« وجعي مــن أمــي »
قــصــة وآقــعية 👌
تفــآعلو مــعآي و عطــوني رآيگم ومــتنســوش آل ⭐ :
نبــدو آلبــآرت :
لطفية فالمطبخ اتطيب فالغدا ... خش عليها راجلها " اسماعيل "
اسماعيل بصوت عالي : شن الغدي 😠
لطفية ترعش : كسكسي 😣
اسماعيل بحمق وصوت عالي : يا عن دييين &$# قديش مرة نقولك منحبش دين امه الكسكسي
لطفية صبت فالتركينه وترعش : علي خاطرة فيه
اسماعيل خبط الطنجرة وطيحها كلها تبزعت 💥
لطفية تبكي : ليش ليش هكي ربي يهديك ليش
اسماعيل رفع يده عليها : يا عن&$#&
خش علي يجري شده : خيركم شن في
اسماعيل : حول يا كلب من قدامي
علي واقف قدام امه وبصوت عآلي : ليش نحول يا بوي خيرك
اسماعيل : اتفوو عليك وعلي ربايتك 😠
وطلع من المطبخ 🚶
علي التفت لامه وضمها : خلاص يا امي خلاص بوي وعارفتيه 😔
لطفية تبكي وترعش : الكسكسي درته علي خاطرك وبزعه 😢
علي باس راسها : مش مشكله يا امي والله كأني كليته
لطفية تبكي : ربي يحفظك ليا يا وليدي 😢
علي : هي يا امي امشي للدار ارتاحي امشي
لطفية تبكي ومشت بتلم الكسكسي والطبيخه المتبزعه
علي شدها : والله مانك ماسه حاجه امشي ارتاحي
لطفية : خليني تو نلمه يا اوليدي 😢
علي : خلاص حلفت
طلعت لطفية وهيا تبكي 😢
علي مسح وجهه : ربي يهديك يا بوي وخلاص
خدا نشافه وقعد يمسح فالطبيخة ولم الكسكسي وطلع خش لدار امه لقاها راقدة ودمعتها علي خدها 💧
علي غمض عيونه بقوة { ربي يحنن قلبه عليك ياارب 😣 }
قرب منها وباس راسها 😘
وطلع دار نص ومشى لدارة بياكله 💙
,,,,,,,,,,,,,,,,,,,,,,,,,
تعريف آلشــخــصــيآت :
علي : 24 سنه ... خريج قانون ... طويل وجسمه مهتم بيه .. قمحاوي و عيونه سود واسعات ولحيته سوده مرسومه ورموشه طوال .. شعره اسود ويدير فيه فوق .. محترم وطيب وعنده امه بالدنيا وهوا وحيدها ❤
لطفية امه : 55 سنه ... طيبة هلبااا و تحب علي وعندها هوا الدنيا كلها
اسماعيل بوه : 60 سنه .. قاسي هلباا وديمه يضرب في لطفية ومكرهها عيشتها و ميساعدش فعلي بكل فحتى حاجه مكأناش ولده بكل مع انه وحيده
اصدقاء علي : يوسف ، احمد ، معتصم
الباقي حتعرفوهم من البارتات الجايات 💙
,,,,,,,,,,,,,,,,,,,,,,,,,,
آلعشــية ⛅ :
علي واخده النوم وراقد 😴
خشت عليه لطفية بصفرة .. حطتها عالطاوله وقعمزت علي حاشية السرير : اعليوة اعليوة ❤
علي راقد 😴
لطفية حطت يدها علي ظهره : اعليوة نووض عشية توا
علي حس بيها فتح عيونه وابتسم : امي ❤
لطفية ابتسمت : هي اوليدي نوض تغدا
علي قعمز : تغديت يا امي درت نص
لطفية ابتسمت : درتلك كسكسي ❤
علي شبح للصفرة و شبح لامه ابتسم ابتسامه مخلوطه بالوجع { الله قديشك حنونه يا امي 😔 }
خدا يدها وباسها : تسلم ايديك يا الغالية 😘
لطفية : هي نوض تغدا هي
علي صبى : نغسل وجهي وانجي نتغدا ونبيك تتغدي معاي 😘
لطفية : باهي نراجي فيك
مشى علي للحمام غسل وجهه ورجع حدا امه : هي هي 😁
أنت تقرأ
أوجعتني يا أمي 💔
Fantasyقصة حقيقية 👌 تحكي قصة شاب عنده امه بالدنيا وفيوم حب بنت ويوم زواجه كانت ليه صدمه 💥 حتعرفو الصدمه هدي من الروايه ❤ ممنوع نقل الرواية 👌👍 مشحا نسامح اي حد ينقلها 👌 HanoodaHm ❤
