بعد اصحابو طلعو دخلت المطبخ اغسل الكبابي سامر جا داخل معاي وبدون مقدمات إنفعل فيني وقال لي بحده انتي فاكره روحك في السودان عشان تجي تسلمي عليهم بالتوب لو ما جبتي معاك ملابس كان تكلميني من الأول بدل تحرجيني جنبهم 😠 وبعدين لو ما بتعرفي تتخاطبي باللغه الإنجليزيه ما كان في داعي تقعدي معاهم كان تسلمي وتجي راجعه الغرفه 😡 وما اداني فرصه ابرر ليهو بعد تم كلامو طوالي طلع وانا اتفشيت بالبكا 😭 المساء جا راجع وناولني أكياس قال لي بتمنى تاني لم يجونا ضيوف تستقبليهم كدا 😊 وكنت متوقعه انو يعتزر لي عن الحصل بس المغرور ما عبرني 😏 فتحت الكيس لقيتو كلو عباره عن بناطلين وقمصان قصيره قلت معقول ح ألبس ديل انا جنب ابوي ما بلبس كده 😳 اليوم التاني جونا ضيوف وبرضو كلهم اجانب يا كافي البلاء سوداني بالغلط مافي 😔 لبست البنطلون مضطره وشغاله اجرجر في القميص ولبست الطرحه وطلعت وزي الأوائل برضو من شافوني يتهامسو ويضحكو يعني لبست التوب ما عجبهم لبست البنطلون ما عجبهم 😒 انا مافاهمه بقولو في شنو بس متأكده انو الكلام فيني والمفتري ده فاهم والمشكله انو بشاركهم في الكلام 😔 وللأسف عمار ما جا معاهم بس كنت بفوض امري لـ الله وبصَبِر نفسي انو بعد 4 شهور ح نرجع السودان وح اكلم ماما سهير اني ما عايزه اسافر تاني ✋ وكنت بسلم علي الضيوف وبجيب ليهم الكبابي الفاضيه وبرجع الغرفه طبعا دي تعليمات الزفت ده 😒 واصلا ما بفهم ونستهم يعني مهمتي جنب الضيوف زي الحبشيه 😔 ودخلت الغرفه نمت حتي ما حسيت بيهم لم طلعو ✋ اليوم التاني سامر جا راجع من الشغل كأنو ما حصل حاجه قال لي الليله عمار عازمنا عشاء وفعلا المساء إتجهزنا ومشينا " وعمار اتخلع لم شافني لابسه البنطلون 😳 بس ما علق وطبعا الأكل بالشوكه والسكين وكان في حاجه كده تشبهه العيش بس سامر طوالي مسك الشوكه والسكين وبدأ ياكل 😓 وانا إتحرجت وفضلت اعاين للأكل ما بعرف للشوكه والسكين وما بقدر اكل بالعيش وهم شغالين بالشوكه 😰 قُلت اقول ليهم شبعانه وينتهي الموضوع ✋ بس عمار فهمني شال الشوكه والسكين حقتو زحاها من جنبو قال اصلا ما بحب آكل بيهم ✋ وقال لي اتفضلي أُكلي وخت جنبي العيش سامر قال ليهو من متين ما بتحبهم وطول حياتك بتاكل بيهم 😓 بس ملاحظ ليك من رجعت من السودان جيت انسان مختلف خالص ✋ طبعا انا عارفه عمار عمل كده عشان انا اقدر آكل بالعيش من غير ما إتحسس بس المغرور ده ما بفهم 😏 عمار قال ليهو من زمان ما بحبهم بس انت اول مره تعرف 😊 سامر قال ليهو الناس بتطور وبتمشي لـ قدام بس انت جيت راجع ورا لو كده الواحد ما ينزل الإجازه طبعا بتكلم من غير ما يراعي لـ مشاعري 😒 واثناء ما بنتونس تلفون سامر رّن رد ورطن بالإنجليزي بعد قفل الخط قال لـ عمار انا ح أمشي بعد تخلصو رجع شجن البيت ✋ قلت ليهو انا انتهيت بمشي معاك طوالي قال لي لااا انا ما ماشي البيت بس لو حابه تمشي عمار ح يوصلك واداني ابتسامه تعكس شخصيتو المتكبر 😌 وفضلنا قاعدين عمار طلع مفكره صغيره قطع منها ورقه وكتب لي رقمو قال لي لو احتجتي لأي حاجه اتصلي علي من غير ما تترددي 😊 اعتبريني اخوك قبل ما اكون ولد عم سامر ولو سامر غلط في حقك امسحيها لي في وشي ✋ قلت ليهو العفو قال لي والله سامر قلبو أبيض وراجل بحق وحقيقي بس استحملي وحاولي تكسبيهو وصدقيني ما ح تندمي 😍 ولو غلط عليك في اي لحظه رقمي عندك طبعا الونسه كلها كانت عن سامر ومن صيغة كلامو حسيت انو عارف السبب شنو في معامله سامر معاي بالطريقه دي بس ما وضح لي 😔 وكل الوقت كان بوصيني اني اتمسك بعلاقتنا في الأخر قلت ليهو ممكن نرجع البيت قال لي جدا وفعلا رجعنا ودسيت الورقه الفيها رقم عمار في الدولاب عشان سامر ما يشوفها ويفهمني غلط 😓 سامر جا راجع الساعه 2 صباحا ونام طوالي حتي