سأحارب من أجلك

Part21

في تلك الامسية الطويلة بالنسبة للجميع والتي يريد أسر أن تنقضي بكل الاحوال تحدث الى ماريا بعد مغادرة تمارا بصحبة الحارس الشخصي لأنس : ممكن أفهم إنتي بتعملي إيه ؟!

ماريا بدموع : محدش حبني ولا وقف معايا زيك مكنتش مبسوطة غير معاك أنا بحبك بس الوضع الجديد دا لازم ناخد عليه أنا مش عايزة أفضل في صراع علطول .

أنس بهدوء : مش فاهم يا ماريا يعني إنتي هتعملي ايه دلوقتي .

ماريا وهي تحاول أن تتماسك : هنقسم الاسبوع يومين ليك إنتا وتمارا تبات معاك وتقضوهم مع بعض وبقية الاسبوع مع أسر وممكن تبقوا تخرجوا في الويك اند .

أنس : حلو يومين حلوين نبدائهم من النهاردة .

أسربغيظ : هنبقا نعمل كده لما نرجع القاهرة ماشي .

أمسكت ماريا بأيدي كلاً منهم وتحدث ببكاء : تمارا ليها أنس وأسر وإنتوا الي هتبقوا معاها تسندوها إنتا يا أسر هتحبها وتخاف عليها وتبقى أبوها وصاحبها وإنتا يا أنس هي شايلة إسمك هتتعودوا على بعض هتحبك زي ما أنا حبيتك زمان إنتوا الاثنين جزء من حياتها فاهمين .

نظر الاثنان الى بعضهما ومن ثم أعادوا النظر الى ماريا التي نهضت عن الطاولة وتحدثت بهدوء وهي ترى تمارا عائدة بسرعة الى أحضانها التقطتها ورفعتها بحيت تقف على الكرسي تحدثت اليها بهدوء وهي تجذب خصلات شعرها القصيرة التي تماثل شعرها وتحدثت : إنتي عارفة إن ماما بتحب تيمو جدا وعمرها ما هتزعل منها أنا عايزة أقولك أفضلي حبي ماما أوي ومتزعليش منها ومتزعليش من أسر أو أنس وخليكي فاكرة إن علطول هكون معاكي وفي قلبك .

احتضنتها وكأنها لن تراها مرة أخرى تساقطت دموعها وهي تستنشق رائحتها قبلت رأسها ووجنتيها وتحدثت لأسر وأنس : خدوا تيمو تلعب شوية وعلشان كمان هيبقا ليكوا يوم في الاسبوع إنتوا الاثنين هتخرجوا معاها مع بعض فاهمين ووجهت حديثها لأسر أنا هرتاح شوية على ما ترجعوا ماشي .

تحركت بسرعة كبيرة نحو الخارج ودموعها تأبى أن تجف اتجهت نحو الشالية الخاص بهم دخلت الى الداخل وأغلقت كافة النوافذ والابواب وتركت المفتاح الخاص بالشالية في الباب من الخارج توجهت نحو السرير في الغرفة الخاصة بها وامسكت تلك العلبة التي تستخدمها عند الشعور بالأرق فتحت العلبة وأخرجت كل الاقراص الى الخارج وبدأت بتناولها قرص تلو الاخر ...............