اليوم التاني ابوي اول ما وصل الشركه دخل مكتب سامر وقال ليهو عايز اقدم استقالتي ✋ سامر اتخلع قال ليهو في زول هنا غلط عليك 😳 ابوي قال ليهو لا قال ليهو طيب انا غلطت في حقك 😢 ابوي قال ليهو برضو لا بس بسبب الخلاف الـ بينك انت وشجن سامر قطع كلامو قال ليهو دي شجن الطلبت منك تستقيل صح 😒 ابوي قال ليهو لا والله بس ما بقدر اشيل منك قروش وانت وبنتي في خلاف بينكم 😔 سامر قال ليهو القروش دي انا ما بديك ليها صدقه ولأ إستحسان القروش دي من شغلك وعرق جبينك يعني دي حق من حقوقك انت ما شاحدها ✋ ابوي قال ليهو برضو ما .. سامر قطع كلامو وقال ليهو يا عمي انت لو إستقلت الشركه دي ح تقفل لاني ما بقدر استغنى عنك وبعتبرك سندي بعد ابوي ربنا يرحمو 😔 وطبعا في الحقيقه سامر شغل ابوي في الشركه من باب المساعده لأنو ابوي ما عندو خبره في شغل الشركات 😓 ابوي قال ليهو اكيد انت زي ولدي سامر قال ليهو والله الكلمه دي عندي بالدنيا 😍 بس اسمح لي اقول ليك مشكلتي مع شجن مشكله تخص اسرتي وما بحب موظف في الشركه يتدخل فيها 😊 ابوي اتخلع من كلامو 😳 سامر قعد يضحك وسلم علي ابوي في راسو قعد جنبو 😘 قال ليهو يا عمي ما تفهمني غلط بس عايز اثبت ليك انو شغلك هنا ما عندو علاقه بخلافنا انا وشجن وبعدين والله مشكلتي معاها عباره عن سوء تفاهم وان شاء الله يتحلى ✋ بس بتك عنيده شويه ابوي قال ليهو ان شاء الله سامر سلم عليهو تاني في راسو وقال ليهو بس دعوات لي انو مرادي يتم علي خير عشان المشكله تنتهي وكتر لينا من الدعوات ✋ "
بعد يومين اتصلت الروضه علي سامر بسبب لميس انو تصرفاتها اتغيرت وبتكون قاعده في الفصل من الصباح لحدي اخر الدوام ودايما سرحانه 😢 سامر رجعها من المدرسه قال لي شجن ما لاحظتي لتصرفات لميس قلت ليهو لاحظت انها اغلب الوقت ساكته ما بتتكلم 😔 قال لي طيب ليييه ما كلمتيني قلت ليهو افتكرت انو بتجي تعبانه من الروضه عشان كده بتكون هاديه 😰 قال لي ح احجز ليها عن اخصائي بعد طلع شلتها في رجلي قلت ليها لميس في حاجه مؤلماك 😢 هزت لي راسها لا قلت ليها طيب مالك ما ردت علي كأني ما بتكلم معاها قلت ليها حمودي وين رفعت لي كتفها نظام ما عارفه 😓 قلت ليها لميس ردي بخشمك وهي لسه ساكته كنت فاكره انها بتستهبل علينا بس طول اليوم كانت ساكته 😰 قلت لـ حمودي امشي اتكلم معاها قال لي بس ما بترد علي حتي في المدرسه ما بتتكلم معاي قلت ليهو امشي ليها هسي بترد عليك 😓 وانا فضلت اراقب فيهم وفعلا ما ردت بالرغم من انها بتحب حمودي شدييييد ده السبب الـ خلاني اقلق زياده 😰 اتصلت علي سامر اسألو من مواعيد الحجز قال لي بكره المساء وفعلا اليوم التاني منعتها تمشي المدرسه ✋ وطول الوقت كنت بحاول اخليها تتكلم ومحاسن شغاله تقلب علي المواجع مره تقول لي يا حليلها بنتك اتبكمت ومره تقول لي يا حليلها لسه صغيره وجاهله 😓 قفلت علينا الغرفه عشان ما أسمع كلامها ولميس رافضه تاكل وانا غالبني اتصرف بس شايلاها في رجلي وببكي 😭 