ما كلف نفسو يسألني جيت راجعه متين 😏 صاح بننوم في غرفه واحده وفي نفس السرير بس كل واحد في اتجاه✋ وما عارفه المغرور ده ليييه بيعاملني كده ونفسي اسألو السبب شنو بس ما عندي الشجاعه أواجهو 😔 تاني يوم المساء بعد سامر جا راجع من الشغل وكـالعاده فاتح تلفونو وانا قاعده زهجانه فتحت التلفزيون لقيت كل القنوات انجليزيه ما فهمت حاجه قفلتو سامر لاحظ لي قال لي تلفونك وين عشان اغير ليك الشريحه وتقدري تدخلي النت بدل تقعدي كده 😊 قلت ليهو بصوت مكسور ما جبتو معاي 😢 قال لي ما مشكله بكره بشتري ليك واحد قلت ليهو مافي داعي كفاية تلفونك 😊 قال لي قصدك الإتنين نشترك في تلفوني اكيد لااا 😠 التلفون ده استعمال شخصي ما استخدام مجموعه بكره بشتري ليك واحد 😒 احرجني الحيوان وانا قصدي نشترك بس في المكالمات 😓 طبعا لم عمو عبد الفتاح اشتري لي تلفون رزان عجبها اديتو ليها ولم رفضت تشيلو قلت ليها يا بنت انا مسافره ولو في زول عايز يتصل علينا اكيد ح يتصل في تلفون سامر يعني ده ما ح إستخدمو وما اتوقعت انو سامر يمنعني تلفونو 😒 وفعلا اليوم التاني جاب لي تلفون دخل فيهو ا لشريحه ونزل لي فيهو الواتس وضبط الواي فاي شلت التلفون ورميتو في الدولاب ما اشتغلت بيهو 😓 بعد يومين سألني قال لي مالك ما دخلتي الواتس 😒 سكت ما رديت غلبني اقول ليهو اصلا ماعندي زول اتونس معاهو وانت قاعد في وشي ما بتتونس معاي عايز تتونس معاي بالواتس 😏 وإشترى لي تلفون حديث ما بعرف إستخدمو كيف ياااخ انا تلفون نوكيا ما حصل شلتو في يدي عايزه اعرف طريقه استخدام ده 😅 بس غلبني اقول ليهو كده وكل ما يسألني كنت بقول ليهو بدخل بعدين لحدي ما يوم جا راجع من الشغل قال لي شجن جيبي التلفون وادخلي هسي سجلي في الواتس وكنت بتهرب منو وبعد ضغط علي قلت ليهو بصوت مكسور بصراحه ما بعرف 😰 قال لي بخلعه ما بتعرفي شنو 😳 قلت ليهو استخدام التلفون طبعا في الاول فاكرني بكذب عليهو بعد اتأكد من كلامي اتصدم 😱 وقال لي جيبي التلفون وتعالي دخلت إتناولتو من الدولاب وجيت قعدت قال لي ح اشرح ليك وانتي بعيده كده 😒 وقرب مني عشان يشرح لي وهز لي راسو يمين وشمال بمعني ربنا يصبرني عليك 😒 و كأنو مستاء مني كان بشرح لي وانا بالي مشغول في مكان تاني بعد انتهي قال لي فهمتي ؟؟ هزيت ليهو راسي اي وانا ولا حاجه ما فهمتها ناولني التلفون ورجعت الغرفه ورميتو في الدولاب زي الأول ✋ وفي نفس اليوم نص الليل سمعتو يتكلم بالتلفون وهو قاعد في الصاله وفاكرني نايمه قال يعني السودان خلاص بناتو انتهو عشان تعرسو لي دي 😒 بس في الحقيقه انتو ما عرستو لي انتو انتقمتو مني طبعا انا بسمع فيهو ومصدومه 😱 وفي الاخر اكتشفت انو كان بتكلم مع امو قالت ليهو عرسنا ليك بعد شوفت صورتها و وافقت عليها صح 😊 قال ليها بس ما قايلها بالمستوي ده اول حاجه اكتشفت انها صغيره قلت ما مشكله 😓✋ بس اتصدم بإنها ما بتعرف التكنولوجيا دي من ياتو عصر اذا كان حديث الولاده بيعرف يستخدم التلفون 😒 ونحن في عصر العولمه طبعا كلامو جرحني شديييد طول فتره حياتي ما حصل إتهنت بالطريقه دي 😭 وبقلبي قلت احسن اكون مذلوله وسط اهلي وفي بيت ابوي من اتذله في الغربه ✋ يعني زواجو مني كان مجبور طيب السبب شنو 😰 بعد قفل الخط جا داخل الغرفه غطيت وشي وعملت روحي نايمه وانا دموعي عشره عشره بس كاتمه صوتي 😭 أصبحنا الصباح حاولت اكون عاديه وامثل اني ما سمعت حاجه بس غلبني وما قادره اعاين ليهو حتي هو لاحظ وكل مره كان بيسألني في حاجه 😒 وبقول ليهو نفس الرد لااا لحدي ما طلع الشغل ✋ وكنت محتاجه إني اتصل علي عمار ومتردده في الاخر اتصلت لأني كنت مضطره 😰 فتح الخط رد علي بعد سلمت عليهو قلت ليهو عايزه منك طلب بسيط قال لي جدا واعتبري اتنفذ 😊 قلت ليهو """
يتبــــع ⏪⏪⏪⏪
