبكي 😰 والطفل مره تشيلو خالتي ومره تشيلو عفاف وانا فرحانه انو بقى عندنا في البيت شافع صغير عايزه اسلم عليهو عمتي نهرتني قالت لي ما بسلمو عليهو كده 😠 نطت خالتي قالت ليها فهميها براحه بس ما تصرخي فيها كده وشجن زاتها طفله 😒 ومدت يد الطفل قالت لي تعالي سلمي عليهو هنا 😊 وانا من خلعة النهره خُوفت هزيت ليها راسي لااا ما عايزه اسلم 😰 مسكتني حضنتني عليها وقالت لي عشان هو لسه صغير بسلمو عليهو في يدو ومدت لي يدو سلمت عليهو 😘 نطت عمتي ناهد قالت ليها انتي البنت دي مدلعاها شديد 😒 خالتي قالت ليها الأولاد ديل مسؤولتي وانا بعرف اتعامل معاهم كيف انتو ما عندكم علاقه ✋ طبعا الطفل سمينا محمد علي وصية امي االأخيره وخالتي ما قصرت معانا 24 ساعه كانت شايله حمودي في حضنها وكل مره بتعمل ليهو البزازه باللبن البديل حتي بعد علبة اللبن تنتهي ما بتكلم ابوي كان بتجيبو من قروشها عشان سعرو غالي وانا بتحممني وتلبسني للمدرسه وتراجع لي الدروس 😍 والصباح بعد حمودي ينوم بتدخل المطبخ تجهز الأكل وبعد ده كلو عماتي الوضع ما عاجبهم وشغالين يقلبو ليها في عيونهم 😒 ده غير الكلام الـ بمغرزوها بيهو بس كانت بتعمل روحها ما سامعه ومستحملاهم عشان خاطرنا ✋ وهم ما بيشتغلو حاجه مرتاحين واليوم كلو نايمين 😓 والحمد لله بعد شهر كل وحده فيهم رجعت بيتها وقعدت معانا خالتي وكنا عايشين مبسوطين 😍 بس يا فرحه ما تمت اتصلو علي خالتي من السعوديه انو راجلها عمل حادث وراقد مستشفي 😢 فكانت مضطره انها تسافر 😔 بعد ابوي جا راجع من الشغل خالتي كلمتو انها ضروري ترجع السعوديه واستأذنت منو انها تسوقنا معاها إجازه 😍 تطمن علي راجلها وتجي راجعه وابوي كان متردد بين يوافق ويرفض بس قال ليها خير لحدي بكره 😊 وخالتي كانت متأكده انو ح يوافق 😍 واتصلت علي عماتي كلمتهم انها ح تسوقنا قالت من حقهم يعرفو بس يا ريت لو ما كلمتهُم 😔 عمتي ناهد اتصلت علي ابوي وقالت ليهو تعال لي ضروري وفعلا ابوي مشى ليها قالت ليهو كيف تسمح انو اولادك يربيهم راجل غريب 😒 صح سماح خالتهم بس في النهايه راجلها يعتبر غريب 😏 قال ليها بس سماح مضطره انها تسافر واولادي صغار ما بتحملو المسؤوليه براهم وما في زول يقعد معاهم 😔 قالت ليهو انت عايز الناس تقول علينا شنو يرضيك يقولو انك غالبك تربي اولادك وتصرف عليهم وكان للمسؤوليه انا بقعد معاهم بس ما تخليهم يسافرو 😓 واحتمال تسوقهم وتاني ما تجيبهم راجعين بتقدر تدفع حق التزكره تسافر ليهم عشان تشوفهم وفضلت تزن علي ابوي وأكدت ليهو انها متكفله بينا ✋ وفعلا ابوي رجع البيت وصدم سماح انو رافض سفرنا معاها وقال ليها اي وقت عايزه تجي تزوريهم باب بيتي مفتوح ليك 😊✋ ومن لحظتها وخالتي الدموع م ا وقفت منها لحدي ما ودعتنا وسافرت خاطرها مكسور 😔 وجات عمتي قعدت معانا وفي اللحظه دي حسيت اني فقدت امي للمره التانيه وشعرت بإحساس اليتيم 😭 ""
