حل المساء وذهب كل فرد في طريقة عاد أنس ومالك الى المنزل ودخلوا الى الداخل كان الجميع يجلسون في الغرفة الرئيسية فنطق أنس : مساء الخير .
ثريا بعطف : مساء النور يا حبيبي جعان أخليهم يحضرولك العشاء .
أنس بسعادة : لا يا ماما أنا تمام ومش محتاج أي حاجة .
مالك بلؤم : متخافيش علية يا ماما .
نطق ياسر بعد فروغ صبره: الموقف الي حصل النهاردة لو إتكرر تاني يا أنس مش هيحصل كويس .
أنس : خلاص يا بابا الي حصل حصل وبعدين أنا مش عيل صغير بعد إذنكوا .
صعد الى الاعلى ولحقت به زوجتة بينما القت ثريا بنظرة عتاب على زوجها ولكنه لم يبالي بذلك .
في غرفة أنس ورغد كان أنس يختار ثيابه بعصبية بينما جلست رغد على السرير وهي تقول : أنس متزعلش نفسك عمي أكيد ميقصدش .
أنس : رغد لو سمحتي متبرريش لحد ممكن ؟! .
رغد وهي تجذب يديه : تمام سيبك من الموضوع دا أنا عايزاك في حاجة أهم .
جلس بجانبها وهو يقول : في ايه ؟!
رغد : الدكتورة كلمتني وقالتلي إن إحنا ينفع نكرر العملية قريب .
أنس بنزق : مبتزهقيش من الموضوع دا خلاص بقا ربنا لما يكتبلنا إن إحنا يبقا عندنا أطفال هيبقا عندنا لكن دي المرة الرابعة الي نعملها ومتنفعش .
رغد بعصبية : ورابع وخامس وسادس وملكش دعوة أنا كلمت الدكتورة وقولتلها هنروحلها وانتا هتيجي معايا .
أنس بتحدي : لا مش هاجي وأنا حر ماشي وياريت تنزلي تقول لبابا بسرعة علشان أنا هخرج أنا وإخواتي فا نلحق نكبر الخناقة أكتر ماشي .
تركها وذهب بإتجاه الحمام بينما هي جلست على السرير لتفكر في التغيير المفاجئ لشخصية زوجها .
في منزل ماريا كان أسامة يعد القهوة في المطبخ عندما دخلت ماريا وذهبت بإتجاهه لتقبلة وجلست على الكرسي القريب وهي تقول: البشمهندس في البيت النهاردة غريبة يعني .
أسامة وهو يسكب القهوة في الفنجان : مفيش قاعد علشان مسافر بكرا .
ماريا بصدمة : بابا إنتا لسه جاي هتسافر تاني .
أسامة : معلش يا ميرو شغل يا حبيبتي إحتاجوني وأنا لازم أسافر .
ماريا وهي تنهض : عادي يا بابا أنا بقيت علطول لوحدي حتى ماما مبتتصلش .
أنت تقرأ
سأحارب من أجلك
Romanceهوحياتة مملة ورتيبة وكل أمورة تسير حسب إختيارات والداه وبداخلة أسرار كثيرة فهل سيفصح عنها ؟.. هي حياتها سريعة ومليئة بالاحداث ودائما ما تملك طاقة كبيرة فهل ستتغير حياتها ؟...
