Captured Every Moment With You

Chapter 18: Guy

Nandito na ako sa bahay ngayon at nag eedit ng videos.

Habang nag eedit ay napansin kong nakita pala sa video si Jace.
Ito ay nung nahulog yung camera ko sa bangka at siya yung pumulot nito.

Hanggang ngayon hindi parin pumapasok sa utak ko lahat ng nangyari kanina.

Tinapos ko ang pag eedit para maupload na ito.
Tulala lang ako habang pinapanood ang video ko.

Inupload ko iyon at makalipas ang ilang minuto ay nagulat ako dahil umabot na agad sa ilang libo ang nanood.

May nakita pa akong ilang nagcomment.

"OMG! Ang tagal kong hinintay ang susunod mong vlog!"
"Love you, Janine!"
"Gosh! Who's the handsome guy?"
"True! Yung pumulot sa camera? He's hot!"

Damn! Si Jace ang pinag uusapan nila.
Nireplay ko ang video at nakita siya dun.

Kahit ilang segundo lang siyang nakita, makikita mo parin ang gwapo niyang mukha dun.

Kaya naman nang pumasok ako sa school ay naabutan kong pinagkakaguluhan si Jace.

Sa tagal naming pumapasok, ngayon lang siya napansin.
Lagi kasing nakatuon ang atensyon ng lahat kay Blake at David.

Nang nakita ako ng iilang babaeng nagkakagulo kanina ay agad nila akong nilapitan.

"Omg! Janine! Ngayon ko lang siya napansin!"
"Huhu! Thanks to you!"
"Pero na enjoy ko din ang vlog mo!"
"May bago na akong crush!"

"Thank you." ngumiti nalang ako at tumingin kay Jace.

"Kaya lang ay mukhang ikaw ang gusto niya." nakangusong sinabi ng isang babae.

"Siya nga."

Nag angat kami ng tingin sa lumapit na si Jace.

"Pwede ba tayong mag-usap?" tanong niya sakin.

Kahit ang daming babae sa tabi namin ay ako pa din ang kinausap niya.

Bakit kaya ang swerte ko?

Tumango ako at nagpadala sa hila niya.

Pumunta kami sa stairs ng 3rd floor.
Tahimik at walang tao.

"Yung sa kahapon..Wag mo na masyadong pansinin yun. Hihintayin kita kung kailan ka handa." mahina siyang ngumiti.
"Sige." Ngumiti ako pabalik.