بعد انتهيت من الإمتحانات عمتي طلبت من ابوي انو تسوقنا بيتها قالت لأبوي ما ممكن اقفل بيتي واقعد هنا بس اسلم حل انو هم يمشو معاي وكل خميس بجيبهم ليك ✋ ابوي وافق وفعلا رحلنا بيت عمتي مع انو كنت زعلانه لأني ح افارق وجن صحبتي عمتي قالت لي مالك صاره وشك الـ ما عاجبك شنو بالجد زي ما بقولو رضينا بالهم والهم ما راضي بينا 😏 قلت ليها مافي حاجه 😔 قالت لي ان شاء دايما صاره 😏 اليوم التاني صحيت بدري بصوت حمودي يبكي قلت ليها عمتي حمودي ببكي 😰 قالت لي سامعاهو اصلا الولد ده نباح عايز يقصر عمري طبعا دي اول مره اشوفو ببكي كده خالتي عمرها ما وصلتو للمرحله دي 😔 وبكاهو كان بقطع فيني من جوه بعد عملت الغداء نادتني قلت ليها شبعانه ✋ قالت لي بحده خمجك الـ كان بتعملي لي خالتك ده هنا مافي هدا الأكل لو عايزه تعالي ولو ما عايزه مافي زول بحنسك 😠 قعدت ابكي لحدي ما اتنهد لانو دي اول مره واحد يتكلم معاي بالطريقه دي 😭 وهي تعاين لي ولا فكرت تحنسني وحمودي بدل تعمل ليهو البزازه كانت 24 ساعه بتديهو السكاته 😢 قلت ليها عمتي السكاته دي مشترياها ليهو خالتي وبتديها ليهو بعد ما يرضع البزازه 😢 قالت لي بحده انتي بتعرفي اكتر مني ولأ دي قلة ادب منك هزيت ليها راسي لا 😔 قالت لي البزازه عندك ليها لبن 😒 قلت ليها لو انتهى كلمي ابوي يشتري ليهو ✋ قالت لي بطلي لماضه 😏 يوم الخميس رجعنا بيتنا قلت لأبوي تاني ما راجعه مع عمتي قال لي بس هنا مافي زول يقعد معاك قلت ليهو بقعد براي وحكيت ليهو بكل العملتو معاي 😔 قال لي استحمليها لحدي ما ألم لي قرشين واجيبكم راجعين واقعد معاكم انا ✋ كلامو صبرني وخلاني استحمل اني اعيش في بيت عمتي لفتره مؤقته 😔 يوم حمودي كان ببكي وانا متأكده انو جعان 😔 جات نهرتو لم اتخلع قالت الولد النباح ده اصلا من يومك شوم قتلت امك وعايز تقتلني حمودي بعد اتخلع زاد في البكا 😭 وانا غلبني اسكت قلت ليها عمتي ما تقولي ليهو كده وما تنهري لانو لسه صغير ابوي اشترى ليهو اللبن اعملي ليهو البزازه بسكت 😢 قامت من جنبو وجات دقتني بالشبشب قالت لي عايزه تعلميني اتكلم معاهو كيف بس دي غلطة امك ما عرفت تربيك 😭 انا أخدت بكيتي وسكت بس كنت عايشه في جحيم 😔 وطبعا عمتي دي ما والده ربنا ما قسم ليها طفل وما عندها رحمه (استغفر الله) ومافي زول العب معاهو 😔 يوم وانا بلعب في الحوش سمعتها تتكلم بالتلفون مع عمتي نفيسه قالت ليها ما تجي تسوقي اولاد اخوك ديل يقعدو معاك شويه 😒 نفيسه قالت ليها انتي عارفه يا ناهد انا شغاله وما عندي طريقه امسكهم وانا اولادي يا الله قادره عليهم ✋ قالت ليها بري ديل عايزين يقتلوني زي ما قتلو امهم والله امهم ارتاحت منهم وربنا ابتلاني بيهم 😓 نفيسه قالت ليها من الأول انتي منعتي سماح تسوقهم ليييه كان تخليها تمسكهم وتبتلي بيهم وانتي تتفكي منهم ✋ قالت ليها ياختي انا منعتهم يسافرو اساس ابوهم يمسكهم بس ما فاكره انو بجي يرميهم عندي كده 😏 طبعا بعد سمعت كلامها ده من غير ما اشعر فتحت باب الشارع وجريت وانا ببكي يعني نحن غير مرغوب فينا يا رب اقتلني زي امي 😭 عايزه اموت عشان اشوفها واحكي ليها كلام عمتي طبعا انا جاريه لحدي ما تعبت وقعدت تحت شجره وببكي وانا حفيانه 😓 وعدت ساعات وانا في مكاني ده والـ بشوفني كلو بيسألني وانا ما برد بيمشي ✋ لحدي ما جا راجل كبير طالع من البيت الفيهو الشجره قال بسم الله وجا قدامي قال لي مالك يا بتي 😳 قلت ليهو عايزه امشي