ومنتظره المساء بفارق الصبر جهزت لميس وسامر جا ساقنا واول ما دخلنا الدكتور فتح خشم لميس عايز يفحصها صرت ليهو وشها 😒 وختت راسها في ابوها سامر قال ليها حبيبتي افتحي خشمك عشان عمو يشوف سنونك حلوه كيف 😍 اشرت براسها لااا وانا حابسه دموعي 😰 الدكتور كتب لينا فحوصات وطلعت كل النتائج نضيفه قال ما عندها سبب يمنعها انها تتكلم بس ح اكتب ليكم تحويل لـ دكتور تاني قلت ليهو بس يكون الموعد قريب قال لي بكره ✋ بعد طلعنا سامر قال لي طبعا ح تمشو معاي البيت لانو استحاله اخلي لميس بحالتها دي بعيده مني ✋ بقلبي قلت لم خنتني مع وحده تانيه كنت ناسي انو عندك بنت 😏 بس رديت ليهو رجعني بيت ابوي وانت خلي معاك لميس هز راسو وقال اوووف منك 😠 وصلنا بيت ابوي وقبل ما انزل قال لي للمعلوميه بكره الصباح ح اجي اطمن عليها 😓 قلت ليهو من حقك ودي بتك انا ما بمنعك ليها 😒 اول ما دخلت ابوي سألني من كلام الدكتور قلت ليهو والعبره خانقاني ما قدر يعاجها 😰 نطت محاسن قالت لي بتك دي شوفي ليها شيخ يقرأ ليها لأنو اكيد دي عين كل مره بقول ليك ما تلبسيها كده بس ما سمعتي كلامي مره عفريتة جنز ضيقه ومره اسكيرتي قصير ومره ردا 😏 ابوي قال ليها احسن تسكتي 😡 وبعدين دي طفله عين شنو البدوها ليها في اللبس عاينت ليها ودخلت الغرفه وبديت افكر في كلام محاسن معقول انا السبب 😱 معقول كلامها يكون صاح ودموعي نزلت 😭 زمان لميس تشوفني بضحك تجي تبوسني ولو لاحظت لدمعتي نزلت حتي لو من كترة الضحك تجي تمسحها وتقول لي ماما ما تبكي بس هسي شايفاني ببكي وما عملت اي شي بس راقده في كتفي وماسكه في رقبتي 😰 اتصل سامر قال لي لميس ما اتكلمت معاك قلت ليهو لا 😔 قال لي اديني ليها ختيت التلفون في اضانها سامر بتكلم وبسأل فيها وهي بتحرك راسها كأنو شايفها شلت منها التلفون قلت ليهو بترد ليك بالحركات 😔 قال لي خلاص الصباح بجيكم وفعلا اصبحنا الصباح سامر جا قبل ما يمشي الشغل وبرضو رافضه تتكلم 😭 سامر طلع وقال لي المسا اجهزو بدري وفعلا المسا جانا وكانت معاهو ماما سهير طلعنا وصلنا الدكتور لقينا اللافته مكتوب فيها اختصاصي الامراض النفسيه والعصبيه 😳 قلت لـ سامر استحاله ادخل بنتي هنا سامر اداني نظره حاده 😒 وشالها مني ماما سهير قالت لي يا بتي بس نشوفو بقول شنو ✋ وفعلا دخلنا والدكتور راجع الفحوصات قال لينا غريبه كل الفحوصات سليمه وبقي يتكلم مع لميس قال ليها وين بابا 😊 ترفع راسها تعاين لـ سامر 😓 قال ليها طيب وين ماما ترفع راسها تعاين لي 😓 الدكتور اشر علي ماما سهير قال ليها دي ماما هزت ليهو راسها لا 😒 قال ليها طيب دي منو واشر لـ ماما سهير عايزها تنطق وهي بس تعاين ليها وساكته 😓 الدكتور قال لينا بتكم دي كل حواسها سليمه حتي الكلام مافيهو مشكله بس عندها ضغط نفسي نطيت انا قلت ليهو بتي ما عندها نفسيات 😡 سامر رفع راسو حمر لي 😒 الدكتور قال لي العفو يا مدام ما قصدي نفسيات قصدي بتك حصل موقف عمل ليها صدمه منعها تتكلم مع انو