Siguraduhin mong hindi makakatakas ang babaeng yan sa pag-kakataong ito Samuel!
Narinig kong maawtoridad na sabi ng isang babae sa kausap nitong nagngangalang Samuel sa likod ng bakal na pinto ng aking kuwarto ng ako ay magising. Kahit hindi ko nakita kung kaninong boses ang narinig ko ay nakasisigurado akong si Vanessa ito.
Si Vanessa ay pinuno ng mga itim na lobo samantalang ako ay isa sa mga anak ng pinuno ng mga puting Lobo. Dahil sa mortal na mag-kaaway ang ang aming mga pangkat ay naging hadlang ito ng mag-ibigan kami ni Yaul ang ama ng magiging anak ko.
Sabay hawak sa tiyan ko upang himasin ito ngunit matinding kaba ang naramdaman ko ng maramdaman ko maliit ang aking sinapupunan.
Ang anak ko! Naibulalas ko at biglang naalala ko ang gabing tumakas siya mula sa mga tauhan ni Vanessa dahil napag-alaman nito na ang batang dinadala ko ay may dalang sumpa.
Yaul, alam mo ang mangyayari oras na maisilang ni Amanda ang batang dinadala niya!
Narinig kong sigaw ni Vanessa kay Yaul habang nag-uusap sila sa silid tanggapan ni vanessa. Mabilis kong idinikit ang aking tenga sa may pintuan at matamang pinakinggan ko ang kanilang pag-uusap.
Alam ko Vanessa at Gagawin ko ang lahat upang hindi mang-yari ang sinasabi sa propesiya.
Si Yaul
Gagawin mo ang lahat !? Sige nga anong magagawa mo gayong lahat ng nakasulat sa propesiya ay ginagawa mo Yaul?! Galit na galit na sigaw ni Vanessa kay Yaul habang ang mga mata ay nagsisimulang magbago ang kulay at anyo dahil sa galit.
Pinapangako ko Vanessa na lalaki ang aking anak na kabaliktaran ng lahat ng iniisip mo sa kanya. Mahinahong paliwanag ni Yaul kay Vanessa.
Noong una palang hindi ko na gusto ang mga pinaggagagawa mo Yaul, pinayagan ko lang na makasama mo ang babaeng yan mula sa puting mga lobo dahil narin sa hiling mo kapalit ng lahat ng gustuhin ko. Sabi ni Vanessa na paikot ikot sa nakatayong si Yaul sa harap ng kanyang lamesa. Habang nananatiling walang imik si Yaul sa kanyang kinatatayuan.
Dahan-dahang inilapit ni Vanessa ang kanyang mga labi sa tenga ni Yaul at may binulong dito na nagpasiklab ng galit ni Yaul kay Vanessa. Sa isang iglap biglang nagbago ang kulay ng mga mata ni Yaul, tila naging mamahaling kristal ito sa kulay nitong Berde mula sa pagiging kulay nitong itim.
Mag-kakamatayan muna tayo Vanessa bago mo pa magawa ang plano mo sa mag-ina ko! Nagngingitngit na sigaw ni Yaul habang nakakuyom ang mga kamao sa galit ng hinarap niya sa likudan niya si Vanessa.
Mabilis ang mga sumunod na pangyayari at namalayan nalang niya na malakas siyang tumama sa pader at may mahigpit na nakahawak sa kanyang leeg.
Pag-bibigyan kita sa gusto mong mangyari Yaul. At may mala demonyong ngiti ang sumilay mula sa mga labi ni Vanessa pagkasabi nito.
BINABASA MO ANG
Painful Destiny (Tagalog)
RandomSi Volien, prinsesa ng mga bampira. Lingid sa kanyang kaalaman ang tunay niyang pagkatao maliban sa pagiging isang bampira. paano kung kanyang matuklasan ang lahat at hanapin ang sarili sa mundo ng mga tao? tunay nga ba niyang pag-katao ang mahahana...