بيتنا 😭 قال لي طيب انتي بنت منو اول مره اشوفك هنا ✋ ابوك اسمو منو قلت ليهو صلاح 😢 قال لي صلاح منو قلت ليهو صلاح عبدالله قال لي ما عرفتو والله خلاص تعالي ادخلي معاي البيت ✋ اتزكرت وصية امي لم بتقول لي لو في زول غريب قال ليك تعالي تجي جاريه منو وزدت زياده في البكا 😭 الراجل دخل بيتهم وجا راجع معاهو مرا وبنت المرا رفعتني من الأرض وقالت لي اهدي يا بتي وتعالي معاي زحيت منها وخفت قلت اكيد دي عِصابة 😰 قالت لي طيب بتعرفي بيتكم وين هزيت ليها راسي لا قالت لي ما تخافي والله ح اوديك بيتكم يلا اسكتي 😘 قالت للبنت امشي جيبي شبشبك التاني البنت دخلت جابت الشبشب وجات المرا لبستني ليهو وشطفتني من المزيره الجنب بيتهم ودخلت جابت لي عصير بعد شربت قالت لي انتي اسمك منو 😢 قلت ليها شجن قالت لي وامك اسمها منو قلت ليها ساميه وابوك قلت ليها صلاح 😔 اتلفتت علي راجلها قالت ليهو بري ما عرفتها بنت منو 😓 قالت لي سكنتو هنا جديد قلت ليها اي مع عمتي ✋ قالت لي طيب عمتك اسمها منو قلت ليها ناهد قالت لي ما يكون قصدك ناهد الشكاله 😳 راجلها اسمو يوسف هزيت ليها راسي اي قال لراجها عرفتها قاعده مع ناس يوسف بالشارع التالت بمشي ارجعها ✋ ساقوني ولم وصلنا البيت الراجل دق الباب جات عمتي فتحت واتخلعت لم شافتني معاهم 😱 وهي
اصلا ما فقدتني قاعده ولا مافي 😒 الراجل قال ليها بتكم دي من قبيل رايحه من البيت 😓 عمتي قالت ليهو اي ما خلينا مكان ما فتشنا فيها ✋ المرا قالت ليها عشان جديده في الحله ما تخلوها تطلع براها عمتي قالت ليها طلعت من غير ما تكلمني 😒 وإتلفتت قالت لي بحده غوري ادخلي جوه 😠 المرا قالت ليها براحه عليها واتلفتت قالت لي يا بتي الزمن بقى صعب تاني ما تطلعي براك وانا من خايفه من ردة فعل عمتي دخلت وانا ببكي 😭 وعمتي جات تمت الناقصه وتصرخ فيني انتو ولادة السجم والندم واتصلت علي ابوي قالت ليهو تجي هسي دي وأصلآ دي فرصتها عشان تتخلص مننا 😰 ابوي افتكر انو حصلت علينا حاجه خلال ساعه وصل البيت عمتي قالت ليهو اسمعني يا صلاح النصيحه انا اولادك ديل ما بقدر عليهم 😓 وبتك الليله شردت من البيت وانا اليوم كلو شايله محمد ولافه افتش فيها لم في الآخر جابوها لي رجال انا ما بعرفهم هسي افرض انو اغتصبوها 😒 طبعا ابوي ردة فعلو كانت خلاف توقعات عمتي حضني عليهو وقال لي لييه يا بتي تعملي كده وانا واقفه مخلوعه من كلام عمتي وكضبها 😳 طبعا تصرف ابوي ما عجب عمتي كانت فاكره انو ح يضربني في الآخر قالت ليهو اسمع يا صلاح ما عندك حل غير تعرس وتجيب ليهم ام بديله تمسكهم ✋ البنت هي صغيره شردت لم تكبر ح تعمل شنو 😒 عشان كده احسن تكون جنب عينك عشان كده تعرس بس 👌🏻 ابوي زعل وقال ليها كلامك ده تاني ما تعيدي انا في ساميه ما بعرس 😠 قالت ليهو ساميه ماتت وشبعت موت ما تعرس كان عرست 😏 ابوي من الزعل لز التربيزه وطلع وفي نفس اللحظه عمتي ناهد اتصلت علي عمتي نفيسه وحكت ليها الحصل واضافت ليها اكشنات من عندها 😒 واقنعتها انو تتصل علي ابوي عشان تقنعو يعرس وفعلا الاتنين فضلو يضغطو علي ابوي 😔 لحدي ما اتخذ قرارو النهائي بسبب تصرفاتهم وكان عباره عن """"
يتبــــع ⏪⏪⏪⏪
