Pag-kainis ang naramdaman ni Alex sa nakikitang ngiti sa misteryosong lalaking nasa kanyang harapan. Umiihip ang malakas na hangin sa pagitan nila habang nakatitig siya sa nilalang na di niya makita ang mukha.
Ano bang kailangan mo? Pag-basag ni Alex sa nakabibinging katahimikan sa pagitan nila. Lalo siyang nainis ng mahina itong tumawa sa tanong niya.
May nakakatawa ba sa tanong ko? Halata na sa tono niya ang pag-kainis dito.
Wala naman. Narinig niyang sagot sa mababang boses nito.
Wala akong panahon sa mga kalokohan mo, kaya kung ayaw mong maging hapunan ko, mas mabuting umalis ka na. Pag-babanta ni Alex dito habang ang kanyang mga pangil ay sumilay sa kanyang matamis na ngiti.
Isang mahinang tawa na naman ang pinakawalan ng misteryosong lalaki na ikina galit na ni Alex dito.
Hindi ko gusto ang pinagtatawanan ako. Kaya humanda ka't uubusin ko ang dugo mo! Mariing sabi ni Alex at tuluyan ng nagbago ang kulay ng kanyang mga mata sa pagiging pula nito.
Mabilis ang ginawang pagkilos ni Alex ng makalpit siya sa harapan nito. Isang malakas na suntok ang pinakawalan niya sa kaliwang pisngi nito na nag-patalsik dito at tumama sa malaking puno.
Ngingiti-ngiti pa si Alex ng dilaan niya ang naiwang dugo sa kanyang kamao mula sa misteryosong lalaki na ngayon ay walang kagalaw-galaw sa pagkaka sandal sa malaking puno habang nakayukong nakaupo.
Muling mahinang tumawa ang lalaki habang wala paring ginagawang pagkilos sa kinauupuan nito. Mas lalong lumawak ang ngiti ni Alex ng malamang walang epekto dito ang unang suntok niya.
Matibay ka.. Nasisiyahang turan ni Alex at nagsimulang maglakad palapit dito habang patuloy parin ito sa mahinang pag tawa.
Hinawakan niya ito sa leeg at tinulungang tumayo. Nabigla siya ng makita ang mukha ng lalaki ng tuluyang malalag ang telang tumatakip sa mukha nito. Nakangisi parin ito habang nakatitig ang pares ng magkaibang kulay na mga mata nito. (pula sa kanan at dilaw sa kaliwa) may marka din ang kaliwang leeg nito na hugis buwan. Sa pag-kabigla, patulak na binitiwan niya ito at bahagyang lumayo.
Nakikilala mo siguro ang kanang mata ko, Alex. Nakangiting sambit ng lalaki kay sa kanya.
Sumiklab ang galit na nararamdaman ni Alex ng muli niyang makita ang mata ng kapatid niyang si Alejandra. Si Alejandra ay ang nakababatang kapatid ni Alex na pinatay sa di malamang paraan.
Sariwa pa sa isipan ni Alex ng biglang mawala ang kapatid niyang si Alejandra sa gubat.
------------
Aleja!
BINABASA MO ANG
Painful Destiny (Tagalog)
RandomSi Volien, prinsesa ng mga bampira. Lingid sa kanyang kaalaman ang tunay niyang pagkatao maliban sa pagiging isang bampira. paano kung kanyang matuklasan ang lahat at hanapin ang sarili sa mundo ng mga tao? tunay nga ba niyang pag-katao ang mahahana...
