Page 247-253
Page-247
အခန်း (၁၃)
အဲ့ဒီညက ဖုန်းကျို အိမ်မက်တစ်ခုမက်ခဲ့တယ်။ အိမ်မက်ထဲမှာ ကောင်းကင်တစ်ခုလုံး တိမ်တွေနဲ့အုံ့ဆိုင်းနေတယ်။ ကွင်းပြင်ကျယ်ကြီးထဲမှာ မီးတောက်မီးလျှံတွေ နေရာအနှံ့ တောက်လောင်နေပြီးတော့ အမဲရောင်မီးခိုးတွေရောနေတဲ့လေတွေကလဲ တဝူးဝူးတိုက်ခတ်လို့နေတယ်။ ဝမ်းနည်းညှိုးငယ်နေတဲ့မြစ်တစ်စင်းဟာ ကွင်းပြင်တွေကိုဖြတ်ကာ ကွေ့ကောက်စွာဖြတ်သန်းစီးဆင်းနေပြီး မြစ်ကမ်းပေါ်မှာ တဖြတ်ဖြတ်လှုပ်ရှားနေတဲ့ ပုံရိပ်လေးတစ်ခု ရပ်နေလေတယ်။
မြစ်ကမ်းပါးမှာရပ်နေတဲ့သူက တစ်ကိုယ်လုံး အနီရောင်ဝတ်စုံဝတ်ထားတယ်ဆိုတာ ဖုန်းကျို တပ်အပ်ပြောနိုင်တယ်။ ထိုသူရဲ့ရုပ်သွင်ပြင်ကို သဲသဲကွဲကွဲမမြင်ရပေမယ့် အဲ့ဒီသူက Aranya ဆိုတာ သူမသိတယ်။ စိတ်ထဲမှာ မေးခွန်းပေါင်းများစွာနဲ့အတူ ဖုန်းကျို သူမအနားကိုတိုးကပ်သွားချင်တဲ့အတွက် ရှေ့မြက်ခင်းခြောက်ပေါ်ကို ခြေလှမ်းလှမ်းလိုက်တယ်။ သို့သော် အကြောင်းတစ်ခုခုကြောင့် အရှေ့ကိုတိုးလို့မရဘူးဖြစ်နေခဲ့တယ်။
အနီရောင်ပုံရိပ်လေး မီးခိုးမဲတွေကြားကို တိုးဝင်ပျောက်ကွယ်နေတာ မြင်လိုက်ရတဲ့အခါ သူမ အလောတကြီး လှမ်းအော်မေးလိုက်တယ် "ရှင်ဘာလို့ ကိုယ့်ကိုကိုယ်သတ်သေချင်ရတာလဲ? ရှင့်ရဲ့ဝိဉာဉ် ပျက်ဆီးသွားတဲ့ထိကိုစွန့်စားပြီး သေချင်လောက်အောင် တကယ်ဘာတွေများဖြစ်ခဲ့လို့လဲ?"
မိန်းမပျိုလေးရဲ့ လှောင်ရယ်သံဟာ လေတိုက်သံတွေကြားမှာပဲ ပျံ့လွင့်လာခဲ့တယ်။ Su Moye ပြောပြခဲ့တဲ့ တည်ငြိမ်အေးဆေးတဲ့ပုံစံနဲ့ သူမပြောလေတယ် "ဟုတ်ပါရဲ့ တကယ်ဘာလို့များလဲ?" မီးတောက်တွေဟာ ရုတ်တရက်ပိုမိုကြီးမားလာပြီး ဖုန်းကျိုရဲ့ခြေထောက်ရှေ့ကို သားရဲတစ်ကောင်လို အမြန်ရောက်လာခဲ့တယ်။ သူမလန့်ဖြတ်ပြီး လေထဲမှာပျံမိသွားတယ်။ တဖြည်းဖြည်းနဲ့ သူမရဲ့ခန္ဓာကိုယ်တစ်ခုလုံး လေလိုပေါ့ကာ အိပ်ရာကလန့်နိုးလာခဲ့တော့တယ်။
မနက်ရောက်တော့ အဲ့ဒါ နိမိတ်ပြတဲ့အိမ်မက်များလားလို့ ဖုန်းကျိုတွေးမိတယ်။ ဒါပေမယ့် ဘာကိုနိမိတ်ပြတာလဲဆိုတာ သူမစဉ်းစားမရနိုင်ခဲ့ဘူး။ မနေ့ကမှ Mo Shao နဲ့အတူပြန်ရောက်လာတဲ့ Chacha တစ်ယောက် ဆရာ Mo Shao ဗိမ္မာန်တော်ကိုပြန်တော့မှာဖြစ်ကြောင်း သူမရဲ့ဂါဝန်ကိုမြှောက်ကာ အပြေးအလွှားလာသတိပေးလေတယ်။ မနေ့က သူမ စာဖတ်ခန်းသန့်ရှင်းရေးလုပ်ရင်း တော်ဖီခဲတွေထည့်ထားတဲ့အိတ်တစ်အိတ်နဲ့ Mo Shao အတွက်ဆိုပြီးရေးထားတဲ့ စာတစ်စောင်ရယ်ကို တွေ့မိတဲ့အတွက် ဖုန်းကျိုကို အဲ့ဒီတော်ဖီခဲအိတ် ဆရာ Mo Shao ကိုပေးအုန်းမှာလားလို့ လာမေးခြင်းဖြစ်သည်။ ဖုန်းကျို ကိုယ့်နဖူးကိုယ် ပြန်သာရိုက်ပလိုက်ချင်တော့တယ်။ ဟုတ်ပါရဲ့ Chacha သာသတိမပေးရင် သူမမေ့တော့မလို့။ ချက်ချင်းပဲ စာဖတ်ခန်းထဲကိုသွားကာ တော်ဖီခဲအိတ်ယူပြီး Mo Shao ကိုရှာရန် ထွက်သွားတော့သည်။
