Painful Destiny (Tagalog)

Part 11

Part 11

Wala sa sariling napaupo sa sahig si Volien matapos ang mahabang pagtakbo. Napasandal siya sa bakal na pintuan at nakatingin sa batong kisame. Walang tumatakbo sa isip niya ng mga sandaling iyon. Ilang minuto din siya sa ganoong ayos ng mapag-desisyonan niyang tumayo at bumalik sa loob ng palsyo. Napahawak pa siya sa bakal na pinto ng mawalan siya ng balanse na gumawa ng ingay sa lugar. 

Kumusta ka na? Pagal na boses ng isang babae mula sa likudan ng pinto. Nabigla man sa boses na nadinig, agad nakabawi sa pagkagulat si volien at iginala ang mga mata sa lugar kung saan siya naroroon.

Sino ka? Tanong niya matapos masuri ang lugar at mapagtantong nasa isang pribadong selda siya kung saan ikinukulong ang mga espesyal na bihag ng palasyo. Hindi niya namalayan na napadpad siya dito sa kanyang pagtakbo.

Isa akong kaibigan.. Pagkasabi ay nagpakawala pa ito ng maliliit na tawa na pumupuno sa buong lugar.

Wala akong panahon sa mga kalokohan mo. Sarkastikong saad niya at humakbang palayo sa pintuang bakal kung saan nakapiit ang matanda.

Tumawa ng pagak ang matanda at nag-sabing..

Ikaw ay mapupuno ng kalungkutan sangayon ,ngunit ang mga dadating na araw ay mapupunan ng kasiyahan. Hanapin mo ang iyong katauhan sa tulong ng isang nilalang na may tatak ng buwan sa kanyang likudan. Pakatatandaan mo lamang na sa pagsapit ng pulang buwan, dapat kang magbalik at tapusin ang lahat. Ang yong pag-ibig ang sisisra sa lahat.kayat pakaiwasan kung ayaw mong buhay mo o buhay ng minamahal mo ang maging kabayaran.

Pagkatapos ng mahabang salaysay ng matandang nasa loob ng selda, katahimikan ang bumalot sa buong lugar. Dahil sa mga sinabi ng matanda natigilan si Volien at muling binalikan ang bakal na pinto.

Sabihin mo sa akin kung sino ka ? Matigas na utos niya dito ngunit walang naging pagtugon ang matanda sa loob ng selda. Hinawakan niya ang malalaking kadena na bumabalot sa buong pintuan at tangkang putulin iyon ng hindi niya inaasahan na maginit iyon na parang apoy at magpakawala ng enerhiya na nagpatalsik sa kanya sa katapat na bakal na pinto.

Asar! Inis na tumayo siya habang pinapahid ang tumulong dugo mula sa kanyang bibig. Muli niyang nilapitan ang pinto ngunit sa pagkakataong ito hindi na niya pinagtangkaang muling bukasan ang pintuan. Batid niyang nababalot ito ng mga espesyal na spells upang hindi makatakas ang kung sino mang nasa loob nito.

--------------

Maligayang pagdating Minerva. Nakangiting bati ni Vanessa dito at inanyayahan niyang maupo ang mga bagong dating na panauhin.

Alam mo na siguro kung bakit kami nandito ngayon? Tanong ni Minerva habang sinisindihan ng katabi nitong babae ang sigarilyo nito.

Alam ko. Nakangiting tugon niya dito at kinuha ang nakapatong na kopita sa kanyang