قادره تتكلم وعشان اقدر اعالجها لازم تحكو لي كل الحصل ✋ قبل ما تصل للمرحله دي وما تخافو حالتها دي عاديه بتحصل كتير وغالبا الحالات البتجيني بكون بسبب خلاف بين الاهل بس انتو الحمدلله ظاهر عليكم اسره متماسكه 😊 بس ساعدوني وحاولو اتزكرو الحصل ✋ ماما سهير احرجتنا جنبو قالت لينا كده عاجبكم بسبب عنادكم الاتنين عايزين تضيعو بنتكم 😡 طبعا الدكتور اتخلع قال لينا يعني انتو منفصلين 😳 ماما قالت ليهو ما للدرجه دي ما انفصلو بس متخاصمين 😓 قال لينا وكل واحد فيكم قاعد في مكان صح بس كده عرفت سبب بتكم شنو ✋ السبب انو خلافكم عمل ليها صراع نفسي لأنو في عمرها ده محتاجه لوجودكم الاتنين جنبها عشان تحس بالأمان 😓 دايما الاطفال البسمعو نقاشات الاهل بكونو اطفال غير سويين وعايشين ضغط نفسي 😔 عشان كده حتي لو وصلتو لقرار انكم تتطلقو نطت ماما سهير قالت ليهو تف من خشمك طلاق شنو كمان 😒 قال ليها يا خاله انا قلت لو وان شاء الله ما ينفصلو بس اهم حاجه اول تمهدو للطفل وتفهمو انو القرار ده لمصلحتو ✋ بقلبي قلت والله انت زاتك داير ليك دكتور نفسي هسي لميس ح تفهم الكلام ده لم اقولو ليها كده 😏 سامر قال ليهو طيب العلاج شنو 😔 الدكتور قال ليهو بتتكلم انجليزي بطلاقه قال ليهو اي بس لشنو قال ليهو عشان عايز اتكلم معاك وعاين لـ لميس 😊 سامر قال ليهو اهااا عشان لميس بالمناسبه هي زاتها بتتكلم انجليزي واحتمال تفهم كل الكلام الـ ح تقولو ✋ طبعا الدكتور اتفاجأ سامر قال ليهو كانت في امريكا وجات السودان قريب 😊 سامر اتلفت قال لي تعالي طلعيها برا الدكتور قال ليهو بس انا عايزكم الاتنين ماما سهير قالت ليهو خلاص بسوقها انا ✋ بعد طلعو الدكتور قال لينا والله العلاج بيدكم انتو البنت دي ما عندها مرض عضوي كل المطلوب انكم تحسسوها بالإهتمام وتعيشوها في وضعها الطبيعي الأول حتي لو كان تمثيل بس لميس ما تعرف انكم بتكذبو عليها ✋ ولا تحس انكم مراقبنها في تصرفاتها عشان ما يرخص في عقلها الباطني انها عاجزه 👌🏻 يعني باختصار تهتمو ببعض زي زمان قدام عيونها وكتب ليها دواء وقال خلال شهر لو ما اتحسنت تعالو المقابله✋ بعد طلعنا سامر وصلني بيت ابوي قال لي انزلي جيبي حاجاتك وحاجات لميس 😉 وانا ساكته ورافضه ارجع معاهو قال لي تقريبا سمعتي كلام الدكتور وما محتاج شرح 😒 وفعلا شلت الشنطه وطلعنا ماما سهير قالت لي اخيرا البيت ح ينور 😍 والله كان مسيخ من غيركم نط سامر قال ليها بس نحن ما ماشين البيت قالت ليهو باندهاش اجييي ماشين وين 😳 قال ليها ح نمشي شقتنا الفاضيه الـ في المنشيه كلمت ساره تنضفها ✋ قالت ليهو فكره حلوه علي الأقل تحلو مشاكلهم براكم سامر عاين لي بالمرايه بعد وصلنا ماما سهير البيت نزلت ومعاها حمودي سامر قال لي شجن تعالي قدام 😊 قلت ليهو هنا مرتاحه 😒 قال لي بس انا ولميس عايزنك تقعدي جنبنا صاح يا ليمو ابتسمت وهزت راسها اي 😍 اضطريت اركب معاهم قدام عشان لميس واتحركنا وصلنا الشقه "
#يتبــــع ⏪⏪⏪⏪
