၄. ပြန်တွေ့ကြတော့..
"ဟေ့.. ဖိုးလုံးလေး။အကိုကြီး ဟိုဘက်ရွာသွားဖို့ရှိလို့...လိုက်ခဲ့ပေးကွာ"
ရေလောင်းသံ တဗွမ်းဗွမ်းနောက်မှာ ကပ်ပါလာတဲ့အကိုကြီးထံက အော်သံကြောင့် ဖိုးလုံး မျက်နှာတစ်ပြင်လုံး သုန်မှုန်သွားကာ
"ဟာဗျာ... ကျွန်တော်မှ နေမကောင်းသေးပဲကို...အကိုကြီးကလဲ"
ချည်စောင်ပါးကို ခေါင်းထိလုံအောင်ဆွဲခြုံလိုက်တဲ့ ဖိုးလုံးက အိမ်ရှေ့ ကွပ်ပျစ်မှာ လူးလိမ့်နေရင်း ဆူဆောင့်ပြီး ပြောတယ်။
"ဟော... လူလေးရယ်။သာဇံတို့ကလဲ လယ်ထဲဆင်းနေတော့ မင့်အကိုကြီး တစ်ယောက်တည်းဖြစ်နေတာ။လိုက်သွားပေးလိုက်ပါကွယ်"
အိမ်ထဲက ထွက်လာတဲ့ ဒေါ်စိန်ပွင့်က အိမ်ရှေ့ကွပ်ပျစ်မှာလူးလိမ့်နေတဲ့ ဖိုးလုံး တဖြစ်လဲ စောင်ထုပ်လေးအနားကို လျှောက်လာရင်း ပြုံးသည်။
အသက်ကြီးမှ ရတဲ့အထွေးဆုံးလေးရယ်မို့ တစ်အိမ်လုံးစုပုံထားတဲ့ အချစ်တွေနဲ့ တစ်ခါတစ်ရံ အငယ်လေးဟာ နွဲ့ဆိုး ဆိုးလွန်းလှတယ်။
အမေ့ခြေသံဖွွဖွကိုကြားတော့ စောင်အောက်က ဖိုးလုံးမျက်နှာလေးက ပိုလို့ သုန်မှုန်သွားကာ နှုတ်ခမ်းလုံးလုံးတွေ အကုန်ရှေ့ကို အလိုလိုစူထော်ကုန်သည်။
"နို့..... ဒါမဲ့ ကျွန်တော်မှ နေမကောင်းသေးပဲ"
အသက်ရှုမဆိုစလောက်ကျပ်လာသည့်တိုင် စောင်ကိုမဖယ်သေးပဲ ဖိုးလုံးဟာ "တစ်ဖက်ရွာမလိုက်ရရေး"သာ တွင်တွင်ဆိုမြဲ။
ငယ်ငယ်တည်းက အလိုလိုက်ခံထားရတဲ့ ခြေမွှေးမီးမလောင် လက်မွှေးမီးမလောင် သူဌေးသားလေးက ရွာကန်သင်းရိုးတွေ ဖြတ်ပြီး နေပူကြဲကြဲသွားရမည့်ခရီးဆို သိပ်မုန်း...
ပိုဆိုးသည်က အမေတို့မသိသေးသော တမြန်နေ့က ဟိုဘက်ရွာစပ်ခင်တန်းမှာ တွေ့ကြုံခဲ့ရတဲ့ အဖြစ်ကြောင့် ဘယ်ဆိုဘယ်မှကို မသွားချင်တော့။သွားလဲမသွားရဲတော့ပေ။
"အမေ့သား လုပ်ပုံကိုတွေ့လား?ခေတ်ကာလက မကောင်းတဲ့ကြား ယောကျာ်းလေးပီပီ လုပ်ဟယ် ကိုင်ဟယ်မရှိ။အိမ်မှာချည်း အိမ်တွင်းပုန်းလုပ်နေတယ်"
STAI LEGGENDO
ဆာယိုနာရာ ( Sayonara)
Fantasy( Z+U ) "ဆာယိုနာရာ"ဆိုတာ ဂ်ပန္လိုအၿပီးအပိုင္ ႏႈတ္ဆက္ျခင္းပါတဲ့။ဘယ္ေတာ့မွ ျပန္မေတြ႕ၾကရေတာ့မဲ့သူေတြကို ႏႈတ္ဆက္တဲ့စကားေပါ့။ "ဆာယိုနာရာ"ဆိုတာဂျပန်လိုအပြီးအပိုင် နှုတ်ဆက်ခြင်းပါတဲ့။ ဘယ်တော့မှပြန်မတွေ့ကြရတော့မဲ့သူတွေကို နှုတ်ဆက်တဲ့စကားပေါ့။
